野菜咖喱事務所 Curry Man (已結業)

今次在葵青區「想到訪」食肆list中想介紹它，是一間小小店。小店是在露天用膳，搭了幾張四人枱。門面設計帶有日式色彩，好似在日本的街頭小巷裏遇上地道小店。看看貼在牆上的menu，有全日供應、下午茶供應和四款主打菜式的介紹。專登等到下午茶時段(1430-1900)，因為實在太太太超值，每款飯都平$14，同樣奉送冷/熱綠茶，抵!*******************第一次(06/06/2020)來到當然睇中野菜咖喱飯($24)，究竟會有咩野菜呢? 雖指定極少飯，但對我來說都唔少。嘩!賣相幾有日式feel，喜悅! 白飯採用珍珠米，粒粒圓潤飽滿，面頭灑了些黑芝麻，周邉放滿不同的野菜，淋上香濃的咖喱汁，好吸引。數數看，有西蘭花、三色椒、西芹、紅蘿蔔、茄子、秋葵、翠玉瓜、南瓜和薯仔，足足九款，好豐富。除了秋葵和翠玉瓜煮得過腍變黃之外，其他食材都弄得剛好，帶有咖喱香，又不失蔬菜的獨有味道。咖喱濃稠度適中，味道香濃，辣度點到即止，不會嗆喉，用來佐白飯真係一流，結果一粒珍珠米也不留，哈!*******************第二次(16/07/2020)因疫情關係，還是外賣安心啲! 外賣賣相當然不及堂，但

呢日好想食日式咖喱，於是喺附近搵到呢間小店。下晝一點鐘，仲有好多人嚟幫襯，我相信無嚟錯地方喇😆。.🍛嗌咗一個「野菜咖喱蜜糖燒雞扒飯」配凍綠茶。賣相好好，雞扒有手掌咁大塊，雞皮香脆，雞肉厚實，燒得恰到好處，蜜糖令雞扒更香；好多日式咖喱汁，送飯一流；西蘭花爽口，份量更多就好喇。.🥤凍綠茶甘甘苦苦，唔甜，啱晒我口味，冰凍解渴。.👨🏻‍🍳店舖得店長一個人一腳踢，落單、收銀、烹飪、樓面、洗碗全部由佢負責，令到出餐相對要更多時間，但顧客仍然耐心等待。全因為慢工出細貨，維持到食物質素，令人感覺到店長用心烹調，得一個人之下仍然堅持送餐，好sincere，值得支持。