上海弄堂菜肉餛飩 (已結業)

餐廳名字簡單，卻充滿老上海風情。所謂「弄堂」，是老上海的一種獨特社區，由一整片街巷內的居民建築所組成。「弄堂」本義指此類居民區中的小巷，類似北京的「胡同」。20世紀上半葉之前，上海的居民房屋大多建築在「弄堂」制式的小巷內，有成排的獨棟房屋或公寓樓或連成一氣的排屋，彼此緊密相連，因此孕育了特殊的「弄堂」生活文化，是海派文化的重要組成部分。隨著上海城市改造建設，弄堂和弄堂文化正在逐漸減少，但上海一些仍未發展的老社區，仍然存在着「XX街 XX弄」的老式地址。地舖餐廳的面積唔會太大，推門入內仍然有個小玄關，估唔到餐廳老闆願意佔用一點面積，佈置一個磨砂玻璃屏風用以阻擋視線、以分隔餐廳入口與裏面的座位區，有點高級餐廳的影子。佈置簡約典雅，尤其餐廳正中央這個仿圓拱吊頂，感覺就好似電影電視劇所帶給我們，屬於 1920、30年代十里洋場的上海的高級餐廳裝修風格。配合這種裝修風格，牆壁上的佈置同樣簡約、並配合懷舊風；既有五六十年代非常有名、位置就在附近的龍門大酒樓照片，也有法租界年代、上海黃埔江沿岸的外灘風光油畫。在這種環境下食上海菜，對出品的要求自然有所提高、直覺上也認為出品質素必定有番咁上下。在香港食

年三十想食上海菜應節，決定行遠少少黎到想食好耐既上海弄堂，估唔到唔洗等位即入。菜肉餛飩 ($48) 8隻餛飩塞滿爽脆、厚而嫩既小棠菜粒，肉比例少，但鮮味十足，金元寶式摺法亦食到薄餛飩皮既煙韌。 灑滿蔥花既豉油湯底溫和唔會膩，充滿家常味道。醉雞擔擔麵 ($75)花雕酒味濃郁，餘味有少少酒糟既微苦；雞皮下呈啫喱狀，可惜分到胸位，啖啖肉但雞脾肯定更加滿足。 小辣擔擔麵濃稠度有如攤凍既花膠湯，我鐘意花生味唔會過重，肉燥、蔥粒同香辣湯汁漿住軟滑既幼麵條，必試。排骨湯麵 ($59)排骨大塊厚肉、嫩滑入味，炸漿偏粉狀薄身，唔算十分酥脆，勝在乾爽同排骨本身夠好味。 朋友唔食得辣叫左湯麵，清澈既雞湯清爽鮮甜，但份量較少，單點一份未必夠飽。年三十只可以散叫，平日其實有$86 set包左醉雞擔擔麵同4隻餛飩，今次相同組合比平時貴左少少，但份量好足好飽。 我鐘意套餐配搭好自由，可選餛飩、醉雞、排骨、無錫排骨、獅子頭等，配湯麵、菜飯或擔擔麵(+$10)，茶芥$3，環境幾靚，上海癮起時可算經濟實惠之選。 下次再戰~

今日又來到灣仔間會，開完會已經6點幾，咁啱有2個馬來西亞朋友嚟左香港玩，住係Cosmo Hotel，就約佢係附近食晚飯。看到附近這間叫上海弄堂菜肉餛飩既小店，地方整潔，配合大上海既古典裝潢佈置，古色古香，一於帶2位馬來西亞朋友入去試下。菜肉餛飩8隻 $48上海弄堂最出名就係即包菜肉餛飩，當然要一試。餛飩內饀飽滿實在，滿滿既小棠菜與肉香一入口，真的有一種很滿足既感覺。醉雞擔擔麵 $75醉雞與擔擔麵分開上。有時吃醉雞很怕醉過龍，令雞肉變苦；但這個醉雞酒味不太重，醉得入味，恰到好處，雞肉亦很滑。擔擔麵有多種質感，麵上有濃郁的醬汁，纏上汁醬的麵身很煙韌，口感獨特，微辣、鹹鮮、帶麻醬香，唔會太膩滯。賽螃蟹 $96馬來西亞朋友一直以為賽螃蟹是蟹肉料理，所以我又要拋下書包啦！菜名中雖然有螃蟹，但材料並冇蟹肉，「賽」的意思是「媲美」，就是可以媲美蟹肉的細膩鮮甜既意思。利用蛋白來炒出像螃蟹般既味道同口感，再打上一個生蛋黃，朋友試完話真係有蟹肉既感覺。回鍋肉炒年糕 $89回鍋肉味濃，唔油膩，帶有少少辣味，有多層次既味道和口感，配上煙韌年糕一齊炒，非常配合。

約了朋友到灣仔，趁時間尚早就先醫飽五臟廟！途經天樂里，見到有一間上海菜，就貿然試試！一入內裝潢十分精緻。由牆身的裝飾到天花的圓拱形大燈，都帶有濃濃的老上海風味。細聽下，餐廳還播著老上海的音樂，讓人晃如時光倒流回到老上海的歌廳般。沉醉之際，五臟廟呼喚我！還是先看看餐牌，有午市套餐及2人套餐等多種選擇。心多的我由於又想吃擔擔面，又想吃餛飩及酸辣湯⋯⋯所以就點了一個醉雞擔擔麵及酸辣湯餛飩試試。醉雞擔擔麵一上枱，酒香撲鼻，咬下去醉雞夠凍亦非常入味，醉雞做得出色！擔擔麵，湯底吃得出用雞淆成，有誠意！麵質煙韌，令我吃得津津有味！酸辣湯餛飩餛飩為菜肉餛飩，餡料足，餛飩皮尚算適中，吃得出餡料新鮮，應是即日包的。最值得一讚的是酸辣湯非常出色，用料足，絕不是一般落生粉打成漿糊般「杰撻撻」。酸辣層次分明，令我不斷往口裡送。是次用餐十分滿足，餐廳用多種不同感覺帶你回到老上海，吃一頓地道的上海菜。