スーパー丼 (駱克道) (已結業)

日本控的我，一直都有bookmark咗呢間餐廳，佢啲丼飯只係睇相都好吸引， 所以一放假就捉埋朋友嚟試吓啦!醬燒廣島蠔丼 ($138)廣島蠔好大隻，燒得好入味同埋勁多汁，一上枱已經聞到好香，食咗第一啖之後就知道點解咁多人嚟食，加上我最愛嘅茄子同木魚簡直係perfect。鵝肝和牛丼 $98 + 日本蛋 $8牛叫左三成熟， 牛味濃而且唔會有根，又唔會韌，好似去左日本食緊鵝肝就有兩件，都可以話係炸到外脆內嫩。仲有半熟蛋撈飯，加埋醬汁超級好食😋仲有麵豉湯送埋，我一定會再去ENCORE

搜尋Openrice時經常會見到superdon出現，但成日都覺得只係普通丼飯專門店，所以冇特別留意，今次終於的起心肝試下，原來真係咁高質，唔怪得咁多人食啦😍希望唔會太遲遇見你啦 🔔丼飯跟麵豉湯及茶 醬燒廣島蠔丼 ($138)一上枱已經聞到好香，食咗第一啖蠔之後就知道點解咁多人嚟食，因為真係好好食，廣島蠔燒得好入味同埋勁多汁😍加上我最愛嘅茄子同木魚又好夾 鵝肝和牛丼 ($108)因為見到有鵝肝所以叫，估唔到普通一餐飯都有鵝肝🤭鵝肝係炸過嘅，好香，食少少就夠👍和牛燒得剛好，肉質好林，唯一我只係唔鍾意飯嘅醬汁太甜，但整體嚟講都已經好高質。 抵食指數 🌕🌕🌕🌕🌗打卡指數 🌕🌕🌕🌗🌑推介指數 🌕🌕🌕🌕🌕

一星期總有幾天來到銅鑼灣亦經過這家店不下百次，一直心思思想試，今天終於有機會了。兩點來到，店內坐滿了人，這裡除了魚生丼還提供不少熟食丼，照顧不同年紀人士。這裡還有一個三送一優惠，可惜今天只得兩丁友，只好下次再來。友人點了角切魚生丼$88，內含赤貝、三文魚、吞拿魚和蛋，另外wasabi 也是即磨，嗆喉度十足。醬燒廣島蠔丼$138成碗飯足足有5隻蠔，而每隻蠔亦非常肥美，熟透度亦剛好，唔會燒得太乾身又好juicy，配埋個醬更是不得了👅兩個餐都配芝麻醬沙津和麵豉湯👍🏼餐廳還提供多款日式飲料，例如這款富士山葡萄汽水，堤子味充足又不會太甜

今日中午同朋去咗依間丼飯專賣店食丼飯。依間店門面係純白色為主調，店名係日文字，下面有隻細英文字寫superdon。門口有lunch menu，寫咗唔同種類嘅don。入面有一排長bar枱，大約有8個座位，對住類似open kitchen 位置。而再入啲，係二人至四人枱，一邊係靠牆坐嘅長櫈，一邊係普通獨位櫈。☺️午餐種類都幾多，所以揀咗火炙三色丼（三文魚丶吞拿魚同左口魚邊）$98。而另一個係醬燒廣島蠔丼。依間丼店係加一服務費的。首先店員遞上玄米茶。🍵之後等十幾分鐘就會遞上火炙三色丼，而燒廣島蠔丼應該要需時準備，所以較耐時間先遞到。.個火炙三色丼三文魚同左囗魚邊燒得啱啱好，無腥味，而且幾嫩滑，有入口即溶嘅感覺。不過幾薄身，再厚番少少，比較好。而個吞拿魚比較厚身，都幾鮮味。🍣喺間店見到原來啲米係日本米。所以食真啲先，發現啲米粒分明，都好軟熟。將啲攻鼻嘅芥末撈落啲油醬油同米飯一齊食，會好鮮味。🍚個燒廣島蠔丼啲燒汁好濃郁，而且啲廣島蠔肥美大隻，仲有一點係：無沙同腥味，所以啲蠔處理得好好。👍🏻份量都幾多。有成六至七隻。食完飯，飲埋佢個味噌湯。味噌嘅味好重，不過覺得咸咗少少。

放工晚餐時間，八點半去銅鑼灣superdon食個丼物。門面辨識度高，珍珠白牆身，光猛簡潔。丼物選擇分三大類，肉、野菜丼，刺身丼和廚師精選。17 款之多，選擇困難症即時揀廚師精選，選了特上北海道丼，男朋友就揀左我都非常鍾意嘅醬燒廣島蠔丼。小食餐牌雖然選擇不多，只得6款小食和3款沙律，但是款款都是港人至愛，有鹽燒雞翼、芝士年糕、餃子和豆腐等等。當中，也點了一份鹽燒雞翼小食開心分享。特上北海道丼到啦～有味噌汁同沙律配菜。刺身爆滿，6款刺身：帆立貝，三文魚籽、海膽、吞拿魚腩蓉和油甘魚，鋪得豐盛，流晒口水。其中帆立貝、吞拿魚腩蓉和油甘魚新鮮，入口軟腍。丼下嘅飯，原來加左seasoning topping，很喜歡。醬燒廣島蠔，附上好多好多菜。廣島蠔係細size，有8件，件件充滿燒汁醬，燒到入晒味。搶了男友幾件蠔食～哈哈，因為好惹味啊。我喜歡原汁原味入口，唔點豉油。跟特上北海道丼一樣，也有味噌汁。最後，我嘅鹽燒雞翼都到啦。一串三隻，非常香噴噴。皮脆香口，鹽燒味豐富，肉質又非常軟滑，唔黏骨頭，吃得輕鬆唔失禮。下次可以再點多串，滿足口癮。

Superdon，故名思意，是一間主打日式丼飯的食店，身為日本菜的愛好者，當然要一嚐其美食。Superdon位於鬧市銅鑼灣之中，地點非常就腳，地鐵站行數分數就到。對於我這個路痴而言，非常易找到。食店以白色及木色為主調，裝潢風格簡約舒適。打開餐牌，發現可供選擇的丼飯種類非常多，而且餐牌更有顯示清楚丼飯中配料。除了刺身丼飯外，更有熟食丼飯供應，相信定必能找到適合的自己丼飯。若在餐牌上仍然未找到合心意的丼飯，也不要緊。因為客人可按個人口味，自選丼飯上的配材。我們點了兩客丼飯，及一客小食。醬燒廣島蠔丼 ($138)未試其味，先聞其氣！廣島蠔燒得非常香，一上枱就香氣襲人，讓人急不及待地品嚐。一客丼飯有五隻肥嘟嘟的廣島蠔，及醬燒茄子作伴。廣島蠔身脆卜卜，非常肥美，醬汁份量控制得得宜，不會過濃或過淡，而且進食時還熱辣辣的。北海道帆立貝．北寄貝．赤貝丼 ($188)由於丼飯的份量較小，故我加$20，升級為套餐，會配有沙律及麵豉湯。丼飯的賣相非常吸引，更把赤貝切成花瓣形，可感到廚師的用心。三種貝類中，我個人最愛帆立貝，帆立貝中間放著一小片檸檬，故食到淡淡檸檬清新的味道。燒雞泡魚乾 ($68)Oishi！

那些年，喺各路「大碌喼神」降落前嘅黃金時代， 銅鑼灣近SOGO一帶曾經有小日本之稱。縱然而家銅鑼灣已經係另一回事，今日竟然撞入一間令人幾驚喜嘅日本餐廳 - スーパー丼 Super don。見佢專食丼，感覺又乾乾淨淨，去吧！平時喺香港少食海鮮丼，因為去過太多嗰啲乜乜水産，打正旗號賣魚生飯，但食到嘅都係啲唔多新鮮，又或者係貴到爆但啲魚碎上到搵笨嘅飯。今日坐低見到隔離枱嗰碗海鮮丼個樣都幾精神，仲要加$20轉套餐，就有埋麵豉湯同埋蟹肉沙律，梗係試吓啦。先嚟嘅北海道海鮮丼無令人失望，裡面有大拖羅、油甘魚、帆立貝、蟹棒、海膽同埋三文魚籽，豐富嘅畫面先「色」奪人。食落更加發現所有刺身鮮甜美味，厚厚的，好足料，最重要係連wasabi 都好好味喎。呢個魚生飯真係無叫錯，未有機會去日本，止住渴先。同行有唔想食生冷嘢，但又想食海鮮嘅朋友，所以亦都叫咗一個醬燒廣島蠔丼。呢個熱丼都等咗一陣先上菜，但嚟到見到個燒蠔脹卜卜，等吓都抵啦。個蠔咬落好鮮甜，加埋個醬汁，拌埋啲煙煙韌韌嘅日本米，真係飯都扒多兩啖！

在兩個月前，跟好姊妹到銅鑼灣食飯，飯後各自走！而我食飽飽，沿銅鑼灣行去灣仔搭巴士！經過駱克道，見到有間新開的日式丼小店 <Superdon スーパー丼>！一於找天爸爸媽咪旅行時，我走過來吧！小店不論門面抑或店內，均以白色為主調，簡潔光猛！鋪位狹長，日式設計裝潢！除了有入門口的 L 吧枱位置之外，這裡後半部份設有2人桌及4人桌！坐得舒適！乾淨企理！供應日式「丼」為主打！種類繁多，絕大部份的食材是海鮮！ 價錢合理！如果選不到心水選擇的話，另可自選食材！也有熟食丼！適合不同口味的食客要求！店員們殷勤有禮！記得有位靚女經理熱情招待！加＄20 配套餐，包括：沙律及味噌湯，更划算！沙律配和風醋汁酸咪咪！令人打開味蕾！加入蟹肉，口味上即時生色不少！ 清新開胃！醬燒廣島蠔丼 $138飽滿的炸廣島蠔火候準繩！炸至表面金黃香脆，內裡帶有蠔汁！同時，以醬燒烹調，蠔也吸收到醬汁的精華！ 令我也覺得回味無窮！茄子界成格仔，更易提升本身的口味，入口軟滑清甜！並綴以蘆筍及蔥花！日本米飯粒粒雪白飽滿，吸收醬汁後拌勻，其口味令我很開胃！一口接一口！味噌湯經常喝到坊間的味噌湯是死鹹，店方的貨色鹹度恰到好處

窩夫與蝦子餅某天經過銅鑼灣駱克道，發現新開了一間日式丼飯專門店Superdon，便進去試試看。Superdon的裝修簡約，令人感覺很舒服。窩夫直覺以為Superdon只供應魚生飯，但原來還有多款熱的熟的丼飯，有選擇困難症的朋友恐怕要花點時間才能決定點哪一款。不喜歡餐廳預設的組合，還可以自選海鮮丼，選擇實在太多了。餐牌上清楚列出每碗丼飯的材料，一目了然。丼飯加20元可配沙律和味噌湯，沙律加了蟹肉和西柚，絕對是誠意之作，清新開胃，味噌湯有窩夫愛吃的腐皮，味道適中不會太鹹。巨峰乳酸梳打($25)的淡紫色看來很夢幻。北海道帆立貝‧北寄貝‧赤貝丼($188)的賣相相當吸引，自然是相機食先。帆立貝、北寄貝和赤貝全部都很新鮮，各有不同的口感，赤貝最爽口，帆立貝最嫩滑，各有特色。帆立貝夾著檸檬片，吃時加一點點檸檬汁，更能帶出帆立貝的鮮甜。海鮮丼的醋飯經常會被舖在上面的刺身搶去風頭，但其實醋飯絕對不容忽視，Superdon的醋飯壽司醋的比例調較得很好，味道適中，既不會搶去海鮮的鮮味，又不會淡而無味。 看到眼前這碗醬燒廣島蠔丼($138)便明白為何它的製作時間會較長，切了格仔紋的茄子令賣相更為精緻。廣島蠔

日本的食物一直是港人最愛之物，近期比較盛行不是壽司、刺身等而是一碗【丼飯】。究竟【丼飯】有何其吸引力，單單是銅鑼灣鬧市中已經有數間林立，是日選擇此店全因門外的白色設計，滿滿舒適度。星期日的關係並不是午飯時間到來，人流少了很多而且不用等位不錯。 輕輕打開餐牌有生食及熟食的【丼飯】之分，價錢由三百幾至百幾不等；可以算是大眾化吧！而且有生食及熟食之分，我與朋友決意點了一生一熟試下它的分別之處。 【丼飯】還未到來也有驚喜吧，原來ZERO是有枝裝的令人意想不到，還有巨峰提子汁我確信也是夏日必選之物，香甜又美味。 火焰三色丼 $138減肥的我如果要選擇食物首選日本菜全因大多以新鮮食材，少點調味為主餐牌上多款丼的選擇·我一眼就選擇它🤗已經動心了。平常的丼比較少見的「左口魚邊背」正呀·肥美的魚油脂好滑溜，三文魚同中拖羅，燒到剛剛好。魚籽精瑩通透。完全是我杯茶，飯粒以珍珠米口感不俗。 醬燒廣島蠔丼 $138那麼多的熟食我卻選擇它，廣島蠔是廣島的名物。如果你有到訪過廣島一定很想再吃，平常都比較少見的廣島蠔丼。選擇它的確有意外驚喜，蠔身大大粒配合醬燒醬汁入味無比；還有燒得紋理的茄子配合珍珠米令人一試忘懷！