鳳鳴居

營業中

休息中

今次已經係二訪鳳鳴居，去之前都有睇到評論好壞參半，但見人氣咁高，自己又好鍾意食醉雞，所以決定一試。.醉香雞湯米線 $60 另加響鈴 $7米線一上，隨即試一下湯底，係我最愛嘅藥膳雞湯味再加上淡淡嘅醉香，完全係我鍾意嘅口味。雞方面，不過不失，正常水平，不會煮得過老。.炸細三兄弟 $35 (魚片頭，花枝丸，爆醬肉丸)魚片頭、花枝丸都係坊間能夠食得到嘅味道，而爆醬肉丸，咬一口會有好多嘅汁，味道非常濃郁，值得一試，所以只係叫爆醬肉丸就夠.辣豉油爽脆鵝腸 $52 無咩鵝腸味，可以唔洗叫.最後附上餐牌，俾大家參考一下

呢間餐廳主打不同雞湯米線🐓除咗招牌醉香雞湯同花膠雞湯外，仲有姬松茸雞湯🍄、芫荽雞湯🌿、喇沙雞湯🥘、麻辣雞湯🌶️、番茄雞湯等🍅，配搭不同車仔麵配料💗醉香雞湯米線 ($60)湯底用上幾十隻雞、當歸、川芎、白芷及黨參等藥材熬製，不加味精，一入口有淡淡藥材味、黃酒味同雞湯鮮甜味，湯底偏甜🍲生滾雞有大約6件，雞肉嫩滑，附送辣椒豉油沾雞食🐔米線都好爽滑，配料仲有木耳同紅棗🍜💗蒜蓉辣椒雞翼尖 ($23)雞翼尖一啃就骨肉分離，又淋又入味，食落好香蒜蓉味，又唔會太辣🧄💗辣豉油爽脆鵝腸 ($51）爽脆嘅辣豉油鵝腸香辣惹味，越食越上癮🪿💗黃金魚皮 ($41)脆卜卜嘅炸魚片裹滿鹹蛋黃粉，超級香口🥚

之前試過鳳鳴居嘅外賣自取醉雞火鍋套餐，醉雞湯底真係冇得頂，一路都想堂食，今日終於都食到，喺未開店之前已經排隊，12:00開店唔夠10分鐘已經滿座，可見受歡迎程度。堂食係用QR code落單，可以自選湯底、麵類再揀餸，必叫招牌醉雞米線。💜醉香雞米線 $60（🌕🌕🌕🌕🌕/5）麵揀左米線，雞件超鮮嫩同滑，俾多勁多件配以辣椒豉油食用，但其實唔沾豉油已經好入味，先飲一啖湯，係好有雞味再加少少酒香，甜味為主，飲完唔會覺得口渴，飲晒成碗冇難度，個湯甜甜地好似燉過雞湯咁，完全唔覺得油，好少雞湯同個米線可以夾到啱啱好，融為一體，呢間醉雞米線真係世一。💜喇沙雞米線+豬紅 $64 （🌕🌕🌕🌕/5）喇沙湯底喺第二首選，如果唔鍾意醉雞湯底可以試吓呢一個，湯底少少偏辣，但係非常香濃，十分惹味，米線非常掛湯，雞件都係超滑，數過有成8大件，但係豬紅就扣咗分，豬紅唔入味，純粹好似白烚咁。💜麻辣魚皮 $30 （🌕🌕🌕🌕🌕/5）麻辣魚皮，夠麻夠辣，份量都唔少，好入味👍🏻喜歡魚皮嘅可以一試。🍴整體食評：✅湯底濃郁，難怪吸引咁多人排隊✅性價比高，份量多✅上菜快✅適合情侶👩‍❤️‍👨閨蜜👯‍♀️一家人👨‍👩‍👧‍👦❌豬血比較失色

叫咗碗醉香雞湯麵（$54）🐤🍜，麵底可以揀米線、米粉、油麵、河粉、公仔麵、烏冬、出前一丁同飯，總有款啱口味。除咗醉雞湯底，仲有其他選擇，芫荽湯、🌶️麻辣湯、姬松茸雞湯、蟲草花雞湯、喇沙湯、🍅蕃茄濃湯，價錢都平民～🍲唔食雞，想自由配搭其他配料，可以揀自選，好多選擇。醉香雞湯米線：雞件都有5-6舊，雞滑唔鞋口，加上少少鼓油，可以更加帶出雞嘅味道。湯底有少少甜，因為有紅棗，甜味中有酒香，唔太濃，好飲！食完唔會覺得口渴～ 配料有紅棗、蔥同雲耳。

Happy Friday 同朋友落旺角搵食，朋友話想食米線，所以帶佢去鳳鳴居。兩年前喺上水總店食過一次，已經好回味，依家旺角開分站，人氣依然不減，喺門口拎完飛等了3-40分鐘才可入座。看完餐牌後，我當然二話不說地點了醉雞(湯面)米線。店員會貼心地比隻碟我裝雞骨。湯底好香，雞肉好嫰滑，米線亦已經吸收曬湯的精華。朋友沒有聽我推介，點了自選清湯米線，配肥牛，小雲吞及豆卜。雖然清雞湯米線都好食，但醉雞米線實在太香，她說她後悔了。最後點了一份細炸三兄弟，很新鮮熱辣不過味道沒有太大驚喜。用餐後朋友跟我說，下次一定要再來，希望下次不要等太久。

聽說這間由上水開到旺角的米線店名聲響徹城中，這天終於親身前往一嘗🤤 果然不負眾望，店家的招牌醉香雞湯米線帶有濃郁的酒香，米線本身柔軟順滑，與醉雞肉和湯汁完美融合，讓人一口接一口，停不下來。而麻辣醉香雞湯米線的麻辣程度恰到好處，讓人在品嚐時能夠感受到微妙的辣味。但個人偏愛醉香雞米線，因為麻辣的香氣有些喧賓奪主。而店家的小食醉雞更是令人驚艷！雞肉醃製得入味十足，濃濃的酒香加上嫩滑的肉質，就算點了一整桌都是醉雞也不會感到膩！十分推薦呢 ҉*\( * ॑˘ ॑* )不過，本人酒量很差，吃後滿臉通紅，醉了ꉂꉂ(ˊᗜˋ*)ʬʬ😋 好味程度：7.5 / 10🫧 環境整潔：8.5 / 10🕯️ 整體氣氛：7 / 10🏃🏽‍♂️ 性價比率：8.5 / 10🧑🏻‍🍳 服務態度：8 / 10

終於有機會嘗試到經常大排長龍的鳳鳴居了！今次試左佢超人氣的醉香雞湯米線！米線一到已經聞到超香酒味，會附送一碟豉油同碟放雞骨。首先飲一啖醉香雞湯！真係超濃郁嘅酒味，配搭新鮮嫩雞！好好味！米線亦都很掛湯，會不知不覺飲晒成碗湯！

我嘅朋友成日都吹噓鳳嗚居醉雞米幾好食，幾多人排隊，佢起碼一個月食3-4次，等我今次會一會佢睇吓係唔係咁好多先。*醉香雞湯米線 $52落完單好快就上菜啦，碗麵飄出淡淡酒香。飲啖雞湯好暖胃，雞湯味酒味平衡得啱啱好。我以為有酒會好濃好嗆，但飲落係好順口好香。雞件雖則係冰鮮貨，但冇雪味腥味，食落有雞味又嫩滑。米線滑又唔會太腍，索到啲湯，如果叫米粉一定會更索湯。蜂巢春卷 $306條春卷，炸得酥脆輕盈，入面包芋頭，感覺綿綿，口感十足。

諗住出開旺角就去食由上水開到出來的米線名店鳳鳴居，想試好耐😋星期六大約12點15分嚟到，可能一開鋪放晒第一輪啲人入去，我攞飛二人枱第二張飛，但最後都等咗半個鐘先入到去。不過發現我入去之後就好似唔使點等都入到🤦🏻‍♂️所以，如果大家嚟食可以試吓1245呢啲時間到都好快有位。我叫咗個招牌醉香雞湯米線，原來只係$52！另外再加$10加埋芥末沙律球。個湯好香勁有酒味，我差唔多飲晒啲湯，下次試吓加$8加酒再濃啲酒味先！米線份量就有啲少，女仔食應該啱啱好，男仔食就未必夠飽。啲雞都幾滑，不過有一半雞件都比較多骨，最驚係有少少碎骨，差啲哽親。至於個芥末沙律球就有啲失望，上到嚟先知之來係類似打邊爐芝心丸咁，味道正常唔難食嘅。另外，我叫咗個黃金魚皮。我就覺得$40嚟講都算幾香口幾好味，不過朋友就覺得油膱味好勁唔好食。整體來講鳳鳴居米線喺同類型藥膳米線之中性價比都好高，算比較抵食。值得一提的是呢度Keep住播廣東歌，仲播得幾大聲，最正係d staff會跟住大聲唱，勁high咁😂我就覺得呢個vibe好正！

每次經過鳳鳴居都見到舖頭出面好多人等位，所以次次都打退堂鼓，今次6點半未夠就去，見到等候人數唔多，就嗱嗱臨攞飛，等咗大概10分鐘就入得。今次試咗最出名的醉香雞湯米線同蟲草花雞湯米線，另外叫咗辣豉油爽脆鵝腸、醉雞腎、醉蛋等小食。兩碗米線上枱時都非常夠熱，雞肉十分燙口入味，雞肉主要係帶骨雞件，啱晒中意噒骨嘅我，大部分雞肉嫩滑，只有厚肉的雞胸比較嚡口。湯底方面，兩款米線嘅湯底大有分別，蟲草花雞湯的湯底相對清淡，藥材味並不明顯，相反醉香雞湯藥材味非常濃郁，加上花雕酒香氣撲鼻，較適合重口味人士，不過湯底也比較甜口。如果想試醉雞湯底以外的湯麵，又想享有濃濃的花雕味，可加20蚊轉。米線方面，亦比較滑身。辣豉油爽脆鵝腸大部分肥膏都清除咗，加上有芽菜鋪底，罪惡感冇咁重，不過鵝腸本身調味不足，單靠豉油調味，比較單調。醉雞腎甜口，花雕味重，非常入味，口感夾脆。醉蛋火候控制非常好，完美嘅溏心蛋，酒香與蛋香相得益彰。非常滋補的一碗麵，冬天一定會再來，下次試吓芫茜雞湯麵，見到旁邊枱有叫，非常震撼。

🥢鳳鳴居係旺角開左分店，唔洗山長水遠入上水🙈1️⃣🐔 醉香雞湯米線 一上枱就聞到好香酒味，唔鐘意重酒味既都可以揀少酒，雞件都好多，有7-8件，除左雞胸位置其他部位都幾嫩滑，湯底偏甜，飲完都唔會口渴，紅棗好甜仲去左核2️⃣🐮蘿蔔清湯腩米粉 牛腩都幾大舊，唔算炆得太淰，蘿蔔好甜，但無牛腩味🙈可能係分開煮關係

📍旺角 《鳳鳴居》#旺角醉香雞湯麵醉香雞湯米線🐔 $𝟓𝟐麻辣雞湯米線🐔 $𝟓𝟐.由上水以其嫩滑又富酒香既醉雞湯米線闖出名堂，就算分店開到旺角都日日大排長龍🤤 一入舖頭已經聞到勁香醉雞味😗招牌當然係醉香雞湯麵，一黎即刻飲番啖湯先😋花雕酒湯底， 酒味都出，有些少藥膳味，但食到最後湯底偏甜，不過食得出無落味精，配料都好足料 有紅棗 雲耳😗雞件算嫩滑份量多，而且有幾舊雞髀肉，絕對係大件夾抵食，佢仲會比個辣椒🌶️ 甜豉油你點，唔怕齋食雞太清淡。 麻辣雞湯會比較惹味，但只係普通麻辣醬口味，都係醉香雞湯比較特別🤤小食：瑞士雞翼 𝟒隻 $𝟐𝟑卜卜脆炸魚皮 $𝟐𝟏.瑞士雞翼🐥過鹹無乜瑞士汁甜味，炸魚皮就正常發揮，無乜驚喜，建議專心食返醉雞🤣飲品：凍菠蘿青檸蜜 跟餐+$𝟖 ，凍百香果 跟餐+$𝟖.飲品聽個名吸引解渴，一黎見到不鏽鋼杯上枱仲加左少少分，對佢期望幾高，點知兩杯都好淡味，而且唔夠冰冰度都唔夠🧊味道：𝟕/𝟏𝟎性價比： 𝟖/𝟏𝟎

來朝聖啦🙇🏻‍♀️友人推薦咗這家醉雞由上水起家 開到旺角午餐時段到訪旺角店用ǫʀ ᴄᴏᴅᴇ下單的📱 · ┈┈┈┈┈┈ · ꕥ · ┈┈┈┈┈┈ · ✨醉香雞湯米線 $52：花雕酒湯底 酒味都出 但偏甜 佢會比個辣椒🌶️豉油你點 食食下好似連個豉油都係甜😹 ✨喇沙湯米 (自選湯底) $23 +牛筋丸 $10 + 手撕雞 $10：同喇沙雞湯米嘅分別係無咗雞湯做底 但係叫多2個最貴的餸($53)都係貴喇沙雞湯米$1咁大把 但係可以叫多個餸開心ᴅ😻ᴄ9上身完後就決定咁ᴏʀᴅᴇʀ了😂除非好想試個雞湯 但個人認為喇沙味都偏濃可能會掩沒咗雞湯味 這個喇沙比平時食嘅辣呀 正🌶️🌶️🌶️ ✨熱百香果 (跟飯麵+$8) ✨凍奶茶 (跟飯麵+$8) · ┈┈┈┈┈┈ · ꕥ · ┈┈┈┈┈┈ · 雖然餐廳的醉雞係人氣 但係我覺得喇沙做得比較出色🙋🏻‍♀️旺角店的店員都很年輕🧒🏻服務都很殷勤友善👏🏻👍🏻