野菜咖喱事務所 Curry Man (已結業)

呢日好想食日式咖喱，於是喺附近搵到呢間小店。下晝一點鐘，仲有好多人嚟幫襯，我相信無嚟錯地方喇😆。.🍛嗌咗一個「野菜咖喱蜜糖燒雞扒飯」配凍綠茶。賣相好好，雞扒有手掌咁大塊，雞皮香脆，雞肉厚實，燒得恰到好處，蜜糖令雞扒更香；好多日式咖喱汁，送飯一流；西蘭花爽口，份量更多就好喇。.🥤凍綠茶甘甘苦苦，唔甜，啱晒我口味，冰凍解渴。.👨🏻‍🍳店舖得店長一個人一腳踢，落單、收銀、烹飪、樓面、洗碗全部由佢負責，令到出餐相對要更多時間，但顧客仍然耐心等待。全因為慢工出細貨，維持到食物質素，令人感覺到店長用心烹調，得一個人之下仍然堅持送餐，好sincere，值得支持。