小城鎮 (已結業)

今日去北角一間餐廳同中同相聚。係忙完一整日，總想要同朋友坐到傾下計。餐廳個環境幾好，吾會好迫好嘈，好岩傾下計再慢慢坐。加上環境都幾大，幾舒服。Main 可以升級加配酥皮湯酥皮湯。細細個去某連鎖店總會加錢配酥皮湯，而家已經買少見少，今日可以食真係好開心。大蝦沙律都幾大份呀，配埋個醬，同埋都好多隻大蝦，作為一個前菜，幾Fresh 可以慢慢食住等。都幾大份，岩曬大家一齊食。香煎比目魚配荷蘭他他醬個比目魚係新鮮煎起，魚皮仲係超級脆。好味道，加上個個魚肉煎既時間岩岩好，魚仲好滑。佢個底係配薯蓉，好滑好creamy 招牌豬肋骨Ribs 焗得超香，好多時ribs 都係share 食既好選擇。今次係全份既ribs, 材料吾錯，好重豬味，加埋個汁都整得超好食，吹住水食下一件又一件。水果茶，有凍有熱，本身我只以為係普通水果茶。結果上黎時好警喜，係一個兩人份超大水果茶。加上天氣咁熱，好需要fresh 既果茶去下暑。朱古力，一杯凍朱真係好吸引。好味道得黎又好爽。

住北角多年一直都覺得區內好食兼抵食嘅西餐廳不多，最近發現了一間！餐廳入面都比較多位，坐得舒服，感覺有Ｄ似去了外國小城鎮食野！Dinner set 可以加$48配酥皮湯，絕對值得點嚟食～酥皮湯內配上番茄牛肉餐湯，粒粒牛肉香濃入味， 番茄同牛肉香味配搭好match。主菜方面，特別喜歡香煎比目魚配荷蘭沙沙醬，比目魚幾厚肉，外層煎得香脆，內層魚肉鮮嫩，點埋旁邊沙沙醬更惹味。招牌豬肋骨配薯條真係啖啖肉，味道香甜入味，配上旁邊嘅薯條真係一流！另外還點了個煙三文魚蜂蜜醋沙律，三文魚新鮮，食落去大大啖好滿足，配上蜂蜜醋醬，甜甜酸酸的幾refreshing。甜品同樣出色，鮮果奶凍奶味香濃滑香。加$10更加有特色飲品，配搭非常多，而且甜度適中，好吸引！以後在北角食西餐有新option了~~~

今晚收工去左北角既西餐廳小城鎮食晚飯，之前黎過覺得好抵食而食物質素都幾好，實行食過返尋味。呢間餐廳既主題係懷舊火車，裝修佈置都有特色，收銀處係火車售票處，牆上掛左唔同國家時間既時鐘，入到去有少少身在歐洲火車站既感覺。食物方面，餐廳主打西餐，餐牌有沙律，湯，手工比薩，意大利大廚麵，特色飯，大廚推介主菜，滋味小食，飲品，酒類。今晚叫左兩碗湯，一份沙律，兩份主菜同兩杯飲品分享。酥皮湯兩碗酥皮湯熱辣辣上枱，已經聞到好香既酥皮味，酥皮浸落湯好味道，完全唔油膩。湯底係西蘭花忌廉湯，味道都唔錯。蟹肉粟米蛋粒沙律配自家製沙律醬 $62蟹肉粟米蛋粒沙律配自家製沙律醬係新鮮沙律菜底配有幾粒車厘茄，上面加左大量蟹柳肉，烚蛋片，再加上少少粟米粒同菠蘿粒，仲有少少蟹籽，滑溜沙律醬好豐富，成份沙律都好有味，蟹味好濃，粟米粒同菠蘿粒仲可以加添口感。香煎三文魚扒配忌廉檸檬汁跟薯蓉 $148香煎三文魚扒好大塊，三文魚扒塊皮係脆既，都有好多肉食，又無骨，可以配白色忌廉檸檬汁食。下底墊有滑溜薯蓉，伴有西蘭花一大件，滑溜椰菜，兩粒車厘茄同翠玉瓜兩片。好健康既一道主菜。10oz安格斯西冷牛扒配薯條 $20810oz安格斯西冷牛

星期五放工去咗北角搵朋友食飯，我哋幫襯咗「小城鎮🏰」，如果唔係街坊未必識嚟😳，因為佢位置喺內街。餐廳裝修行工業風，用上舊式火車模型同復古路牌作點綴🚞，配合返外國小城鎮嘅主題。整體環境舒服，朋友聚會或情侶拍拖嚟呢度都好適合！餐廳定價比想像中平🍽，大部份薄餅、意粉同飯類嘅菜式一百蚊樓下有找；而肉扒就貴少少，但都係講緊百幾二百蚊，而且份量仲要好多！佢設有二人套餐，但想食嘅嘢都不在其中，所以最終散叫。三文魚卡邦尼意粉($98)，🍝意粉賣相吸引，麵條偏幼身，口感富嚼勁，兼且非常掛汁。我認為比起所謂專門店嘅手工Pasta更出色！卡邦尼醬汁唔會好膩好黏，偏近忌廉風。面頭散上脆煙肉粒🥓，而內裡就有煮熟咗嘅煙三文魚、煙肉片同雜菌，每啖食落都好豐富。蒜蓉香草焗羊架($168)，🐑🍖羊架一客有三件，羊羶味適中，並滲透出蒜蓉香草味，但又唔會蓋過肉味。羊架肉質唔韌，沾薄荷醬食一流🌿！伴菜擺盤好有心思，包括車厘茄、翠玉瓜、西蘭花同椰菜等，全部蔬菜都好清甜。忌廉黑菌牛柳粒($75)，小食滿有驚喜，因為無諗過個汁咁惹味，而且同牛柳粒都好夾🤤。牛柳粒有七至八粒，質素唔錯，牛味濃郁兼肉嫩。除咗肉之外，佢仲有好多菇🍄同三色

星期六晚同老公搭叮叮去北角食晚飯。我地叫左兩個主菜，都加左$48升級做套餐，另外再叫左三樣野食。套餐既酥皮湯同平時既唔同，用上羅宋湯，而唔係忌廉湯，成件事健康左好多，酥皮好香口。慢煮羊腿配薯蓉羊腿肉質好軟腍，帶點好香既羶味，薯蓉綿滑，牛油味重，好多洋蔥、雜菇、椰菜，仲有西蘭花，蔬菜都整得好好食。香煎厚切鵝肝伴紐西蘭牛柳鵝肝肥美，加上黑松露醬更香，牛柳超級厚身，真係啖啖肉，亦有蔬菜伴碟，營養均衡。深海鮮蝦凱撒沙律好大碟，沙律菜新鮮，醬汁幾好味。白酒忌廉燴青口青口數量頗多，唔會好細隻，唔錯。煙三文魚牛油果醬沙沙多士超級足料又好食，正。套餐甜品揀左朱古力曲奇慕絲蛋糕同藍莓芝士蛋糕，我鍾意後者多啲。餐飲揀左百香園水果茶同綿綿朱古力，賣相幾得又好飲。