影片
更多
2023-12-24
1072 瀏覽
就到聖誕，過去幾年痠情都喺晌屋企過，所以，今年就趁早出嚟，同老婆食番餐當慶祝。尖沙咀有好多樓上餐廳，而從食友口中得知「aga Restaurant & Bar」嘅嘢食唔錯，環境又幾好。踏入餐廳，裝修幾雅致，可以講喺有少少輕工業風，加上啲擺設，深色木系復古風嘅枱櫈，帶點點懷舊味，再者，配合上柔和嘅燈光，令整體嘅氣氛暖和。而餐廳出面有個大露台，放置更多嘅座位，感覺開揚。一邊矮枱加布梳化椅、太陽傘、大大小小啲植物作點綴，甚有渡假感。主餐牌列出各種食物，類別包括意大利麵、薄餅、酸種包、全日早餐、小食、海鮮、主菜類……等等，非常多選擇。而飲品方面，除咗咖啡、熱茶、沙冰、汽水之外，仲有多款招牌特飲。本來打算散點，但見到有一款「聖誕套餐」，包前菜、沙律、餐湯、主菜4揀1、甜品，定價$488，好似幾唔錯，啲嘢又啱食，再加多一客意粉，其實，已好夠我哋食。帶子伴西班牙辣肉腸配芒果莎莎（聖誕套餐） 打頭陣喺呢碟賣相精緻嘅頭盤，大大粒刺身級帶子，稍微煎香，鮮甜彈牙，而墊住一片西班牙辣肉腸，鹹香惹味，質感有咬口，再加上面頭嘅芒果莎莎，酸酸甜甜中令味道更具層次，喺一道好有心思嘅頭盤。香煎虎蝦凱微沙律（聖誕套餐）叫
踏入餐廳，裝修幾雅致，可以講喺有少少輕工業風，加上啲擺設，深色木系復古風嘅枱櫈，帶點點懷舊味，再者，配合上柔和嘅燈光，令整體嘅氣氛暖和。
而餐廳出面有個大露台，放置更多嘅座位，感覺開揚。一邊矮枱加布梳化椅、太陽傘、大大小小啲植物作點綴，甚有渡假感。
主餐牌列出各種食物，類別包括意大利麵、薄餅、酸種包、全日早餐、小食、海鮮、主菜類……等等，非常多選擇。
而飲品方面，除咗咖啡、熱茶、沙冰、汽水之外，仲有多款招牌特飲。
本來打算散點，但見到有一款「聖誕套餐」，包前菜、沙律、餐湯、主菜4揀1、甜品，定價$488，好似幾唔錯，啲嘢又啱食，再加多一客意粉，其實，已好夠我哋食。
帶子伴西班牙辣肉腸配芒果莎莎（聖誕套餐） 打頭陣喺呢碟賣相精緻嘅頭盤，大大粒刺身級帶子，稍微煎香，鮮甜彈牙，而墊住一片西班牙辣肉腸，鹹香惹味，質感有咬口，再加上面頭嘅芒果莎莎，酸酸甜甜中令味道更具層次，喺一道好有心思嘅頭盤。
帶子伴西班牙辣肉腸配芒果莎莎
3 瀏覽
0 讚好
0 留言
香煎虎蝦凱微沙律（聖誕套餐）叫得虎蝦，呎吋當然有番咁上下大隻啦，咬落口感好爽口，又好有蝦鮮味；個凱撒沙律亦好足本，羅馬生菜好爽脆，撈埋麵包粒、煙肉碎、大量巴馬臣芝士碎，食味一流。
牛肝菌磨菇松露忌廉湯（聖誕套餐） 唔喺講笑，個湯未飲，放到上枱已經有好強嘅野菌香氣飄出嚟，望落去色澤就覺得好對辦，仲晌湯面加上一撮黑松露醬，確實入口菌香濃郁，口感又滑溜，絕對貨真價實無欺場。
牛肝菌磨菇松露忌廉湯
8 瀏覽
0 讚好
0 留言
慢煮美國極黑安格斯肉眼（聖誕套餐） 主菜就揀咗肉眼，以原木板奉客，配上埋多種蔬菜，非常好睇。由於肉眼先經過慢煮，再煎香，色澤粉嫩，所以，肉質好軟腍，肉味又香濃，且富肉汁，沾上啲啲海鹽，肉味更濃，確喺以質取勝。而配菜亦好食，肉眼下面仲有啲意大利青瓜，尤其啲荷蘭串茄，超甜。
慢煮美國極黑安格斯肉眼
5 瀏覽
0 讚好
0 留言
木魚昆布大蜆扁意粉 $128眾多意大利麵中，呢道日意融和嘅扁意粉就最有興趣。最欣賞喺啲扁意粉煮得啱啱好，口感柔韌有咬口，入口較為清爽，有別一般好似卡邦尼一類以忌廉汁做底咁；而啲大蜆隻隻好大隻，既有蜆肉嘅甜味，又有海水嘅鹹鮮味。
木魚昆布大蜆扁意粉
1 瀏覽
0 讚好
0 留言
野莓芝士蛋糕（聖誕套餐） 最後，當然以甜品作結，自家製嘅紅野莓醬，淋滿成件蛋糕之外，賣相好有聖誕氣氛，而味道酸甜有致；芝士蛋糕部份亦唔錯，雖然芝士味唔喺好強，但一層又一層夾雜中間，味道豐富。
越夜越多客人，可見只要餐廳嘅出品具質素，就不愁沒客，加上環境有特色，招呼亦好，喺一頓稱心嘅晚餐。
張貼
