金記冰室 (康怡廣場北座)

營業中

休息中

康怡廣場開了一間金記冰室，我地又多了一個飯堂嘅選擇。今晚屋企無人煮飯，唯有落街食金記。晚飯時間超多人排隊，睇黎大家都唔想煮飯。等了十幾分鐘，終於坐低了。細佬二話不說就要食鐵板西冷，爸媽就要正正經經食小菜白飯，所以就叫鐵板西冷牛扒，涼瓜炆魚柳，風沙炸豆腐，金銀蛋肉碎浸時蔬。西冷牛扒好大塊，差不多有整塊鐵板咁大，切落去好冧，啱啱七成熟，食落好有牛味，一d都唔老，正，比大x樂果d好得多。涼瓜魚柳份量好大，涼瓜好爽脆，唔會好苦，略帶甘甜。班腩炸得好脆，炸粉好薄，魚肉好滑。金磚風沙炸豆腐好滑，唔係一般嘅滑，係非常滑，炸粉非常非常嘅薄，外脆內軟，非常好味。金銀蛋肉碎浸時蔬好清，個湯好甜，即使唔係炒都一樣咁好味。原來想叫杯咸檸七，結果原來係無，咁唯有叫杯凍檸賓頂住先。