前家樂餐廳火鍋店 (已結業)

今日約左同班大學同學喂威喂食飯,多人當然食打邊爐啦,有朋友就介紹黎呢間前家樂既雞煲到食喇,哈哈,個名幾搞笑～朋友話佢去開呢間餐廳,原來員工係一個家族黎既,因為想質素有保證,所以未請人幫手,見到佢地得3個人都好忙,我地又唔趕時間,咁就慢慢黎～店鋪裝修唔係好靚,全場大概10張台,周圍睇下睇下既時候發現左d有趣既事,就係呢個！打一打卡就有個可樂了😆覺得呢間小店好有人情味,當然我都唔會吝嗇like1like佢地啦😌我地一黎到就叫左個醉雞煲,之後再慢慢點菜,個醉雞一上台已經聞到好大陣酒味,好多時醉雞湯底都會係滾左就發揮晒,但呢個又ok wor,舊雞熟左都食到酒味,出去食咁多次醉雞,真係未試過咁醉😂雖然呢間唔係任食,但d送全部都好大碟,雪花肥牛,手打墨魚滑,芝士竹輪,芝心牛丸,三色餃,全部都係呢到招牌菜👍🏻一行4人食到lamlam脷😋😋當然最後點少得公仔面呢！佢呢到既公仔面係韓國面質感果隻黎,吸晒湯既精華,估佢唔到👍🏻

今日朋友介紹我去一間係大角咀盡頭既雞煲食飯,其實平時都有去下大角咀,但好少行到咁入,原來有間叫前家樂哈哈,個名又幾搞笑本身以為食麻辣雞煲,但同行朋友唔食得辣,咁就試下新野食醉雞,有時都會係唔同餐廳食下醉雞,但呢到d雞煲有d唔同,佢既醉雞湯底好濃味,花雕都好重,雞湯好清,好好飲,唔同在於出面既醉雞多數d雞都係好肥,但呢到既雞肥得黎好滑,大大件好重秤～今日唔係好肚餓,所以唔係叫左好多料,肥牛👍🏻芝士竹輪同芝士年糕👍🏻雞,真係好多,所以唔洗叫好多送👍🏻👍🏻

週五晚約了友人吃晚飯，到了火鍋店臨立的大角咀「打邊爐」。短短一條埃華街，已有三四間火鍋店，「前家樂」在街角，裝潢很平實。因時間尚早，食客還不算多，但不消半小時，餐廳已高朋滿座。在點菜前先點湯底，以觀察所見，魚湯雞湯均是火鍋店的主打，因好友嗜雞不嗜辣，所以點了一個醉雞煲。雖只是半隻雞的份量，但因每隻雞有兩三斤重，所以半隻雞仍覺斤兩十足。目測所及，雞件厚肉唔肥，經烹煮後口感仍見嫩滑，雞香亦足，選材是上佳的三黃雞。既然是醉雞煲，美酒當然少不了。湯底以不少滋補藥材餚製，重點加入不少份量的花雕美酒。當鍋蓋一開，濃郁酒香一湧而出，輕唊一口湯，酒味亦非常重。配合雞件來吃，份外滋味補身。 鮮嫩手切肥牛肉確是名乎其實，牛肉肉質果真滑嫩腍身，牛肉香味亦十分濃郁，上佳水準帶給筆者驚喜。 三式餃子內含鮮蝦雲吞、鳳城水餃及韭菜餃，各餃品成品都予人一份 homemade 的感覺，實而不華。相比之下韭菜餃味道最為香濃；鳳城水餃則以爽口食感取勝；鮮蝦雲吞相對上比較普通，餡料肉多蝦少，麻油調味搶口。 雙拼滑是另一自家製作，蝦滑墨魚滑相比，以後者稍勝一籌。論口感，兩款勻見彈牙，不相伯仲。論味道，墨魚滑明顯味道更香更