スーパー丼 (駱克道) (已結業)

放工晚餐時間，八點半去銅鑼灣superdon食個丼物。門面辨識度高，珍珠白牆身，光猛簡潔。丼物選擇分三大類，肉、野菜丼，刺身丼和廚師精選。17 款之多，選擇困難症即時揀廚師精選，選了特上北海道丼，男朋友就揀左我都非常鍾意嘅醬燒廣島蠔丼。小食餐牌雖然選擇不多，只得6款小食和3款沙律，但是款款都是港人至愛，有鹽燒雞翼、芝士年糕、餃子和豆腐等等。當中，也點了一份鹽燒雞翼小食開心分享。特上北海道丼到啦～有味噌汁同沙律配菜。刺身爆滿，6款刺身：帆立貝，三文魚籽、海膽、吞拿魚腩蓉和油甘魚，鋪得豐盛，流晒口水。其中帆立貝、吞拿魚腩蓉和油甘魚新鮮，入口軟腍。丼下嘅飯，原來加左seasoning topping，很喜歡。醬燒廣島蠔，附上好多好多菜。廣島蠔係細size，有8件，件件充滿燒汁醬，燒到入晒味。搶了男友幾件蠔食～哈哈，因為好惹味啊。我喜歡原汁原味入口，唔點豉油。跟特上北海道丼一樣，也有味噌汁。最後，我嘅鹽燒雞翼都到啦。一串三隻，非常香噴噴。皮脆香口，鹽燒味豐富，肉質又非常軟滑，唔黏骨頭，吃得輕鬆唔失禮。下次可以再點多串，滿足口癮。