老闆火鍋冰室

營業中

休息中

📍元朗 -#老闆火鍋冰室——-重慶鮮辣雞煲-極品安格斯牛頸脊（小）-墨魚脆炸油炸鬼 -芝士手打牛肉丸 （半份）-松露醬墨魚釀鮮冬菇 （半份）-野菌什菇籃-唐生菜-老闆押水果茶——呢間火鍋冰室設計夠特別 走懷舊路線環境坐位都好舒服 ——呢度除咗雞煲火鍋仲有牛尾鍋/藥膳花雕醉鍋/椰香沙嗲鍋等等.........不過我就叫咗重慶鮮辣雞煲 諗住雞煲加打邊爐呢個雞煲好香 啲雞肉好入味 唔會太鹹 一個字正👍🏻——我哋兩個人叫左一份極品安格斯牛頸脊（小）份量都唔少 好抵食👍🏻 肉質鮮嫩 一啲都唔韌推介呀👍🏻👍🏻👍🏻芝士手打牛肉丸同松露醬墨魚釀鮮冬菇我見比較特別就每樣叫左半份講一講芝士牛丸食唔到芝士味 同普通牛丸分別唔大不過松露醬墨魚釀鮮冬菇就好好食啦😋 墨魚膠加左松露醬落去 幾夾又特別墨魚脆炸油炸鬼（6件）呢個幾特別 第一次食 個味有啲似炸蝦多士油炸鬼上面加左墨魚膠一齊炸 外脆內軟墨魚膠好香👍🏻再加埋蟹籽做點綴 好加分😍老闆押水果茶未見過咁大杯咁抵飲嘅水果茶😆

天氣涼涼地，最啱就係打邊爐，一講到打邊爐，我同老公第一時間都係諗起雞煲⋯今次嚟到呢間老闆火鍋冰室，餐廳設計主打老香港情懷，牆上掛滿昔日香港嘅相&舊電影海報⋯晚市有小菜或邊爐選擇，我哋選擇咗雞煲+打邊爐😋其實佢都幾多湯底選擇，而我哋就點咗半隻重慶鮮辣雞煲($128)、細安格斯牛頸脊($198)、半份墨魚水上飄($40)、半份手打鮮蝦丸($26)&大水果茶($48)。雞煲一上枱，隔住個煲蓋都聞到陣陣香氣⋯過咗陣，店員會過嚟幫手將雞件炒至均勻，微焦嘅雞肉望落去更有食慾，再等多陣就有得食喇🤤雞煲我哋點咗勁少辣，辣味恰到好處，好啱我哋呢啲唔係好食得辣嘅人；雞件嫩滑，而且個醬汁味道恰到好處，配以紫洋蔥、花椒、八角等各種香料⋯相當惹味。值得一讚嘅係，呢度嘅服務真係好好，服務員不時主動過嚟幫我哋換骨碟同埋加湯👍🏻食完雞之後，服務員就幫我哋加湯開始打邊爐。首先嚟嘅係手打鮮蝦丸，蝦丸真係好新鮮，而且好彈牙，亦好足料，好味，值得encore！之後係墨魚水上飄，比起淨係食墨魚滑多咗一層口感，墨魚滑打得好爽、好彈牙，唔錯，都幾特別。最後上枱嘅係安格斯牛頸脊，牛肉雪花分佈平均，而且牛味濃郁，唔錯，啱晒愛牛嘅朋友😆