釜之魂釜飯專門店 (淘大商場) (已結業)

星期日中午同男朋友黎午餐，店內冇咩人。我地選左個角落位坐，一嚟會先上咗麵豉湯同埋前菜，係碟辣辣地嘅青瓜粒。我地點左個釜飯金魂，係鰻魚飯黎，入面有好多蛋絲，但冇圖片中嘅蔬菜🥬，味道ok, 個飯太濕，有d飯焦。之後叫左幾個小食，推薦大家食櫻花蝦炸豆腐，一份有兩件，上面有大量櫻花蝦，外脆內滑，口感一流，佢個汁拎嚟撈飯都好正。金菇牛肉串燒一份有2件，有啲燒汁喺面，但係有啲韌，麻麻。飲品叫左熱柚子蜜，吾錯。

我自己好鐘意食饅魚，今日就黎咗九龍灣食釜之魂食佢最出名嘅饅魚飯啦❤️要食當然食最好，所以我叫咗個「金魂」，鰻魚係用最肥美嘅部分，即係魚腩位置，咬落肥美肉厚🤤配埋餐廳自家秘制鰻魚汁，鮮味倍升另外哥哥叫咗個「古味塩麴牛舌釜」，牛舌香口，唔會好難先咬得開👍🏻配上燒汁同芝麻，非常美味男朋友就叫咗個「鐵板雞扒釜飯」亦都係最失望嘅一個，佢話食落去同大x樂果d雞扒冇分別，仲要塊雞扒好乾爭爭😢另外我地仲叫咗個日式炸雞，只可以話正常發揮，冇咩特別🙃不過為咗個鰻魚飯，我係會返黎再食嘅😌

性價比高嘅汁燒牛肉飯👍🏻 鰻魚飯都ok——————————————金魂 ($78)鰻魚食落有少少魚骨，啖啖肉，肉質唔係太嫩滑，但都肥美蛋絲同照燒汁份量多，可以伴曬成碗飯照燒汁甜甜地，類似甜醬油嘅感覺，有少少唔夾嘅感覺白飯用咗珍珠米——————————————汁燒牛盛釜($48)牛肉有驚喜！牛肉重牛味🐮，燒汁好入味同sukiya價錢差唔多，但牛肉高質過佢洋蔥煮得幾淋，伴飯一流！飯份量好多，女仔有機會食唔晒🌟以上食品需另收加一

難得星期五同老公出下去食飯...happy friday 下入到去入面既職員好細心同好有禮貌見到大肚即刻安排過唔洗落樓梯既位置俾左杯水我...黎到梗係要試下金魂 (厚肉）野食都上得好快～金魂真係無令人失望鰻魚好厚肉好juicy啲汁唔係好甜 岩岩好，配埋個飯就好夾平時唔係好食飯既我都忍唔到口其他小食都幾好食餃子煎得幾好 都好食金菇肥牛就同平時既日本餐廳差唔多燒花魚一直係我好喜歡既呢到都燒得唔錯仲keep 到juicy,唔乾...但就細條左少少簡單黎講，值得再食

喺香港釜飯專門店真係少之又少，又去唔到日本食正宗嘢，好彩都搵到喺淘大嘅呢間釜飯，仲要係黃嘅！唔知係咪因為午餐，lunch menu 上嘅選擇比想像中少，不過因為好餓所以都輕鬆揀到！不過當試第一啖汁燒牛盛飯時就好懷疑自己係咪真係食緊釜飯，因為上面啲牛肉係唔夠熱嘅，好可能係後尾先放上面，而且飯只係白飯，咁就同食don 飯無分別咁。味道不過不失，而且肉量同飯量都非常之多，對得住個價錢嘅。而價錢貴好多嘅金魂，條鰻魚係好熱嘅，而且燒汁係好多，但始終都唔係釜飯感覺。所幸係味增湯有額外落料，飲落都開心啲。雖然話係同路人，不過入面啲年輕店員睇落好唔想返工黑哂面又粗聲粗氣咁，個人覺得除咗食物仲有服務態度都要改善先可以更上一層樓。

自從係鹿兒島食過生平最好食既鰻魚飯之後就成日心掛掛。但偏偏香港有好多餐廳既鰻魚飯都唔好食，有啲甚至又薄又腥又貴，中伏率都幾高🙁。見九龍灣呢間主打鰻魚釜飯，好似幾好食咁，而且鰻魚都有分唔同價位，感覺好pro咁，下午茶就試一試佢。前菜小碟+味噌湯 (跟套餐）前菜既漬物好清新，爽口得黎又辣辣地，好開胃👍🏻。味噌湯味道岩岩好，唔會過咸過濃，清清地好好飲😋😋金魂 - 鰻魚釜飯 (下午茶餐 $78）首先鰻魚好厚肉😍😍😍厚肉肥美既鰻魚真係好好食！❤️鰻魚好香唔會腥👍🏻👍🏻可能因為要配飯，所以啲燒汁有啲咸，飯硬左少少。個飯量好多，為食妹一個食唔曬，我諗2個人share會好啲。日式叉燒稻庭湯烏冬 (下午茶餐 $48）個湯底好好味，清清地但一啲都唔無聊😋烏冬質地偏硬，同平時啲稻庭烏冬唔似，反而似讚岐烏冬多啲，不過我鍾意硬身既麵，所以覺得幾好😆叉燒就不過不失啦，唔係特別香，無乜太大感想。髒髒炸香蕉(朱古力）($18)本身以為入面係真香蕉，點知係煙煙韌韌好似麻糬既質地，又唔太好食，好失望😕😕蘋果蜜 (跟餐，凍飲+3）清清甜甜，又有好多果肉，好好飲😙😙整體黎講下午茶好抵食，淨係個金魂已經係平左好多！😜😜

下午茶套餐配有前菜、湯及飲品金魂 $78嚟到當然要試吓佢哋個招牌釜飯啦～金魂係用鰻魚中間最闊最厚嘅部份，啖啖肉，雖然有少量幼骨，但肉質緊緻，用筷子夾落去，整件魚唔會鬆散；呢度選用德島縣產嘅米，米粒圓渾飽滿，煙韌有咬口，加埋鰻魚醬汁更好味。汁燒牛肋肉魂 $78份量好足，牛肋肉非常入味，煮到好軟腍，食哂啲牛肋肉已經夠飽鹽燒三文魚頭 $48魚皮燒到香脆，魚面質感肉嫩滑，我就鍾意食魚鮫位，完全唔腥，配有檸檬及醬汁，味道更提升髒髒炸香蕉 $18 /2件見到係人氣之選，食評推介我又試吓啦～ 朱古力粉舖滿外層，脆漿炸到似煎堆，脆得嚟內層軟糯，餡料當然係香蕉蓉啦！朱古力加香蕉，味道唔會差 🤗

推薦指數：👍🏻👍🏻👍🏻👍🏻-大概都光顧了這店兩三次，第一次初嘗的時候，不好吃。之後就沒有再光顧了。事隔一兩年，它成了九龍灣區的知名黃店，而且竟有多位朋友向我推介它的鰻魚飯！甚至推薦我點整條鰻魚！但是，同期亦有朋友稱此店的釜飯，並非釜飯而是「苦飯」，痛苦的飯。疫情期間，我都不太會外食，這次點了下午茶餐，再嘗鰻魚飯！試試它到底為何如此兩極評價(*´ω｀*)-店舖: 釜之魂釜飯專門店地址: 九龍灣牛頭角道77號淘大商場三期地下G286-288號舖價錢: $77人數: 1人光顧時間: 12月16日2pm外賣有折，所以下午茶變得更划算。我點的是<金魂 特> 這個餐有一盒 鰻魚飯、一小碗 麵豉湯及小前菜漬物。鰻魚飯份量看上去不多，但其實鰻魚也有手掌大小，重點是飯！很硬！十分硬！喜歡吃硬飯的朋友就有福了(・ω・)ノ而且，意想不到的是吃了半個鐘也是一樣的硬。-鰻魚是不錯的，但也不算有非常出色，但這個價錢在香港也算是划算。鰻魚大條，很好送飯，每一口也有鰻魚的味道。另外還有跟餐的麵豉湯及前菜，味道普普通通，不過不失。-總結而言，以$77有手掌大小的鰻魚，而且不討厭硬飯的話，是蠻推薦這個餐的

呢一間黃店晚市都食過一次，估唔到下午茶份量一樣但係價錢平一截！好抵食呀！今次因為下午茶比較平，所以都食咗唔同嘅小食同主食叫嘅係下午茶餐，配嘅係有麵豉湯、沙律、餐飲。我真係要大讚佢沙律！！！因為開頭佢細細碟，見到係綠色，我以為只係糖醋青瓜，之後見到有一夠大概$5銀咁大嘅，我以為係青瓜未拍開，點知原來係鰻魚啊！！！佢有幾舊甜醋鰻魚，同招牌鰻魚飯嘅味道都幾唔同，口感較為軟身，我覺得真係超級出色，因為通常沙律你都唔會有啲咩期望🤣🤣🤣 點知真係超曬班，有一魚兩吃的感覺！今次主食都係叫咗金魂鰻魚飯，招牌鰻魚飯燒汁好好味，有滿滿鰻魚，肉質偏有彈性，唔係入口即溶嗰一種，鰻魚好好食，煮到邊邊有少少焦香，膠質有溶化感！鰻魚真係超級多，差唔多係手板咁大嘅鰻魚，仲有蛋絲鋪墊！油香米方面用日本產米好放心，口感好好（我鐘意偏硬的飯），整體就比較鹹少少，所以可能大家如果怕重口味就要撥開鰻魚汁嘅份量啦～ 朋友叫嗰個係芝士汁豚肉釜，豬肉份量超級多，豬肉出邊燒得夠香，雖然整體偏硬少少，但係豬肉味足，肉汁唔算好多，但唔鞋身，同芝士汁好夾，重口味香濃之選！雞翼方面係梅平手羽先，雞翼食得出有芝麻嘅香味，皮相對較厚身但係唔會油，

之前一路都想食呢間釜飯， 但係一直未有機會， 今晚無啦啦飯局可以試喇因為武漢肺炎， 周圍d食店都吊緊鹽水， 呢間都唔駛等位，我地兩個好快就入咗去坐。 佢地好細心咁用隔板隔住兩枱， 又好好service喎。 平時嗰d餐廳通常就咁放低d嘢， 唔會同你講嘢， 但係佢地係會同你講架 佢唔係hea你嘅口吻， 係真係有禮貌架，抵讚我地揀咗嘢食之後諗住落單， 我舉手唔夠一秒， 就已經有人叫話會過嚟， 超快. 過到嚟原來係自己寫嘅， 佢拎張落單紙過嚟， 話可以幫我地寫埋，真係好好禮貌。 個姐姐仔把聲好甜，最衰武漢肺炎要戴住口罩， 但係聽得出佢除咗口罩係靚女嚟嘅.我個friend叫咗個金魂嘅鰻魚飯，我就叫咗黑豚釜， 佢有得加$18 轉set, 有味噌湯， 前菜同嘢飲， 原來仲有得再加$18, 可以食埋茶漬飯~ 我地驚太飽， 所以就咁轉set, 冇要茶漬飯。 但係其實。。。。 叫兩個飯都已經太飽。。。。 我地應該叫一個飯再加小食， 冇諗過佢咁足料， 飽到我反肚我地兩個飯都好靚好好食， 真係好大份， 不過個friend嘅鰻魚飯佢話多骨咗d, 我嗰份黑豚釜就太大份， 真係飽到食唔晒. 佢地仲好好ser

經過見到佢嘅木系日式裝修已經覺得好靚，所以要入去試下佢😝去嘅時候啱啱好係佢開門嘅時間，所以店內店外都冇咩人，唔使等位就入得😁哩間係出名食釜飯嘅小店，見有好多人都推介鰻魚同牛肉釜就決定叫哩兩個嚟試下😜其實本身諗住試埋佢嘅黑松露玉子燒，但原來午市得普通玉子燒，唯有留返下次晚市再嚟食嗰陣試啦😣• • • • •🧚🏻‍♀️汁燒牛盛釜🧚🏻‍♂️ [$48]飯上面有好多牛肉，佢嘅汁係有少少甜咁😛釜飯可以保持飯嘅溫度，所以就算影完相𢳂起下面啲飯嘅時候都仲係熱到噴哂煙🔥個底仲有少少飯焦架😆.🧚🏻‍♀️金魂🧚🏻‍♂️ [$98]鰻魚幾大塊又厚肉，肉質唔會好鬆散，雖然有少少骨但完全唔影響佢嘅口感🤓加埋少少甜甜地嘅蛋絲同好香嘅芝麻好夾😆重口味嘅我平時食鰻魚飯最驚就係食食下發現唔夠汁，會食得唔夠盡興😖不過食哩間嘅就唔使驚，因為佢本身已經幾多汁，如果唔夠嘅話仲有得免費加汁，好貼心😚.🧚🏻‍♀️蘋果蜜🧚🏻‍♂️蘋果蜜都幾好味，甜甜地個底仲有好多蘋果粒粒🍎.🧚🏻‍♀️味噌湯🧚🏻‍♂️個湯幾好味，唔會太鹹，但又夠濃味，仲有好多洋蔥🧅• • • • •總括嚟講覺得好抵食，Lunch Set有飯有湯有飲品，兩個Set加埋都唔使$200就

係九龍灣睇完戲 就揀左呢間都幾多人推薦既餐廳食飯啦個陣未夠7點 人流未算好多 一入去就有位餐廳裝修幾靚幾日式 闊落 同埋都幾大餐牌同落單紙黎講 落單紙清晰好多🤭我地唔係好肚餓 叫左兩個飯就算啦無叫小食首先係黑豚釜飯一上黎就聞到好香！呢個我淨係試左啖豬肉 個人覺得唔錯既🤤呢度出名鰻魚又點會唔試呢今次揀左中間價錢既金魂 話油份較高既雖然我比較唔到😂但整體個鰻魚係好食既！夠香啲肉都岩岩好亦都比我想像中足料同唔會好薄一塊就算呢個價錢絕對係性價比高👍🏻個飯都真係有炭火燒既味 係個高質既釜飯🤤仲要一提叫鰻魚可以可加鰻魚汁其實佢本身啲汁都夠 但我比較中意有汁撈飯所以都加左次😛到埋單啦佢門口有貼有戲飛有九折 學生減$8同埋某職員證優惠暫停🤭😂咁我地出示左戲飛 佢就直接免左加一仲送左張文宣聖誕卡！真係好有心思👍🏻———————————————————總結食物有質素 性價比都高既不過真係好多人😂 要去可能要早啲或者book定我地7點幾走個陣門口好多人等緊了同埋啲staff都好忙 要等一陣先會有人得閒理到有機會會再去的！

釜飯其實係日本的一種鍋飯😆呈上形式基本上都係一人一鍋咁😆如果你都仲係唔太清楚！咁簡單講其實佢係日式既煲仔飯😆❤!做得好既餐廳同樣可以食到香噴噴的飯焦😆❤!呢間釜之魂就做到喇👻✨❤!!－🍱金魂釜飯 午餐$98連一杯熱飲：金魂釜飯姐係鰻魚釜飯❤! 係全店最受歡迎既款式❤! 的確！塊鰻魚望落好肥美好juicy! 師傅將塊鰻魚燒到外層好香好脆，而鰻魚啲肉質。。整體結實得來咬上口又有啲鬆軟❤鰻魚外層仲吸滿滿啲燒汁真係好正😆❤加上佢完全無碎骨，可以大啖大啖咁食👍🏻👍🏻我個人認為佢呢度啲鰻魚絕對差唔過名xx奈👍🏻👍🏻! 而下面啲飯，食得出一陣陣焦香既炭燒味，你無睇錯！啲飯真係有焦香味😆! 飯粒飽滿，粒粒分明，食到底你都咪話唔飽😆👍🏻👍🏻! 食埋最底既少少飯焦就十分滿足喇😆❤~!!就連同行既朋友都後悔自己無叫呢個金魂！無喇，食完個刻已經諗住encore再去😍~!－

經常經過淘大時，在轉角位置經常看到一間裝修不錯的日式餐廳，一直以為這種裝修的日式餐廳收費會比較高昂，所以都沒有念頭去食，不過每次經過都睇到幾多人，於是就係好奇之下，上openrice睇下佢有咩食同收幾錢啦。原來收費非常相宜，而且好多人都推介佢個鰻魚飯，於是今晚就搵埋個朋友一齊食我地兩個人食左四樣野，首先第一道係汁煮鰻魚肝，呢個餸第一次食，我地兩個都未食過，味道不錯的，我同佢都覺得好似蠔豉既味道第二道菜我地食左鹽燒牛舌，呢個雖然無特別驚喜，但味道是中規中舉的，所以還算不錯第三道係金魂，我諗好多人黎都會叫呢個食，個鰻魚真係好肥美，好大隻，未食睇見都好開心，而食落口每一啖飯都充滿鰻魚味，我真係覺得鰻魚多過飯最后一道係甘露甜薯，外脆內軟，甜道剛剛好兩個人埋單先261，晚餐呢個價錢食日式食品，都真係好相宜了，我同朋友兩個食量比較大都夠飽

喺淘大附近想搵一間餐廳食日式料理，朋友介紹下嚟咗呢度食，佢話食過好好食。本身我都未食過釜飯，所以好奇下先做啲research再去食。原來釜飯就好似香港人食開嘅煲仔飯，但係煮法有啲唔同，而且唔會落醬油，味道可能比較淡口，不過由於係因為用高湯煮出嚟， 所以煮出嚟嘅飯本身都有味道。睇完我都覺得幾期待呢一餐。餐廳店舖尚算舒適，但係服務員好似比較少， 想落order嘅時候都搵唔到人。最後叫咗金魂同銀魂。金魂嘅鰻魚燒得唔錯，份量尚算接受， 食落啖啖肉。但係一食落啲飯，我就好失望。首先，飯質太淋但係偏乾身，食到個口漿住漿住。另外，飯入面根本就食唔出有乜特別味道，要加多啲鰻魚汁先可以繼續食落去。銀魂更加令人失望，因為鰻魚已經覺得比較乾身，成個飯要額外加鰻魚汁先可以食完。總結嚟講，有啲糟蹋咗啲鰻魚。。。由於本人比較著重飯嘅味道同埋口感，所以呢一餐都比較令人失望，有好大嘅改善空間。