德美壽司

營業中

休息中

上星期約咗朋友去沙田行街～佢哋話想食日本嘢，醒起德美壽司喺沙田都有分店，就同佢哋一齊去試吓啦～第一次嚟沙田分店，餐廳設計得好日式，離遠已經見到一排燈籠🏮即刻有去咗日本嘅感覺😂好在我哋早咗同埋平日去～如果唔係就要排長龍啦🤩我哋叫咗三個晚餐，每份都有沙律🥗同麵豉湯🥣而且份量好大！啲魚生好新鮮😍仲要係厚切🍣個牛肉鍋好鮮甜😋好味啊👍🏻🍱德美海膽魚生丼 🍱北海道甜蝦帶子魚生丼🍲野菜牛肉鍋 食完仲有雪米糍做甜品😆好滿足呢！呢度仲有其他熟食～飯類、串燒、煱物、爐端燒、天婦羅等等👍🏻

曾經有一段時間經常和家人來沙田圍這間分店食午市套餐，因為呢度嘅食物質素高又坐得舒服，性價比很高！～～～🐨後來社會運動、疫症期間就減少咗嚟食飯。嗰晚我地去街去到很夜，打算食個簡單晚餐。因為食咗個幾豐富嘅下午茶，所以晚餐就只係點咗兩樣嘢就算啦。～～～🐨我地入到店裡，店員安排我地坐喺吧位，可以清楚睇到師傅好有心機咁擺刺身拼盤，捏壽司等。感覺就好似去咗日本高級壽司店食Omakase咁。好懷念啊！～～～🐨野菜牛肉鍋，啲湯甜甜地，牛肉非常嫰滑，因為端上嚟嘅時候仲係半生熟，所以火候啱啱好！好少地方有得食嘅帶子鵝肝反卷，帶子好鮮甜，鵝肝則入口即溶，兩者真係配搭得天衣無縫！～～～🐨搵日再嚟食午市套餐先得！

尋日突登過咗黎河畔花園呢邊搵食, 因為同事介紹咗附近有間食日本野嘅餐廳, 而呢間就係德美。德美原來都有幾多分店, 所以如果想試都唔一定要揀呢間。夜晚7點幾黎到門口, 發現都唔算多人等位, 大概等咗5分鐘就有位。叫左40蚊嘅燒芝士年糕申燒、103蚊嘅野菜牛肉烏冬同埋122蚊嘅三色魚生飯。先講講個芝士年糕先, 以40蚊嘅價錢黎講算貴, 因為芝士年糕嘅材料唔需要高價嘅材料去做, 但食落好煙韌同埋裡面嘅芝士做到爆漿嘅效果, 但論抵食就見仁見智。野菜牛肉鍋有一鍋用壽喜燒汁做湯底嘅鍋, 裡面有上菜時仲係半生熟嘅牛肉、蛋黃、冬菇、蘿蔔同埋生菜, 至於烏冬就加咗18蚊變手打烏冬。牛肉份量都算多, 脂肪比例少, 但質素算正常。如果沾一啲生蛋黃喺牛肉上面, 食落更滑。生菜就建議盡快食, 因為放得耐會變爛, 而且會吸咗太多帶有油份嘅湯, 所以唔太健康。至於手打烏冬確實食得出佢嘅高品質, 非常有咬口。三色魚生飯嘅魚生有帶子三文魚吞拿魚各三件, 中間放咗蛋白同蟹籽用黎伴飯, 飯入面混入咗冬菇條, 豐富咗口感, 亦令本身得壽司醋味嘅飯多咗陣冬菇香味。帶子三文魚唔錯, 但最好食都係吞拿魚, 食到有陣魚油香。

因為真係幫襯過好多次所以可以同大家推介多幾款唔同嘅套餐每次食德美都係午餐時間除非好早嚟攞位如果唔係通常都會等好耐因為真係一間性價比高嘅日本餐廳唔算貴之餘，食物款式多基本上每個套餐都包左蒸蛋，沙律，甜品其中最鍾意食嘅就係壽司拼盤10件壽司加埋都唔使$100刺身都切得非常之厚而且非常新鮮另一款係炸餃子牛肉烏冬定食🍣睇得出牛肉都係非常新鮮絕對唔會煮得太過耐餃子炸得夠哂脆吾會太硬入面嘅餡充滿着肉汁牛肉生薑定食呢一款等得比較耐不過睇得出全部都係即製上菜嘅時候熱辣辣所以等來啲都係值得德美和風便當🍱係我其中一個最鍾意嘅套餐因為便當入面嘅食物種類好多包括秋刀魚，吉列豬扒，螺肉，三文魚刺身，玉子淨係賣相已經好吸引野菜牛肉鍋反而係比較普通嘅一個套餐除咗雜菜同埋牛肉之外入面仲有粉絲不過啲湯就比較油，但係好鮮甜如果想食得清淡啲鯖魚定食係最好嘅選擇條魚燒出嚟唔會好乾肉質好嫩滑重點係唔好好多骨食落口都啖啖肉特別要講一講員工服務態度非常之好食物好食之餘，更加令人身心舒暢