醉藥雞 (啟志樓) (已結業)

最近病咗一排，大節日又係咁食啲熱氣野，今日食翻啲補啲嘅醉雞米。荃灣好多人都推醉藥雞。叫咗一鍋招牌醉雞米加蛋，冷麵同兩樣小食。我食醉雞米冇乜經驗，只係食過旺角嘅一間。呢間嘅醉藥湯底完全唔同，可以形容為大人口味嘅醉湯，偏多藥材味，湯料都好足(有紅棗，薑米，山藥，木耳等) 麵亦有好多選擇(米線、米粉、刀削麵、銀針粉等) 雞就3-4舊，唔係雞髀都好滑。醉蛋好入味，蛋黃好鬆，仲有幾條蟲草花。另外嘅冷麵就唔多講，總言之都係食翻招牌菜好啦，其他就忘記佢，個麵嘅質地好似泥膠咁。醉牛舌都幾入味幾淋，有5片左右。

雞湯味道不錯^ - ^麻辣雞撈麵麻麻琴晚飲完酒 想食d帶湯嘅野解酒上網就搵到呢一間專食雞湯嘅舖頭朋友嗌咗麻辣口水雞撈麵我就叫咗出名/人哋推介嘅砂鍋雞湯翅 我揀咗配飯 （見到除左飯之外 可以揀米線 刀削麵 粉皮 米粉 銀針粉 瀨粉 粉絲）上網見到呢間嘢話出名 「醉」小食咁就揀左 唔係成日見到嘅醉牛舌黎試試麻辣口水雞撈麵係第一樣嘢到嘅上到枱嘅感覺係佢將所有嘢都分開咗麻辣還麻辣 雞還雞 麵還麵 青瓜還青瓜個雞呢 唔似出面其他有賣口水雞嘅舖頭咁係用麻辣醬醃雞 呢一個麵個感覺真係普通 唔會因為佢而特登嚟食 會覺得係醫飽咗個肚就算第二樣上嘅係醉牛舌 牛舌入味 睇落去好細碟 但係都有10塊左右 咁有薄有厚啦 會見到有d蟲草花同杞子桂花係個湯汁到最後上嘅係砂鍋雞湯翅上菜時個湯係好滾 好熱 飲嗰陣時要小心啲（就係咁樣喇親）翅係細舊 約莫四舊左右 雞肉老身 似係煲湯嘅雞肉 個湯越飲覺得越鹹 食到最後有想飲水嘅感覺總括而言，都會再嚟食嘅如果想飲雞湯同試下其他「醉」小食環境普通 一入去已經見到有兩張卡位，因為滴水同天花甩灰無得坐然之後我地坐個張凳有好多食物碎 衛生可以有進步空間

👧🏻😋👅🍽✨醉, 藥, 雞, 三範都掂!-醉藥雞🇭🇰 荃灣路德圍8號啟志樓地舖 🇭🇰-🐔食物好多選擇, 同埋真係好圍繞主題, 樣樣都係醉/藥/雞, 野食夠專👍🏻🐔weekend黎都要等一陣位, 好彩上菜同轉流都快, 唔算等好耐🐔勁好, 4人排我地後面, 但都俾我地2人入去坐卡位先! (不過之後好快4人都入左卡位🤣)-🍲🐓 砂鍋人蔘雞米線 $68💯大大個砂鍋超熱, 上菜時湯掂到鍋邊會blublu聲💯雞湯有滿滿既雞油, 好濃郁但唔會覺得鹹, 食完個滑嘟嘟米線仲飲左半兜💯人蔘好香但比較溫和唔苦, 雞肉超滑-🥚 加溏心醉蛋$10-🥃🍜 醉肝鮑藥膳湯底刀削麵 $88✨鵝肝好驚喜! 超軟滑好creamy✨呢啲濃湯應該係配米線最正, 但見佢有刀削麵仲唔使加錢又忍唔住轉🤣 麵底較腍, 好吸湯-🐔🥒雞絲粉皮$38💯麻醬好香! 粉皮夠滑! 好 refreshing-🥃🐮👅 醉牛舌$48✨份量多好抵食! 質地好腍吸滿晒酒好正😆-