龍門小棧 (已結業)

最近去了龍門小棧，點了一些他們的特色套餐。第一道菜是五香牛展，這道菜的味道非常濃郁，肉質鮮嫩，配上一些香蔥和姜絲更加美味。接著，我品嘗了胡椒鮮肉煎包，這個煎包外皮薄脆，內餡鮮美，特別是胡椒的味道非常濃郁。我們也嚐了一些傳統的上海小吃：南翔小籠包和上海獅子頭。南翔小籠包的口感非常細膩，內餡肉質鮮嫩，蒸熟之後汁水鮮美，是一道非常有名的小吃。上海獅子頭的口感也很好，肉質鮮嫩，味道浓郁，是一道非常傳統的上海菜。另外，蔥爆肥牛也是一道非常出色的菜品。肉質鮮嫩，蔥香扑鼻，口感非常好，很適合搭配米飯食用。除此之外，重慶酸菜魚也非常不错，鱼肉鲜嫩，味道酸辣可口，是一道非常有特色的川菜。最後，我品嘗了豆沙鍋餅和蕾莎湯圓，芝麻湯圓，这些甜點口感细膩，味道甜美，非常受人喜爱。總之，龍門客棧的菜品非常豐富，口感和味道都非常出色。如果你喜歡中國傳統美食，那麼這裡絕對是一個值得一去的地方。最後，我也非常推薦他們的熱菊花薑蜜，味道清香，非常適合在寒冷的天氣里飲用。

叫左個香酥排骨麵,排骨正常冇問題但係個外賣個麵淋到好似糊仔咁..本身已經係分左湯都唔明點解可以淋到咁..陽春麵做到可以入口即溶😅😅仲叫左個鱔糊炒韭黃…韭黃得幾條 就唔好話炒韭黃,鱔糊炒芽菜就差唔多😅😅建議改一改個menu好啲除左排骨係冇問題之外..其他食物都不如理想😅😅

小店人手唔多 所以要耐心等候落單但係店員嘅禮貌超好 落單後嘢食都好快可以送上所以為咗食到好野 等吓都無妨啦$98 一個晚市套餐 都好抵食呀仲有好多選擇涼菜/點心 八選一🎈南翔小籠包（兩個）皮薄餡靚又多汁🎈口水雛雞 （+HKD$15) 辣味好夠 雞件夠滑本幫小炒10選一🎈糟炒魚片酒味香濃 魚片夠滑🎈重慶酸菜魚魚片較淋身 入味 酸辣味足配絲苗白飯/菜飯/陽春面飲品六選一🎈菊花薑蜜幾好飲😚好抵食呀真係下次要再去試去其他嘅嘢食😚😋

今日收工比較晏 約老婆喺灣仔地鐵站附近 簡簡單單食完早啲返屋企休息下雖然係咁 返咗成日工始終都想食好啲 舒緩一下壓力😄這間上海菜館都近地鐵站 位置都幾就腳 之前晏晝食過一次 上海菜做得幾正宗 味道很不錯晚市都有套餐 98蚊包 1個點心 1個小炒 一碗白飯/菜飯 或者陽春麵 1個飲品 價錢方面的確係幾相宜 我哋就嗌咗兩個套餐👍👍點心叫咗 胡椒生煎包 有2個同埋口水雞 雖然係套餐點心 但係都整得幾有水準 即叫即做小炒點咗 宮爆雞丁和重慶酸菜魚 小炒選擇都幾多 有10個可以揀我鍾意酸菜魚 份量真係好足料 有好多塊魚片 而且好夠嫩滑下次想試下上海鱔糊 應該都唔錯今次用餐經驗唔錯 店員都好友善 平平哋冇煮飯過嚟食 都係唔錯嘅選擇🤩

放左工就約人，食依間餐廳。佢裝修同普通茶餐廳差唔多，不過就主要係食上海菜。價錢合理。98蚊一個套餐，包一款小食+主菜+飯/麵+飲品。可以揀菜飯或者白飯，唔想食飯的話可以揀陽春麵。而且服務好好，仲免收加一。上海小籠包皮厚適中，一咬就有濃濃湯汁，而且又夠熱。炸銀絲卷炸得外脆內軟，當然要配合煉奶一齊食。金網窩貼特別在於個底幾脆，好似食日式煎餃子咁。不過依個窩貼會有少少湯汁，令到窩貼唔會太乾身。外婆獅子頭+菜飯餐廳推介，所以就點左嚟試下。果然唔錯。肥肉和瘦肉比例剛剛好，所以好有口感。加上個汁，令到個肉更加好食，連帶旁邊既菜都好食。上海擔擔麵唔會好辣，適合我依d食辣新手。湯汁好香濃，而且麵條十分之掛湯，可以一試。甜豆漿可選冷熱，豆味香濃。

爸媽都是上海人,由小到大多接觸上海菜 不知不覺都愛上了🥰🥰灣仔這間龍門小棧～上海菜式比較地道，地方就腳！放工同老公一人一個客飯套餐 $98 涼菜/點心 仲有小菜 飲品 夠曬飽👍👍 胡椒生煎包 熱辣辣，底皮煎得焦脆！肉汁還非常juicy😋😋小心燙口喎🤣🤣口水雞 口水汁好香!唔會太辣😝照顧香港人口味，上海菜畢竟香濃為主，雞肉亦嫩滑重慶酸菜魚 好有特色 份量亦都多👍👍魚肉鮮甜嫩滑微酸微辣配上陽春麵非常match 宮爆雞丁 牙菜墊底，夠曬鑊氣😚😚同樣唔會太辣配上白飯冬天暖笠笠上海菜 必食豆沙鍋餅！紅豆好香，紅🫘唔會太甜，外皮脆卜卜，不會油，做得好好仲要免收加一 好抵食夠地道選擇又多😋

今晚開完 O.T己經8點，搵間飯店食完晚飯才回家吧！同事推介了灣仔一間上海菜館，小小的店舖，充滿著人情味。店員服務周到，不時跟食客互動。眼見好多熟客幫襯。上海擔擔麵上枱時飄來麻香。嚐了一口湯底，辣度慢慢滲入口腔，之後又有濃厚的花生香味。麵條吸盡湯底，惹味十足，停不了口。上海小籠包值得推介嘅小吃。那層薄薄嘅皮，隱約見到入面湯汁，餡料飽滿，即叫即做，咬開爆汁, 滋味！！最後一杯豆漿，不會太甜膩，合我心水。

餐廳位於灣仔馬路邊當眼處，下雨天依然有不少人在內晚餐。餐廳有多種座位可選擇，職員親切有禮貌。是次晚餐選擇了2個本幫客飯套餐$98一一一一一一一一涼菜/點心（8選1）胡椒生煎包 (2件）非常濃胡椒味，會有啲辣，入口熱騰騰啖啖肉，包底有煎過。南翔小籠包 (2件) 小籠包熱辣辣，入口爆汁。一一一一一一一一本幫小炒（10選1）香酥豬排配菜飯豬排炸得鬆脆，非常香口。上海菜飯飯粒軟硬適中，有好多菜。糟炒魚片配陽春麵木耳、大豆芽菜炒魚片。魚片好嫩滑，木耳弹牙，大豆芽菜爽甜。陽春麵幼滑，湯底好清。一一一一一一一一飲品（6選1）熱菊花薑蜜好少餐廳會有菊花和薑的配搭。薑味濃，但唔會遮蓋左菊花味，飲落非常暖胃。熱甜豆漿可能天氣凍既關係，熱騰騰嘅豆漿飲落全身暖哂。

係灣仔閒逛咁岩肚餓隨便入左間上海菜館-「龍門小棧」，我幾鍾意呢到既落地大玻璃，可以慢慢嘆住上海菜望住出面繁忙既街道同人流。🔹雪菜胡椒鮮肉煎包🔹生煎包平時就食得多，雪菜胡椒鮮肉口味都係第一次食，胡椒味都幾重，配上雪菜又幾開胃唔會膩。🔹上海小籠包🔹有驚喜，皮薄餡靚，每一粒都係有肉汁，加少少薑絲再蘸醋食，一籠真係唔夠喉。🔹香酥豬排菜飯🔹豬扒份量好足，醃得入味又口感又鬆軟，菜飯有油香，推介試下！🔹酸菜魚片麵🔹湯頭夠酸夠辣，魚片超滑溜唔腥，份量超多，亦好鮮。湯底味道雖濃，但一啲都唔油膩，麵質如果彈呀啲就更加好。

食物味道相當好，lunch $98 下就可以😌簡單菜式，但算是多選擇！反而鱔糊略多芡汁，但夠熱辣辣環境整潔乾淨Waiter 又有禮貌地方細細，鬧市中的一點靜已經食完 又再食過！

$68 午餐外賣，竟然只係得兩粒獅子頭同 4分之1碗菜飯，而且菜飯要加$5，仲要無野飲呀！正常灣仔區呢個價都有正常size 既外賣飯，但呢個細到好似下午茶（第二張相就會體會度）講返味道，正常既，獅子頭算軟熟，汁都唔太咸，菜飯就正常。

放假去灣仔搵朋友午餐，就搵到呢間食上海菜，加上朋友都鐘意食上海菜，岩曬了！🙌🏻🌟本幫客飯套餐 $98🌟好抵食既套餐，有主菜之餘仲會有前菜，同一杯飲品😋🌟胡椒鮮肉煎包(2件)🌟前菜揀咗胡椒鮮肉煎包，熱辣辣，因為加咗胡椒，食落會有微微胡椒香味🤤🌟上海炒九王鱔糊 (+$20)🌟好耐無食鱔糊，就算加$20都要食😆鱔糊有濃厚芡汁包圍住，爽滑肉嫩，加埋菜飯一齊食，正😄🌟熱菊花薑蜜🌟天氣凍凍地，飲杯薑蜜，滋潤吓喉嚨，岩曬呀😌🌟上海擔擔麵 $48🌟擔擔麵又係每次去食上海菜都忍唔住會叫既菜式之一，好輕微既辣度，仲有少少麻香味，再加埋肉碎，每啖都好有咬口👍🏻

呢排食得多西餐 突然有啲掛住小籠包嘅味道於是同同事就近揾咗一間上海餐廳食勝在方便又抵食 簡簡單單又一餐💕******************************🥟上海小籠包(4隻) ($38)小籠包蒸得啱啱好 冇整穿個皮鎖得住啲肉汁 咬落好juicy😋肥肉比例算比較高 所以食落唔會韌👍🏻✨本幫客飯套餐C ($98)一個套餐包咗豬扒菜飯、生煎包同飲品🍚香酥豬扒菜飯呢個菜飯飯同菜嘅比例恰到好處 算係比較多菜嘅一間 好啱我口味香酥豬扒整得夠鬆軟 唔會韌上面仲有胡椒調味 好啱送飯🫓胡椒鮮肉煎包生煎包個底部煎成金黃色 食落啲胡椒味超突出 肉餡份量幾多入口時唔太覺得辣 但原來有後勁🫠 食到尾時啲胡椒味開始涌現 都有少少辣 唔食得辣嘅朋友要留意❣️🍜上海擔擔麵 ($48)呢味係食上海必食嘅餐點❣️擔擔麵大大碗 麵條份量充足食之前拌勻湯底 食落味道偏酸辣湯入面有好多肉碎 可以送麵個人口味鐘意再重啲麻醬同花生醬味😍✨熱蜂蜜柚子茶 (跟餐)同事點嘅柚子茶✨熱豆漿($10)味道正常 有豆味******************************環境：環境係簡約設計 燈火明亮 配搭深木色嘅枱 成個格局有上

來灣仔染髮前，一定要食飽迎接之後坐幾個鐘。Salon附近有間食上海野，我哋點左個客飯：胡椒生煎包包面軟熟又唔厚、一咬入口充滿濃濃既胡椒味，帶點辣，正呀喂！加埋味菜、豬肉，整個口感豐富又岩涼涼地既12月食架👍🏻香酥豬排配菜飯菜飯好多菜呀，又帶點光澤、咬落去帶點菜香。豬排軟嫩帶香酥味，豬味濃郁，咬落質感非常好，一啲都唔乾，烹調得好好🥰旁邊既蔥煎香左又吸收左點豬油，超級香😘上海小籠包熱辣辣，皮薄但唔易破，多汁肉嫩😊韭菜水餃水餃皮滑，韭菜又香又多又爽，夾著豬肉，非常美味。湯底飲到金華火腿既香，好有誠意呀👍🏻菊花薑蜜秋冬季最岩飲杯熱辣辣既菊花薑蜜，潤潤又暖笠笠🍯食飽飽去染頭髮lu~

今日放工同朋友食個便飯，有次經過見到一間透明玻璃嘅餐廳 細細地，望落去裝修簡簡單單 食上海菜川菜嗰類型。 我哋冇book位，7:30左右到 餐廳坐滿7成左右啦！我哋叫咗套餐，分別要咗胡椒生煎包 雞絲粉皮 加$15花雕醉雞👉🏻 花雕醉雞都幾大份，夠冰凍 而且有酒味主菜要咗兩個酸菜魚配菜飯同 糖醋魚片配菜飯👉🏻 上台個下估唔到份量都幾足，酸菜魚 個湯唔會好鹹，有好多酸菜 魚片份量夠晒食成碗飯有突🤭 好滿足！雖然食落都知應該係係最普通嘅淡水魚，不過味道搭救都唔錯啦！套餐仲有嘢飲架！唔需要收+1，呢個價錢黎計都唔錯啦喺灣仔🤭👍🏻👍🏻👍🏻💯