奇納百川 (已結業)

海港城fusion韓國菜🇰🇷依間店主打韓國菜🇰🇷但佢同普通食部隊火鍋、拌飯等等嘅韓國菜餐廳有少少唔同🤔佢係好似摻雜咗少少西方菜式嘅製法嘅一間fusion嘢🤣所以無論係外觀定係菜式都夠曬特別同吸引😝食物方面，佢哋都有好多唔同嘅款式，而且每款都有好多口味，尤其係韓式炸雞，超多選擇😆但個人認為小食係最吸引嘅🤣有炸蕃薯條、炸午餐肉同薯格，而且每款都各自配唔同嘅醬汁，勁想試勻全部😍蕃茄仔2個人叫咗1個沙律，2個主食，1個小食同埋1杯飲品，飽仲要打包走🤣🍅醬油元蹄香辣沙律 $138感覺上依個沙律有少少似泰式嗰種沙律，口感上偏濕，少少酸酸地但好夠辣，反而唔係好食到醬油味🤔元蹄嘅份量都算合理👍🏻但下次未必會再encore，因為唔係好啱蕃茄仔嘅口味🫢🍅醬油牛肉炒年糕 $138牛肉份量唔會話好少，年糕亦好煙韌，而且醬汁味道好特別，帶少少甜味，個人推薦依個💕🍅三文魚子海膽忌廉烏冬 $198依個烏冬好creamy，三文魚子都唔會腥👍🏻但海膽有少少黑黑地🤔味道就都冇乜嘢嘅，所以覺得可能係擺耐咗導致(?)😶🍅炸午餐肉條配芝士醬 $68少少脆口嘅午餐肉嘅鹹香再配搭埋芝士醬，唔需要多形容都知道好味🤤雖然食到最後有少少

細女聖誕🤶🏻🎄冇人約，唯有與中年男子去街。同佢嚟咗尖沙咀行街，係LCX佢簡咗呢間韓國餐廳。中午時間我哋都等咗大約半個鐘。餐廳一直播着BLACKPINK的歌曲，再望向窗邊一片海景，陽光在窗外耍進餐廳，度假的感覺十分寫意。凍焦糖咖啡$48: 泡沫拉花十分可愛。百川莓莓$72: 即是士多啤梨🍓奶昔韓式湯鍋$198: 份量十分之大，面層鋪滿了牛肉，午餐肉和溫泉蛋。值得一提的是午餐肉十分之美味。底層的配料十足，食極都仲有。有洋蔥🧅、豆腐、年糕、魚腐、秀珍菇🍄⋯⋯醬油牛肉🐮炒年糕$138: 年糕硬度好適中，有咬口。份量都十足，較為濃味。我同個女兩個人都食唔曬，價錢雖然偏貴，不過真心幾美味，都值得嘅。

好鍾意食韓國嘢 但對住海景食炸雞真係第一次加上有海港城coupon 計返真係超級抵❣️韓式湯鍋(豬,辣) $198商場冷氣凍 想食剩返少少暖嘢 但估唔到咁大兜個底幾乎係墊滿晒豬肉 三嚿大豆腐好入味亦好滑 仲有啲魚膏浸埋辣湯一次過食啱曬 微辣暖粒粒 超級無敵推薦冬天一定要嗌❣️奇太郎原味炸雞(跟鐵板芝士) $208份🧀仲香過平時食pizza嗰啲 多得個鐵板 芝士有得一直保溫 🍗好大碟 不過咬落完全唔似韓國炸雞 感覺似美式多啲 小失望嗚嗚不過好就好在芝士keep住都可以拉絲 個樣咁吸引食多幾嚿都唔漏❣️韓式牛肉包飯卷 $108一份有10件 多過張參考圖兩個人心諗點算食唔晒 舊舊都得好大舊 餡飯比例1:1 牛肉幾乎無醬無汁食落冇味道 側邊個橙色飯醬總算點綴返下❣️醬油牛肉炒年糕 $138賣相超唔似韓國菜 差啲以為係大排檔小炒不過炒得好靚好有鑊氣 幾乎條條年糕都有醬汁 牛肉好淋切到細細舊 配菜洋蔥🧅紅蘿蔔🥕蔥 感覺好似一齊食會健康啲呀可😽

平時經過都見到一大堆人喺門口等位，今次就輪到我試吓呢間人氣店舖。今日係平日，但都大概等咗個半鐘先入到座。舖內座位好闊落，絕對坐得舒服，有啲位仲係可以望海景㗎。.三文魚子海膽忌廉烏冬 $198海膽鮮甜細滑，烏冬口感好煙靭，連埋濃郁嘅忌廉汁同三文魚子一齊食都幾夾，可惜份量就偏少。醬油牛肉炒年糕 $138想食年糕又唔想辣，就可以揀呢款醬油口味。年糕正常發揮都係煙煙韌靭，牛肉份量唔多仲切到有啲碎，醬汁味道偏濃，食到尾會覺得口渴。番薯條配柚子蜜糖醬 $68番薯條份量反而算多，係連睇唔到嘅位都塞滿咗。食落味道係甜甜地，配柚子醬食幾清新，但本人就中意原味多啲。食物質素都可以，但價格稍為偏貴。舖頭係可以用到海港城coupon，半價的話都值得試吓。

海港城難得有幾間韓國餐廳 行左幾輪都唔知食乜好 見呢度唔需要排隊就即刻入去！呢度面朝海景 有卡位啱啱好可以望住對面嘅海 而我地兩個人都可以坐卡位 坐得都幾舒服～🍗奇太郎原味炸雞(跟鐵板芝士)💰198一上來可以見到一個仲冒煙嘅鐵板芝士 同埋一碟新鮮炸起嘅炸雞 真係熱辣辣 攞手拎起個陣都熱到放返低先🤣雞肉唔係傳統嘅韓式炸雞 冇裹好多炸粉或者麵包糠 所以冇一層分明嘅炸雞皮 而係層皮緊緊連住肉 令最外層嘅肉都係脆脆地硬硬地嘅口感 醃得比較鹹 會似kfc家鄉雞嘅味道 可以試下！而鐵板芝士份量都幾多下 口感係偏鹹嘅芝士 會偏膩 所以都係推薦唔跟芝士比較好！🥘醬油牛肉炒年糕💰138一堆大蔥蓋住下面嘅牛肉炒年糕 仲散發住熱氣！入面配料用左好多 包括有椰菜 洋蔥 胡蘿蔔 牛肉都有好多塊 不過似比較厚嘅肥牛 裹上醬油炒味道都可以 整體似上海炒年糕嘅味🤣相反最重要嘅主角年糕反而份量唔多 味道亦唔算入味 可能都係原味最穩陣🥑牛油果香蕉乳酪💰72雖然價錢對一杯野飲來講偏貴 但係用料真係毫不吝嗇！名就叫牛油果香蕉乳酪 其實係係用左兩種生果加上乳酪打成嘅奶昔 入口微酸 之後就係清甜嘅口感💦上面都放左兩細舊牛油果 下