影片
開飯介紹
德美壽司有多間分店，日式木門及窗棱設計，使你尤如置身於日本。供應日式料理包括壽司、刺身、燒物等選擇。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
喺沙田行完街過咗嚟呢間朋友推介嘅德美壽司，平日晚市幾乎滿座。店員安排咗吧枱俾我哋，可以睇住師傅處理刺身、壽司。🍣 火灸海膽（2件 ) $84 海膽表面用火槍燒過，增添咗唔少香氣。海膽好creamy，味道濃郁而且冇腥味，加上焦香嘅味道加咗唔少分~🍣 煎鵝肝帶子卷 $92 飯卷入面包住青瓜、鵝肝，面頭係帶子同帶辣味嘅脆脆。帶子鮮甜，鵝肝偏乾身但香氣濃郁，加上辣辣地比想像中好食，好惹味。🍣 牛油果軟殼蟹卷（原隻） $88 上枱時好震撼，份量好多，而且軟殼蟹金黃嘅顏色好靚。飯卷上有飛魚子配牛油果，內裏包住青瓜絲及軟殼蟹，好有口感，而且食落唔會鬆散。軟殼蟹炸得好鬆脆但唔油膩，唔會好厚粉漿，配上牛油果好夾！🍣🍚 魚子蔥吞拿魚腩茸丼 $145丼飯可以揀多飯或小飯，我哋叫正常份量感覺都幾多。丼飯有蔥絲、三文魚子、青瓜、吞拿魚腩蓉，加入鵪鶉蛋蛋黃撈勻食更香滑。吞拿魚腩蓉好濃郁而且滑溜，食到一半先發現魚茸嘅厚度同飯嘅厚度一樣，非常誇張絕對唔孤寒！同三文魚子一齊食好滿足~兩份卷物都比想像中大件，埋單嗰陣仲有雪米糍送，食到好飽！太飽冇叫到串燒鍋物，下次再嚟試吓！
繼續閱讀
魚子蔥吞拿魚腩茸丼 $145 ✔️肥美新鮮嘅吞拿魚腩茸，油脂度非常夠✔️加上大大粒嘅三文魚籽，而陪上香蔥同青瓜，每啖都好fresh同滿足，仲有鵪鶉蛋係面，整體唔會太鹹，剛剛好✔️份量大方值得一讚😸炸雞軟骨 $49✔️先要大讚係個層炸粉好薄，加上沙律醬同七味粉，食落唔熱氣👏🏼✔️炸得香口，質感唔會太乾，外脆爽口燒多春魚 （4條) $40✔️燒得唔會太乾，外脆內軟，而加好香✔️比我想像中大條，都幾抵食蟹籽沙律 $58✔️份量驚人！咁大碟只係$58😂！✔️因為青瓜整體好fresh✔️個汁調得剛好，喜歡佢淡得黎又有少少鹹香，唔會酸！因為質感薄薄，食落冇罪惡感免治雞肉棒 $28✔️有蛋汁可以沾✔️喜歡佢帶有雞軟骨嘅口感，外脆內嫩Overall: 份量勁滿足，所有野都有水準而且唔貴，食完唔會覺得好鹹/好heavy😸呢間已經食過好多次，回訪率90%lgable打卡度：8/10好味度：8.5/10worth revisiting返兜度：9/10
繼續閱讀
今日早少少收工，入去沙田接老細，順便搵嘢食～～河畔附近都有好多食肆，估唔到德美開到嚟呢度～之前響觀塘食過食物質素都唔錯，沙田呢間店舖裝修仲好有特色，成間居酒屋咁！😻時間尚早，冇乜人～快啲入去點餐！晚餐有好多款可以揀！我當然係食返刺身丼啦！！兩隻甜蝦又大又新鮮，個頭仲有蝦膏㗎！😍三文魚十分肥美，配埋三文魚子，仲有熟三文魚肉，跨代親子丼呀！😝🤭兩粒刺身級帶子，鮮嫩爽甜，點少少醬油同wasabi，滿足口福！！估唔到佢個飯係有野菜同菇絲，口感好豐富！Yummy！老細叫咗吉列豬扒咖哩飯，個咖哩好香～😋日式咖哩唔辣，甜甜哋，啱曬佢！！件吉列豬扒真係炸得好靚！😘👍🏻首先個粉一啲都唔厚，而且見豬扒仲好juicy，好彈牙！！連我唔係太鍾意食吉列豬扒嘅……都忍唔住食咗一件～🤭😅呢度仲有串燒食，所以叫多個雞中翼、虎蝦同埋翠玉瓜～雞中翼燒到皮脆肉香，又唔會太鹹，啱啱好！！虎蝦真係好大隻！！🤗啲肉好爽口，又係燒得啱啱好！椒鹽調味都啱啱好！翠玉瓜落咗少少牛油，燒出嚟好香，仲好juicy添！！佢套餐會跟埋麵豉湯同蕃茄沙律，所以份量真係好足夠，兩個人食都唔使$400，店員仲非常親切，啱曬街坊！
繼續閱讀
呢個舖面裝修超日式🥹 我比佢個舖面吸引左 然後就入去食 發展入面更有驚喜 好有居酒屋感覺 仲有壽司吧檯 一秒如同置身日本咁 非常之有日本氣氛！🔖鍋燒烏冬 HKD94好豐富、熱辣辣嘅鍋燒烏冬，配料種類多，有雞肉、蛋、蟹棒、竹輪、冬菇、金針菇、娃娃菜。味道清甜，唔會好咸，湯底亦係鮮甜嘅，而烏冬亦煮得恰好、彈牙🔖加州卷 HKD54超大舊嘅加州卷，而且饀料絕不馬虎，有嫩滑香甜嘅玉子燒、蟹棒同青瓜絲等，表面更鋪有滿滿嘅飛魚籽。好食同抵食之選🔖温泉蛋天婦羅 HKD66呢個天婦羅實為一絕，推薦。以天婦羅做法炮製嫩滑、香濃嘅温泉蛋，外層嘅天婦羅炸紙香脆、且有些少咸香嘅調味，配上內裡嘅温泉蛋，更突出蛋香。如再沾上天婦羅汁，令整個味道更突出，再豐富具層次，超正🔖清酒煮蜆 HKD80鮮甜美味嘅清酒煮蜆，蜆肉鮮甜，唔腥唔臭無沙，且肉㸔金彈牙，品質幾高。最重要係真係試到清酒嘅清甜味，咬下蜆肉時，會伴隨蜆肉味，滲出清酒香。高質素嘅清酒煮蜆🔖日式炸餃子5隻 HKD45炸餃子幾好，外皮香脆，肉饀幾有薑味。而點餃子汁後則令味道更清爽啲，同時突出餃子饀味道🔖燒芝士年糕 HKD46好味嘅燒年糕，外層燒得略粉綿，口感好正。內層嘅芝士些微溶化，味道又唔會太濃太漏，食落唔會滯，幾好
繼續閱讀
今晚在朋友的推薦下，來到沙田的 德美壽司！這裡的日式料理用料新鮮，味道令人一試難忘：🌟菜式包括🌟1. 三文魚沙律 ($82) 🥗🐟沙律中的三文魚切片鮮甜油潤，配上新鮮蔬菜如生菜、番茄等等，仲有濃郁的醬汁，爽口又健康又開胃。清新滋味讓人忍不住多吃幾口！三文魚左口魚丼 ($135) 🍚🐟一碗集合鮮味的丼飯，三文魚和左口魚切得份量足，口感滑嫩，配上微酸的醋飯，相當足料、滿足。牛油果軟殼蟹卷 ($88) 🥑🦀這款壽司卷絕對是創意與味道的結合！軟殼蟹炸得金黃酥脆，搭配牛油果的滑順，卷得紮實飽滿，而且都係大大件！帶子卷 ($68) 🥢✨帶子的鮮甜完全展現，新鮮程度毋庸置疑。米飯和海苔的清香提升了整體口感，簡單卻精緻，是一道不容錯過的小品佳作。
繼續閱讀
您可能會有興趣的...