La Serre

營業中

休息中

平時散步經過依間餐廳己經好想試，因為覺得餐廳室內好有情調而室外就好寫意。今日約咗個係觀塘碼頭附近返工嘅朋友食晚飯，一於試下依間餐廳。餐廳室內及室外嘅座位都好有空間感，而室內樓底高所以就算full house都唔會覺得嘈，非常適合飲嘢傾計。三黃雞份量多，半隻三黃雞非常肥美，外皮煎得香脆，雞肉嫩滑，印度米煙韌除了油香味十足，蒜、香草及野菌味十足，整體非常惹味。西班牙黑豬梅頭肉質鬆軟內裡juice，配上酸酸甜甜蘋果蓉，非常醒胃。新鮮薄荷滿滿一杯，薄荷味十足加上青檸，非常清新。新鮮熱情果加上新鮮青檸，酸甜度適中。

今日男朋友黎接我收工，近排疫情好返啲，做野又忙左好多，個腦keep run住好攰，所以今日放左工都唔去咁遠食飯，近近地係觀塘海濱搵左間幾好mood嘅餐廳食。Baked Red Snapper Fillet with Coconut & Lemongrass Sauce 焗紅鯛魚配香茅椰子汁 HK$188呢一個魚賣相可能冇咁精美，不過食落都幾特別，成日都好怕食魚會食到好老，肉好柴咁，呢一個就肉質岩岩好同埋好滑，而且加上左椰子汁，男朋友就好怕椰子汁嘅味道，不過我就好中意。不過本身以為椰子汁加魚個配搭會好怪咁，不過食落又唔會，仲幾新鮮添。中意食魚嘅朋友都可以一試。Chicken Rice with Wild Mushroom Sauce 野菌忌廉汁三黃雞飯 HK$180雞飯等嘅時間相對上比較耐少少，因為店員話我地知係即刻烤焗，所以要等耐少少。一大隻雞全髀加上半邊雞，整體黎講勁大份，雞肉好嫩滑多汁，而且勁juicy，不枉等耐啲嘅。另外鋪底嘅三黃雞飯冇想像中咁重三黃味，可能係男朋友口味重啦，不過好好食。Ginger Mojito HK$58Passion Fruit Squash  HK$58兩

之前經過幾次這家餐廳，玻璃多又有室外座位，感覺很不錯，今天終於相約了來吃個晚餐！Legras & Haas Intuition Brut BV $130鍾情香檳，味道不俗，價錢也合理。可惜今晚比較晚來，不然4-7pm還買一送一呢！M. Chapoutier, Côtes du Rhône Rouge Belleruche 2018 $89紅酒有兩款剛好賣光，試試這一隻吧！容易入口，低丹寧，性價比高呢！西班牙八爪魚薯仔沙律 $108沙律生菜已經聞到香噴噴的味道，薯仔外脆內軟，惹味非常，八爪魚非常軟腍，燒得有焦香味，配搭清新的沙律菜、番茄及醬汁真不錯！香煎法國鴨胸 $168平時比較少點鴨胸，今天心血來潮想吃一下，一上菜被份量嚇到，更驚喜的是有很多沙律菜，健康均勻呢！鴨胸味道不俗，入口軟腍，是新鮮鴨胸而非一般平常見到的呢，不錯！野菌忌廉汁三黃雞飯 $180餐牌打開第一頁便見到這個廚師推介，特別選用了本地三黃雞，以80度慢火烤焗再配以印度米。雞髀皮脆肉嫩，配上蘑菇汁還真的挺特別，沒想到一口接一口，竟然全盤飯都吃光了！食物全數清光，靜靜地坐在室外真chill！

今晚同男友到觀塘食晚飯，餐廳近於海濱道，我地揀左outdoor 座位，微微海風好舒服，仲有自由表演者彈下結他唱歌，環境氣氛都好浪漫悠閒，飯後還可以在海濱長廊散步。我地點左2個主菜及mocktail，食物高質好味，飲品都很多選擇，還布啤酒，紅白酒......野菌忌廉汁三黃雞飯廚師推介的菜式，賣相吸引，有半隻雞，份量也足夠。餐廳用三黃雞除左味道更濃更鮮，仲有豐富脂肪，加上以80度低溫烤焗，雞皮香口脆薄，肉質幼嫩有彈性，還保留更多肉汁，連雞胸部位都嫩滑。乾爽有咬口的印度米飯，混合忌廉汁和吸收野菌的香味，口感有點似creamy的risotto，但就唔膩同更配合到雞肉。素肉千層麵最近流行植物肉，今次點個素肉千層麵，原來素肉口感同真肉一樣咁好味。千層麵焗得極香，面層仲加左芝士碎，層層素肉與芝士蕃茄餡交離，素肉份量都幾多，每層麵都鋪滿，仲好平均，所以每口都食到素肉，酸甜清爽蕃茄醬好開胃，麵的質感唔會好腍，口感似寬麵般微彈有麵粉香。邊位焗得香脆，令味道更濃郁。Mixed Berries Mojito用藍莓及士多啤梨，加埋大量薄荷葉，仲有檸檬汁和梳打調成的無酒精雞尾酒，好refresh，有好強薄荷葉香味