老川皇

營業中

休息中

酸菜桂花魚(斤/$192)-我地4個人食1斤啱啱好，桂花魚非常滑，極度推薦大家食桂花魚！干煸四季豆($68)-四季豆炒得好香之餘又唔會太辣，可以一試！椒鹽軟殼蟹($142)-個人認為呢個菜式幾特別，好少地方可以食到軟殼蟹，而且用椒鹽炒都非常入味！炸饅頭半打($30)-個人非常中意食炸饅頭，而且佢仲有得揀鴛鴦版，唔食炸嘅朋友都可以點架。串燒($12-$15)-今次叫咗雞中翼、豬頸肉同雞軟骨串燒，配上佢地獨家秘方嘅辣粉都好好味。

我地入去果陣都仲有位，點知過一陣就坐爆哂，都幾多人黎食我地今次試左酸菜魚，再叫白飯加幾串串燒，兩個人食已經夠飽酸菜魚我地叫左桂花魚，幾滑冇乜細骨，好好食，但我原本expect 可以酸d, 如果再酸d就perfect啦，但整體黎講幾好食，不過再黎既過應該會叫水煮魚/花椒，因為當食左一半之後覺得有d單調，食辣既人會覺得有辣應該好食d串燒幾抵食，幾蚊至十幾蚊一串，雞全翼唔錯，但魷魚同雞軟骨好細舊，有d失望😞

在旺角行住街等男人收工, 無辣不歡既男人話要帶我搵返啲回憶喎, 事關幾年前已經帶過我食老川皇。 時間夜晚七點左右, 去到歐美行兩層樓梯, 以為時間尚早但座位已經滿得八八九九, 遲少少都要門口排隊等位。🔸酸菜桂花魚🔸我地鍾意食比較滑既魚肉, 所以揀咗貴少少既桂花魚, 兩口子一斤份量已經好夠了。 雖然叫咗少辣, 但酸菜本身都辣, 酸酸辣辣送飯一流。 魚片份量都好多, 肉質好滑, 唔多骨, 就算有骨都比較大條易食。🔸重慶風味燒烤🔸以前都成日返大陸食串燒, 孜然粉串燒真係好地道風味, 都可以揀辣度。四季豆, 牛肉, 魷魚鬚。 個人比較鍾意魷魚鬚同四季豆超正, 同孜然粉好夾好野味😋🔸干鍋肥腸🔸香港唔係好多地方有得食肥腸鍋之類, 就算有得食都未必好食。 肥腸真係唔係人人識欣賞, 第一啖就食到濃郁既肥腸獨有既味道, 加上爆炒得有少少脆皮, 會令你好想食第二舊。 鍾意佢肥瘦啱啱, 唔會太多肥膏, 但就好快就食哂啲肥腸囉~😂

好難得約到可以食辣既朋友食飯，所以同佢食飯我一定要求食川菜🤗朋友提議去食老川皇，話上次食過覺得唔錯！我地簡左呢間因為感覺餐廳大d可以坐得舒服的🙂我地叫左一份酸菜桂花魚，一碟涼伴牛肚同干鍋田雞😋本身想試水煮魚，不過朋友話好耐無食酸菜魚所以今次就遷就下佢啦😂份酸菜魚好大盆，另外我地仲加左一份紅薯粉係入面！我地叫左小辣，個人覺得唔算太辣，入面既桂花魚好新鮮，肉質鮮嫩，而且唔多小骨！👍🏻👍🏻酸菜魚個湯同薯粉都好夾！😋涼拌牛肚我地要左中辣，個人覺得個汁調得唔錯，辣得黎都食到有蒜香味！朋友話上次食過干鍋田雞好正，所以今次要encore!! 🤨果然係正！成個鍋炒得好有鑊氣，熱辣辣！而田雞肉好新鮮份量亦唔小！！🤣下次要黎試下呢道既水煮系列！😋

川菜是中國四大菜系之一，因起源於四川地區而得名，以 麻、辣、鮮、香 為特色，以一菜一味、百菜百味而聞名。我第二站嘅食評就係「老川皇」。第一樣選擇就係: 酸菜桂花魚桂花魚肉質鮮甜嫩滑 ，但唯一失色之處就是酸菜湯味道稍有不足。第二道菜亦都係四川家常菜: 火爆腰花味道惹味 ，略嫌猪腰部分不夠爽口。另一道家常川菜: 乾煸四季豆味道 乾、香、辣、爽 ，色香味俱全。 清炒萵筍絲 萵筍絲切得大細適中有口感、爽脆。除咗小菜之外另外再點咗燒烤: 羊肩肉、雞中翼、海蝦燒烤方面，全部都不太理想 ，可能是去的時間已經是十點之後，食材以放了有一定嘅時間。出色嘅燒烤食物: 大元貝大元貝鮮甜濃郁、製作時間控制適中。