京香閣 (已結業)

今日同女友去上還搵食，事原係我今日喺上環收工，因為上次同佢食過一間中式飲茶自助餐，見到對面有一間京香閣有片皮鴨buffet，今日咁岩喺上環收工，所以就試試佢😍Book咗7點，我哋又係例牌早到，6:45就入座，侍應姐姐好好招呼，話早到冇所謂，咁梗係食頭啖湯好啦⋯⋯✌🏻中式片皮鴨自助餐真係第一次食，原來都有好多品種選擇，我最鍾意食嘅就係醉雞、醉蝦、當然仲有我最愛嘅鮑魚😆其實以我同女友嘅胃口，根本冇可能試晒所有菜式，真係好多選擇😵一張長枱擺滿曬嗰種食物，睇落去已經花多眼亂😍差不多所有即炒小菜都有蓋蓋好，乾淨衛生👍🏻片皮鴨新鮮熱辣，配菜自己加，我自己就鍾意多啲青瓜，唔要蒽，任食真係正呀😂馮係有蝦嘅地方，我都必定支持😆💪🏻💪🏻花雕醉雞好入味，女友就有啲感冒所以唔敢食，就算佢冇感冒我都怕佢會食到醉咗🤪翠玉瓜炒帶子，翠玉瓜好新鮮，完全係去大酒樓食小菜一模一樣👍🏻👍🏻西芹斑片又係拍得住大酒樓小炒👏🏻每位客人都有花膠雞湯，女朋友感冒唔敢飲，所以我一個人飲晒兩大碗，補充好我啲骨膠原😆每位都有一隻鮑魚，隻鮑魚都幾大隻又彈牙😁女友唔舒服，所以我剝晒啲蝦俾佢慢慢食，啲蝦肉好爽，夠新鮮👍🏻👍🏻估唔到任飲嘅豆漿，豆

是日一行三人到上環京香閣食放題。人頭計可以有一轉砂鍋花膠雞湯，雞味濃花膠正。仲有一碟。原隻鮑魚花菇，隻鮑魚個味都幾好，花菇幾大隻個菇味幾香。有好多前菜熱食，都唔 一一介紹。小籠包除了熱辣辣外，個肉質都幾好唔會死實實雪味咁。片皮鴨皮脆肉嫩又唔會太肥，配合上蜜瓜青瓜加醬汁冇咁肥膩感覺。冷盤中個醉雞同醉蝦都幾香口，花雕酒味又唔算太搶但入晒味，而蝦肉質好實肉。醬茶鴨都幾香幾好味道。炒土豆絲都幾乾身，炒得幾香口好味。甜品方面食了個高力豆沙都ok,紅豆唔會過份甜。豆沙鍋餅都幾好食。炸饅頭加奶可以話係夾到一絕。仲有汽水，豆漿，熱茶等等可以任飲。

今天約好朋友到上環京香閣食晚飯，食中式放題。每人有一碗砂鍋花膠雞湯，原隻鮑魚花菇。個湯都幾香濃，花膠口感不俗。鮑魚爽口彈牙,花菇就好香菇味。前菜有沙律菜，麻辣多春魚，醉蝦，花雕醉雞，五香牛肉，鎮江肴肉等等。我自己覺得個醉蝦爽口彈牙之外仲好香酒味同蝦既鮮味。花雕醉雞都好香酒味及滑雞。片皮鴨個皮脆鴨香。糖醋魚塊，四川回鍋肉，生炒排骨都幾好味。熱菜方面仲有上湯翡翠苗都幾清新，椒鹽排骨夠脆口，西芹炒魚片魚肉都幾滑幾有魚香，醬茶鴨入晒味同片皮鴨可以話兩個層次。澱粉質都有上海粗炒，雪菜肉肉絲炒年糕。甜品炸饅頭，高力豆沙，豆沙鍋餅，脆麻花等。小籠包，紅油抄手都有得即點。小籠包勁熱勁多汁，食既時候小心辣口。