茶茶台式料理 (已結業)

臭臭鍋？聽個名好似好奇怪，究竟係咪好似臭豆腐咁臭？原來係檢自台灣既鍋，有啲似打邊爐咁，有好多唔同既餸係個鍋入面，今次就黎左旺角既【茶茶台式料理】，晚市都差唔多坐滿人。餐牌上原來除咗招牌既臭臭鍋，其實仲帶好多唔同口味，岩哂不同喜好既人一人一鍋～仲有好多唔同既台灣小食飲品可以揀，可以當去左台灣夜市咁！鹽酥雞併小香腸台灣最出名既美食係哂呢個併盤入面，可以一次過滿足晒想要既野。台灣腸同平時係台灣食既差唔多，都係好有台灣風哋，鹽酥雞更加不用多說，好食！酸菜肥牛鍋呢款鍋好得意，得意之處係佢唔辣，但會有麻辣既麻既感覺！裡面既餸非常豐富，除左有肥牛，仲有冬菇、粉絲、蜆、丸、菜⋯⋯仲有其他酸菜口味好開胃，同其他餸都好夾，最岩唔食得辣既朋友！麻醬手撕雞伴麵本身以為跩個麵平平無其，但其實食落都幾好食！麻醬好濃郁，好有花生味，鐘意重花生味既人好適合～另外手撕雞都好食，充滿麻醬味，份量都好足料。芝芝莓莓

朋友帶我去旺角食好西～😎「臭臭鍋」😰😰「臭」係指臭豆腐！係台灣流傳過嚟嘅美食👍🏻所以就要去返台式食店「茶茶台式料理」食～呢間台式食店除咗有台式小鍋，仲有手工麵，滷肉飯，台式小食，台式飲品～只賣台式菜式嘅餐單都好豐富😙台式小鍋原來都有五款選擇。心大心細咗咁耐，最後都係無揀到臭臭鍋🤭因為隔離枱的「酸菜肥牛鍋」更吸引我眼球同鼻子♨️所以我都叫咗「酸菜肥牛鍋」。雖然是一人一鍋，但份量都唔少！上菜時已經可以熟咗，可以隨時食。鍋底下有微火一直加熱，唔怕湯頭會凍咗。酸菜肥牛鍋 + 公仔麵 $108 + $8上枱時已經聞到好香嘅酸菜味！火鍋配料有肥牛、酸菜、豆腐、粟米、菇、蜆、金菇、榨菜、支竹、花枝丸、貢丸、娃娃菜、蟹腳、粉絲。真係非常豐盛！粉絲吸收湯底精華，好美味！開頭怕唔夠飽仲加咗公仔麵，食完真係好飽好滿足！

【#莎拉旺角搵食】台式餐廳 #茶茶台式料理 ，OpenRice有得book 位👍🏻特別嘅係有別於其他台式餐廳，唔止有滷肉飯，仲會有台式小鍋。識得辣嘅可以揀招牌臭臭鍋；轉涼想養生揀藥膳雞鍋；唔食得辣/牛魔王揀酸菜肥牛鍋。📍 酸菜肥牛鍋 $108有粟米，鵪鶉蛋，粉絲。粉絲索晒啲汁好好味，一定配沙茶醬❤️📍涼拌小青瓜 $30酸酸味味，好開胃📍涼拌手撕雞 $42麻醬yummy ，雞翼位👍🏻食台菜點可以唔飲珍奶📍芋香珍奶 $28芋香，奶重📍荔枝酸啤酒 $45來自台灣的手工啤酒！樽上都印上台灣地址。聞落去係好清荔枝味，飲落去就酸啤酒味。星期四晚上六點半左右到，唔洗等位。

今晚突然想吃台灣菜，約朋友到茶茶台式料理， 位於旺角豉油街地點方便。 店內裝修簡約， 之前試過這裏的台式臭臭鍋， 今次就食酸菜肥牛鍋$108加手打烏冬$12、台式紅燒牛肉麵$68、 涼拌手撕雞$42、 奶蓋莓莓$38。酸菜肥牛鍋～ 台式火鍋一人一鍋， 火鍋配料有冬菇、粉絲、蜆、肥牛、粟米、貢丸、花之丸、支竹、椰菜、娃娃菜、金菇、豆腐、鳴門卷、芫荽和榨菜。 湯底有少少酸菜的惹味， 粉絲吸曬湯底的精華，特別滋味。手打烏冬～ 加多一個手打烏冬， 配上酸菜湯底特別好吃。台式紅燒牛肉麵～ 牛肉超軟腍， 湯底甜甜地， 好耐冇食牛肉麵了。涼拌手撕雞～ 手撕雞爽口滑溜， 一碟裏面還有一隻雞翼和雞翼尖， 美味涼拌。奶蓋莓莓～ 奶蓋味道帶鹹， 配上莓的甜味， 入口香滑， 超好飲。喜歡這裏的台式火鍋， 適合近期開始轉凍的天氣， 熱辣辣又暖胃。