影片
港鐵上環站 E5 出口
繼續閱讀
營業時間
星期一至日
11:30 - 16:00
18:00 - 23:00
以上資料只供參考, 請與餐廳確認詳情
放題見過不少，以食小菜作為放題的還是第一次食，同朋友去完PMQ欣賞展覽後，朋友見我喜歡食小菜，於是帶我來京香閣試試。放題菜單上的食物有不少選擇，上海菜、北京菜、粵菜也可以品嘗得到。先來了幾碟涼菜，鎮江肴肉、四喜烤夫、涼拌小茄子。放題套餐包了每位一份蟲草花花膠燉雞湯和半隻加拿大龍蝦，可選擇避風塘、蒜蓉蒸、豉油煎等食法，我揀了蒜蓉蒸。而朋友就揀了豉油煎巨型大虎蝦，肉質彈牙鮮甜，醬汁並冇掩蓋原來海鮮的鮮味。見到師傅正在切片皮鴨，亦上前排隊夾了幾片，片皮鴨精華當然是在鴨皮，皮脆有光澤，配上京蔥、哈密瓜絲、青瓜絲，塗些片皮鴨醬汁吃，滋味無窮，最受歡迎。另外又點了一些主菜、蔬菜、點心，干扁四季豆、上湯翡翠苗、翡翠炒蝦仁、醬茶鴨、話梅骨、炸饅頭，醬茶鴨吃起來有股薰茶香，肉質挺嫩的，四季豆很脆口。最後梗係要留肚吃甜品啦，桂花糕、酒釀丸子、豆沙鍋餅、雷沙湯丸、雪糕脆麻花，一次過品嘗多款甜品，過足口癮。豆沙鍋餅的紅豆蓉很軟綿，忍不住多吃了兩件，雪糕脆麻花香脆可口，伴雪糕吃一流。兩小時的小菜放題，可以食到多款上海菜、北京菜，又有自家製飲品，確實係幾過癮又抵食嘅！況且坐得幾舒服，唔洗同人逼。
繼續閱讀
平時食開既放題大多都係日式/西式自助餐，今次轉轉口味，去左食京式片皮鴨任飲任食放題😋 228蚊就食到多款京川滬菜，每位仲送上一碗足料砂窩花膠雞湯及芝士/蒜蓉焗大虎蝦，我就加左40蚊揀左要龍蝦🤤·特別會有一個area即場片🦆片皮鴨，切片姐姐手法純熟，每塊片皮鴨都片得厚薄均勻，片皮鴨燒得皮脆肉嫩，仲好有肉汁添，感覺亦唔會好油膩🤤 再加埋青瓜、京蔥、京醬以超薄麼麼皮包住一齊食，真的回味無窮😋😋·另外仲有多款涼菜、主菜、點心及甜品都係任食，包括小籠包、生煎鍋貼、醉翁蝦、水煮牛肉、雪菜鮮魚羹、酒釀丸子、回鍋肉、醬茶鴨、脆麻花等等，真係多到不能盡錄😍😍 飲品亦有可樂、豆腐、竹蔗茅根等以供選擇。·全部食物飲品都係無間斷供應，食哩餐京川滬菜放題後，真係令我更愛上食放題😆 以後食放題又多一個新選擇啦yeahyeah🤗🤗
繼續閱讀
#cassiegosheungwan-瘦編今日要努力擴大自己嘅搵食版圖，黎左上環！點解會黎上環？係因為收到消息，依度有好特別嘅中菜自助餐，除左好少見會有中菜任食之外，仲有任食片皮鴨。其實瘦編好鐘意食片皮鴨，不過多數都係去北京旅行先會食，係香港真係好少吃，今次就去試下啦！🤩-依間位於上環的京川滬菜酒樓「京香閣」由一月開始推出左京菜自助餐優惠，可以優惠價$228起任食片皮鴨，更可以任食中菜包括口水雞、醬茶鴨、水煮牛肉、醉翁蝦、高力豆沙等超過40多款小菜，另外每位顧客再加送新鮮加拿大活龍蝦（半隻）及蟲草花花膠燉雞湯。去到攞位嘅時候，店員分別會問你，原來係有兩隻選擇嘅，1️⃣新鮮加拿大活龍蝦(半隻)$268 2️⃣巨型大虎蝦 $228。顧客仲可以自選烹調方法，例如避風塘猛炒、蒜蓉清蒸、芝士焗煮等。🍜-首先上嘅蟲草花花膠燉雞湯好足料，有滋補肝腎，益肺平喘嘅功效。之後龍蝦都好快就有，蒜蓉清蒸超正，好鮮甜。重點係片皮鴨啦，出面Keep住有人排隊，初頭好擔心要排好耐或好耐先有一隻片皮鴨，但原來唔係嫁，Keep住都有片皮鴨出爐，姐姐切得都好快，同埋真係好好食，皮脆肉嫩加少少脂肪，依家諗起都流哂口水！其他中菜食物分兩種，放題式點心紙同出面自助式，緊有一款岩你口味。🤓-味道評分▶️🌕🌕🌕🌕🌗 (4.5)抵食評分▶️️🌕🌕🌕🌕🌑 (4) 回購評分▶️️️🌕🌕🌕🌕🌗 (4.5)-➡️ 京香閣 (上環)📍 上環德輔道中199號無限極廣場2樓-
繼續閱讀
日式放題打邊爐就食得多，原來中式野都有得仼食🥳上網見哩到有2小時仼食頂級京菜！每位仲送蟲草花花膠燉雞湯加拿大龍蝦半隻/巨型大虎蝦😍有成五十道菜式，半自助式自己拎前菜，推薦：手帕青瓜，涼拌小茄子🍆酸酸地好開胃，醉翁蝦我自己都係第一次食咋好香濃嘅酒味，蝦肉爽彈，口水雞夠辣又惹味。京式片皮鴨都係任食㗎，大約每半個鐘就有一轉。外皮夠脆之餘不會韌。小菜全部即叫即炒，份量岩岩好，叫多幾款都得，唔怕浪費。
繼續閱讀
其實都係我第一次食中式嘅自助餐一黎每人一碗蟲草花花膠雞湯真材實料，成啖湯都好香仲可以選龍蝦或者大虎蝦，肉質好鮮甜有唔同整法，干燒、避風塘、芝士或上湯焗、蒜蓉蒸、鼓油王煎最正係京式片皮鴨，係原隻烤鴨即場片皮脆肉嫩，充滿油香，淨係食呢d都已經回本我哋都唔知食咗幾多轉😋😋😋放題菜式種類都好多，有成四十種涼菜有鎮江肴肉、四喜烤麩、 口水雞、醉翁蝦等主菜有糟溜魚片、話梅骨、大千雞、東坡肉、四川回鍋肉、水煮牛肉、醬茶鴨等甜點有薑茶丸子、酒釀丸子、高力豆沙、豆沙鍋餅仲有即叫即蒸點心！ 糯米燒賣、小籠包、生煎包等等！$228/任食2小時真係值回票價！好抵食！
繼續閱讀