金記冰室 (康怡廣場北座)

營業中

休息中

數年前跟家人到過西環店，感覺不錯，得知最近在康怡開了分店，立刻前往一試港鐵太古站A2出口一出便看到店外牆身的一幅手繪筲箕灣原店畫像店內環境舒適寬敞，大部分都是卡座更備有usb插頭供食客充電！可用電話下單，方便要求多多的人懷舊鋸扒餐界最有香港特色！鐵板西冷牛扒飯可自行挑選配菜、醬汁及生熟程度等！西了冷肉質軟腍適中，醃得入味，口感嫩滑無渣加$9配有濃郁蕃茄味的招牌羅宋湯更可以半價加配飲料！凍香滑奶茶口感幼滑，香味豐盈金磚風沙炸豆腐外皮薄而微脆，內裡豆腐白滑清甜，加上椒鹽佐味十分香口家鄉鹽焗雞香油水足，伴飯—流麻辣雞絲米線可以自行挑選辣度，蒜香可口最後當然要有冰室必點的凍檸檬可樂

近排真心好多餐廳外賣都好抵，在太古的大型超市掃完貨，見到金記又有外賣優惠就買了兩個飯回家吃。六時多真是很多人，不論等外賣或是堂食的都一起在等。【金磚風沙炸豆腐】這是金記的招牌菜，不得不試，外賣的確沒有堂食即煮即食的滋味，脆皮有少少淋了，半軟半脆外皮，不過中間熱辣辣，加上調味足夠，味道仍然出色，是口感遜色一點。【無骨海南雞配油飯】海南雞又鮮嫩無比，白滑的雞肉又有點雞汁，沾少少醬油更加惹味，不過我更加喜歡雞蓉，而油飯香味都不錯。【熱奶茶】首先想講外賣的紙杯很有香港特色，奶茶非常濃郁茶底夠厚。

聽聞呢間冰室都小有名氣，係附近睇完展覽後就順便去試下。環境都幾有趣，餐廳天花板位置吊住紅、藍、綠色嘅膠箱，幾有香港特色。-金磚風沙炸豆腐炸豆腐外皮好薄，咬落係韌而微脆，加上椒鹽佐味，好香口。而內裡豆腐好白滑清甜，入口好熱辣辣，好滋味。-鮮茄濃汁焗豬扒飯豬扒飯味道都不錯，整體做得幾好，茄醬同蕃茄味道都新鮮。不過芝士如果再多啲就好啦，會更增添鹹香。-XO醬豬扒炒烏冬炒烏冬出乎我意料地出色，鐵板好夠熱，有時唔兜一兜仲會燒到燶。豬扒好鬆軟，咬落幾腍，唔會太老身。配合埋炒烏冬，可能因為加入咗XO醬關係，唔會太乾而且幾入味。-熱好立克好立克稍嫌太甜，落得太多粉，上枱個陣一撈就見到底部仲有一堆攪唔勻嘅粉。

我已經好耐無食過飽飯,今晚超滿足超飽XD唔係話我呢排唔飽，而係我食菜食飽，又雖然飽但總有種空虛既感覺咁啫... 但今晚係"實的的"澱粉質同肉既實在感...金記呢，去過幾間，都係食早餐，呢間自從開左之後，我無論等元氣，嚮和民定點，呢間都總係有人等... 今晚決定唔到食咩就攞飛先，正想行去第二間再睇又竟然有位，咁就食囉！馬來咖哩牛腩飯 $70+3可能因為大記最近sell緊，我又好耐無食，見到已經決定要佢，今晚選擇困難症無發作. 印象中翠華既比較好食，不過佢都唔差，而且唔會好多傻仔無肉. 但就差緊陣香味... 因為呢個係晚餐，menu無話包湯但張單又有(點解會睇單? 咪就因為好甩漏囉，之後佢地都因為咁俾兩碗湯我地)菠蘿生炒骨 $73男人好鍾意食咕嚕肉，但我試過一次唔多ok... 又成日話媽子唔整，我地兩個又好少食小菜... 我就提議佢叫咕嚕肉，就係落單前見隔離枱叫左生炒骨都好靚仔，佢就臨時轉吠... 反正都係fd,所以都食得好開心. 骨都仲係脆脆的，個汁都好味好平衡，唔會太酸或者太甜...金磚風沙炸豆腐 $73其實我本來都想食金銀蛋時菜，但其實我已經成日食，無奶油出去又係食呢尐XD 而且佢一

收工時間嘅太古市中心。晚飯時間。唔好諗咁多，有位就坐。金磚風沙炸豆腐好考師傅功架嘅一道菜, 採用滑豆腐 (而非比較硬身嘅豆腐), 炸到每件都金黃香脆, 外層口感脆卜卜, 內層豆腐仍然係滑捋捋, 絕對可以用 “外脆內滑” 黎形容, 超級香口嘅小菜｡滑蛋韭黃炒蝦仁蝦仁炒蛋 - 家庭飯桌上的「常客」，蝦球 Q 彈，蛋嫩滑。配白飯無得輸…金牌乾炒牛河有鑊氣、夠味、乾身不過油，牛肉醃味適中，加埋是拉差辣椒醬，PERFECT MATCH !金粒西多配雪糕即叫即炸，勁好食，但極邪惡。(可惜雪糕賣曬，用棉花糖代替。)晚餐除左套餐外, 亦可以散嗌小菜｡ 小菜款式都幾多, 仲可以加錢跟白飯、餐湯同餐飲｡

今晚路過太古附近, 見呢間茶記幾多人食, 就入左去一試. 原來呢間金記都有幾耐歷史, 前身係大排檔黎.佢地都有幾多野食, 我地叫左一個鐵板餐, 幾個小菜, 份量都幾足, 價錢都合理, 係一間幾平民既餐廳鐵板西冷牛扒, 幾大份, 厚身有牛味, 味道不俗滑蛋蝦仁, 蛋炒得幾滑, 蝦仁都算大隻但偏淡, 略為失色 糖醋芝麻骨, 炸得幾脆口, 酸甜適中風沙黃金豆腐, 外脆內嫩, 不愧為其中一款招牌菜另外跟餐半價試埋個蛋白杏仁茶同紅豆冰, 大滿足!呢間茶記既性價比都幾高, 一定會再返黎食過.

康怡廣場開了一間金記冰室，我地又多了一個飯堂嘅選擇。今晚屋企無人煮飯，唯有落街食金記。晚飯時間超多人排隊，睇黎大家都唔想煮飯。等了十幾分鐘，終於坐低了。細佬二話不說就要食鐵板西冷，爸媽就要正正經經食小菜白飯，所以就叫鐵板西冷牛扒，涼瓜炆魚柳，風沙炸豆腐，金銀蛋肉碎浸時蔬。西冷牛扒好大塊，差不多有整塊鐵板咁大，切落去好冧，啱啱七成熟，食落好有牛味，一d都唔老，正，比大x樂果d好得多。涼瓜魚柳份量好大，涼瓜好爽脆，唔會好苦，略帶甘甜。班腩炸得好脆，炸粉好薄，魚肉好滑。金磚風沙炸豆腐好滑，唔係一般嘅滑，係非常滑，炸粉非常非常嘅薄，外脆內軟，非常好味。金銀蛋肉碎浸時蔬好清，個湯好甜，即使唔係炒都一樣咁好味。原來想叫杯咸檸七，結果原來係無，咁唯有叫杯凍檸賓頂住先。

下午茶時間又到啦經過門口好多人應該好好食先會咁多人一於就入左去食下午茶裝潢都幾鮮明天花是用彩色裝汽水嘅膠籃加上射燈打照懷舊得來帶點創新來到冰室梗係要叫番杯紅豆冰啦雖然無雪糕🍦是懷舊的椰汁紅豆冰濃厚既椰子香味配上微甜紅豆粒味道好傳統凍奶茶都係唔少得下午茶嘅炸雞翼非常之出色一共有兩只炸到個皮薄薄的都幾邪惡唔係脂肪雞瘦瘦得來有d肉食下入到冰室嘅時候已經比乾炒牛河嘅氣味籠罩着本來唔想食炒野嘅遠聞都聞得出碟野好有鑊氣所以都忍唔住要叫返碟乾炒牛河雖然下午茶既份量但都好大碟牛肉又多又大塊平時少食菜出街食野叫番碟菜補番平常少食菜去減少自己邪惡感見到餐牌已經比呢碟金磚風沙炸豆腐所吸引住外脆皮入味濃郁香口內里的豆腐好滑流兩重口感一淡一濃恰度好處