Lava Java 咖啡西餐廳 (已結業)

很喜歡這間餐廳的龍貓朱古力和三眼仔拿鐡，今天終於有機會一試。餐廳雖然位於工厰區，但其實是位於很新簇的商業大廈，所以比其他位於工厰大廈的餐廳方便，又不用乘載貨的升降機，而且地點方便，距離地鐵站只需幾分鐘路程，很容易便找到。餐廳裝潢簡潔很舒服，侍應招待也很好，套餐還包頭盤或餐湯和咖啡，價錢又合理。一口法式田螺酥盒酥盒做得很鬆脆，田螺很腍又不會焗得太乾，加上半溶的芝士真的很好味，是必叫之選。野菌忌廉湯 很足料的野菌湯，吃到很多野菌碎，有濃濃的菌味，真的很好味。軟殼蟹南瓜汁意大利飯 意大利飯比較軟身，和傳統硬身的不同。南瓜汁很美味，軟殼蟹很大隻，炸得很香脆而且不乾身。保雲酥焗羊扒 足足有三大塊羊扒，羊扒燒得很香，我們要求medium rare, 廚師也弄得剛剛好。羊扒有少少羶味正合我意，肉質鮮嫩又很入味，配菜也很健康。抹茶鮮奶 套餐可以半價享用特飲，我們選了三眼仔圖案，不單只是樣子可愛，又有濃濃的抹茶味，令這餐晚餐更完美。焦糖龍貓朱古力 龍貓畫工很靚，朱古力味也很濃，但因為加了焦糖所以會比較甜一點。

今日黎到觀塘區一個寧靜的小角度, 估唔到係商業大廈都可以食到甘出眾既西餐。Café裡好寛敞舒適, 環境都好優雅, 而且7:00晚飯時間都唔多人, 唔洗同人迫!頭盤先黎個法式田螺焗酥, 好食~焗酥仲要係岩岩焗完出爐,保證新鮮!! 之後仲有個野菌忌廉湯~忌廉湯配料好濃郁 飲落去茹味好濃好正~同朋友一人一半慢慢細嘗, 再配埋個法式小面包, 輕輕既一個頭盤都令我地胃口大開…主食叫左黑松露蘑菇闊條麵同安格斯牛排呢個黑松露蘑菇闊條麵食落口好creamy好香黑松露味,同埋闊條麵硬度岩岩好 食得出佢地相當有質素…安格斯牛排我就叫左5成熟, 入口好juicy好多汁, 肉質鮮甜同埋唔會好硬 而且配菜都好好味, 食得出佢地有用心烹調過所以食物…最後唔小得既 緊係甜點.. 因為我地好喜歡食綠茶, 就一置決定叫左綠茶紅豆芭菲啦~~~不過甜品有點過甜.. 如果可以淡返小小就成餐都好perfer啦~~~ 甜點賣相都好靚..食完個人都相當舒暢~

觀塘工業區隱藏住好多好好味既Cafe就一早知架喇，所以係觀塘番工既我都好中意發掘下有咩好食。今晚Blue Monday，我就同朋友揀左呢間以木為主得Cafe，貪佢夠坐位寬敞，環境簡約舒適又唔會太嘈。 呢到係有Set Dinner既而且款式都唔少，我地最後就揀左軟殻蟹南瓜汁意大利飯同埋法式燒春雞。先黎頭盤係野菌忌廉湯同埋煙三文魚凱撒沙律，野菌忌廉湯有好香濃既野菌同黑松露味，又唔會太滯，岩晒我。而煙三文魚凱撒沙律既沙律菜都算新鮮既，不過份量就比較少，而煙三文魚就不過不失。 先黎第一個main 法式燒春雞 $206, 呢個燒春雞真係令我好Suprise，佢既雞皮燒到好薄脆，而雞肉就保持嫩滑，而且就算唔沾醬都好夠味。另外Sidedish 有唔烤菜，同樣好好味。 第二個main就係軟殻蟹南瓜汁意大利飯 $168, 呢個意大利飯既南瓜汁都好特別，甜甜地仲有少少甜咖哩既味道，而且飯既淋度岩岩好，至於軟殻蟹都係香脆。 野飲加錢要左Matcha Latte同埋Tootoro Chococaramel，一杯係三眼仔，一杯係唔記得個名，兩杯都好得意同埋好好飲，係有樣有質素既代表。

店內座位寬敞, 呢度有超可愛既拉花公仔熱飲, 有龍貓焦糖朱古力同埋三眼仔綠茶牛奶, 深受唔少大人小朋友歡迎!亦提供 #素食 選擇, 而今晚我都揀左個全素Dinner set黎食~【Dinner Set】頭盤:野菌忌廉湯主菜: 黑松露蘑菇闊條麵 HK$148龍貓焦糖朱古力 (跟餐轉特飲半價) HK$19野菌打成碎粒加入忌廉湯, 飲起上黎口感十足~黑松露蘑菇闊條麵入口creamy, 好重黑松露同菇菌味, 正!!再黎一杯超可愛既龍貓焦糖朱古力, 但味道稍為甜左少少...

今日約了好友在觀塘聚餐，觀塘最有名的是｢吃在工廈」，尋尋覓覓當中，找到具優雅格調的小火山cafe <Lava Java>。餐廳環境很清悠，餐枱之間的隔離很寬闊，我們坐得很舒適，也不易聽到在旁食客的聲線。我頗喜歡呈鑽石型的吊燈和白磚砌成的牆身，提高了餐廳的光亮度，更容易欣賞到食物的外觀和美感! 看看餐牌，菜式選擇豐盛，我喜歡主菜可以單點或升級至套餐。我跟友人也是｢為食鬼」，除了點選主菜: 安格斯肉眼扒和軟殼蟹南瓜汁扁意粉外，我們也升級至套餐 (加$85選配4款side dishes): 野菌忌廉湯、一口法式田螺焗酥盒、芝麻三文魚及胡麻醬田園沙律。芝麻三文魚+胡麻醬田園沙律芝麻三文魚的新奇配搭非常有趣，肥美、新鮮的三文魚刺身被香濃的芝麻包裹著，外脆內腍的口感很特別，配上蜜糖末子醬，香甜滋味，令人回味! 胡麻醬田園沙律的胡麻醬是分開送上，食客可以自己調節胡麻醬的份量，我最喜愛芝麻的濃甜配上青翠的青瓜，絕對無得頂! 一口法式田螺焗酥盒一口法式田螺外表平平無奇，但吃下去郤有大大驚喜。田螺被層層酥皮包裹著，焗到香酥可口，酥皮滿滿牛油香，配上表面的沙律醬，真的非常邪惡! 野菌忌廉湯野

觀塘工廈一向係美食既集中地，今次同老公黎左朋友介紹既新開小店。座落0係觀塘工業區，入口都幾新淨幾易搵。大堂好企理，唔係舊式嘅工業大廈。上到5樓，見到好靚嘅門口，新裝修，幾有格調。入面地方好闊落、枱同枱之間有好多位置，唔會聽到隔離傾計，好舒適。佢地每一位侍應，基本上都好好笑容，好有禮貌。特別係當日嘅負責人，一入門口就介紹我地食物。Menu好豐富，好多選擇。我地叫左兩個main dish：墨汁大蝦意大利飯同埋烤羊扒。佢地每一個主菜都有得加錢轉做2/3/4-courses set dinner，好有彈性。我地加左兩個前菜，一個湯。同兩杯飲品。《野菌忌廉湯》佢地唔係用罐頭湯，而係自己打碎磨菇，再慢慢煮成，係好有誠意嘅做法。入口好香濃幼滑，野菌味好突出，好creamy既口感，配一個小餐包，為之後既大餐做好準備。如果個湯上碟時，再熱啲就完美喇。《一口法式田螺焗酥盒》一客兩件，配少少沙律。田螺酥一向唔係我杯茶，但老公話幾好食。《墨汁大蝦意大利飯》大蝦好大隻，有預先煎香過，好有誠意，入口好新鮮。意大利飯用咗好多墨汁去煮，好香濃，調味都做得唔錯。但我個人食意大利飯，鍾意有口感多少少。呢樣野每人口味唔同，

活化工廈，除咗多咗啲特賣場（Outlet）外，就喺樓上咖啡室、西餐廳如雨後春筍般多。之前已到訪過多次觀塘廠廈嘅西餐廳，總括嚟講，普遍都質素不俗，取價亦公道，部分更可以話喺卧虎藏龍 。今次約咗表姨甥女食飯，聽佢講講越南之旅，就揀咗間廠廈西餐廳，因為聽佢講都好似未試過嚟依區搵食。因為都不止一次到訪依一類餐廳，所以，知道呢啲餐廳好有一種別有洞天嘅感覺，入到餐廳內每每偶有驚喜。今次到訪嘅Lava Java就稍稍唔同，因為佢位處一幢商廈，由地下大堂至上樓鋪面，都比較新簇，少咗一份尋幽探秘之感。不過，內裡嘅環境則一樣睇出裝修富心思 。甫踏進店內，以為好細只得眼前所見嘅地方，仲無客添，原來，走到水吧位前轉彎一睇，嘩！真喺柳暗花明又一村。另一邊區域空間極大，廠廈 / 商廈普遍樓底高，加上枱櫈嘅佈局散落其上，無話租金貴而排到盡，所以，整個環境予人空間感強，有一份悠揚輕省之感 。再者，一室木系嘅裝修，木地板、木枱、木櫈，配以少少植物（擺放多啲感覺仲正），坐晌度齋飲杯咖啡，感覺都已經好悠閒。其實，餐牌嘅封面已大致上話咗俾你知，有啲咩菜式類別，咖啡、漢堡、三文治、甜品、飯麵、沙律、蛋糕、意大利麵及各式飲