龍門小棧 (已結業)

🤎金網窩貼窩貼入面好多肉汁，底層金網脆脆地，沾醋食👍🏻🤎重慶酸菜魚酸、麻、辣都足夠，如果有埋蒜味就更出色！魚片完全無骨仲超滑溜😋湯底比較清，一啲都唔油膩，就咁飲都唔過份😁🤎香辣牛筋麵牛筋炆得好夠火喉而且入味，可惜湯底太淡、陽春麵太腍🥺🤎雪菜胡椒鮮肉包生煎包入面有雪菜真係第一次食！胡椒味好濃郁，雪菜有咬口👍🏻但個包完全係淋的🫠 說好的煎🫣整體黎講呢個價錢真係無得投訴😂返工或住附近的話糧尾必選😃

估唔到灣仔呢度竟然有間人均唔使$100的新式上海菜。落地大玻璃好通透光猛，裝修好新淨，睇落好乾淨衛生。👍🏻最抵食就係呢個套餐，$98有一款涼菜/點心，一款小炒，菜飯或陽春面，一款飲品，款式選擇都幾多，而且冇加一服務費。胡椒生煎包(2件）- 生煎包幾大隻，底部加咗芝麻煎到金黃色😍，好靚好香脆，生煎包質感好鬆軟- 裏面嘅菜肉餡好香胡椒味😋，肉香味濃重慶酸菜魚配陽春面- 酸菜魚好香，份量都好多- 魚肉切到厚薄適中，好鮮味，口感爽脆嫩滑又唔會太易散，而且已經起晒魚骨，食起上嚟好方便👍🏻- 湯底有大量酸菜，泡椒，藤椒等，酸辣惹味，仲有少少藤椒麻香好過癮🤤- 陽春面爽滑細嫩，份量好多外婆獅子頭飯- 好大粒獅子頭，外皮炸得好香，裏面肉質好有咬口又軟滑，配上特濃醬汁好惹味- 菜飯好軟熟，菜同飯嘅比例非常適中，味道正宗紅油抄手（6隻）- 雲吞皮好滑，包住嘅肉餡爽口彈牙- 醬汁酸酸辣辣好惹味，仲有麻油香同蒜香😍

平時經常路過呢間食店，今晚去試先知係由上海師傅主理，口味都較傳統。水晶肴肉 $48半肉半鹵凍，晶瑩剔透，一口大小，點埋薑絲鎮江香醋，香而不膩，夏天最啱食凍盤上海小籠包 $38湯汁濃，即點即蒸，趁熱即食係最好炸銀絲卷 $18即點即炸，上枱時香噴噴，忍唔住要即刻食，外脆內軟。套餐：涼菜丶小炒丶飲品 $98羅漢素鵝必試！多層腐皮包住冬菇丶蘿蔔，麻油味好香！重慶酸菜魚 陽春麵生魚片質感好滑，可揀小辣，少少麻丶少少辣，份量啱啱好～ 菊花薑蜜

龍門小棧最近推出左晚市套餐，包括涼菜、小炒同飲品，而且有我幾鍾意既陽春麵。今日打完波同朋友去左龍門小棧。環境寬敞，樓底頗高。- 胡椒生煎包包底好脆，入面餡料有豬肉、胡椒同雪菜，味道非常香辣。- 重慶酸菜魚味道無重慶嗰啲咁辣，而且只有酸味。不過魚片分量幾多。跟餐叫左陽春麵，但陽春麵完全無味，加落酸菜魚一齊食就好好多。- 南翔小籠包小籠包好juicy，而且餡料幾多，不過略嫌皮有少少厚。- 紅燜大肉肉質相當軟稔，肥而不膩，另外醬汁偏甜，送飯一流。飲品方面，我同朋友揀左菊花薑蜜，非常暖胃。

今日來灣仔食上海菜，呢間餐廳位於灣仔鬧市，裝修好新穎，乾淨企理，有別於傳統嘅中菜館，座位寬敞舒適。店員好主動細心介紹呢度嘅主打菜式，呢度主打由上海師傅主理的家鄉麵食，仲有各款的京滬點心，例如上海小籠包。喺門口就比佢個套餐吸引咗，唔使$100有涼菜或點心+小炒+飯餐或麵餐+飲品，而且免加一。金網窩貼🥟窩貼幾大隻，底部煎到金黃色好香脆，咬落去仲會爆汁🤩肉汁鮮味，好似食緊小籠包咁👍🏻羅漢素鵝呢款唔係炸的羅漢素鵝，係涼菜的素鵝，清新不油膩，滑lulu的豆皮包住香菇，蘿蔔等素菜好健康爽脆重慶酸菜魚配陽春面酸菜魚份量都好豐富，師傅刀工非常紮實，切得好薄但魚肉嫩滑又唔會散，仲要一條魚骨都冇，起骨十分乾淨。配料有大量酸菜，辣椒🌶️，藤椒等，酸辣味中帶麻香，提升生魚片嘅鮮味😍好大碗陽春面，面身軟而不爛，爽滑有彈性，配埋酸菜魚湯底真係越食越惹味。素爆三絲配菜飯吵得好香好有鑊氣又唔會太濃味，爽口嘅黑木耳配上爽脆嘅蘿蔔絲和香口嘅香菇，整體感覺健康有益。💕食物：4/5上海菜式味道正宗，選擇同款式都頗多💕環境：4/5環境乾淨舒適，選擇新式裝修食正宗上海菜💕服務：4.5/5服務主動貼心，招待周到有禮，服務員會主動介紹