釜之魂釜飯專門店 (淘大商場) (已結業)

由於好鍾意食鰻魚飯，知道九龍灣而家間專食鰻魚飯嘅就嚟試吓夜晚嘅時候都好多人等位都等咗一陣先入到佢有分金魂同銀魂嘅鰻魚飯，之前都唔知兩者有咩分別，之後就發現原來係有醬汁同冇醬汁嘅分別，由於個人食得比較重口味，所以揀開咗一個有醬汁嘅，佢仲有唔同嘅部位俾你揀，你可以揀前面厚少少，或者係尾部比較脆，我就揀咗最前近乎腩嘅位置啲嘢，嚟到條鰻魚超出咗個碗，好厚身食落去個魚味好足加埋個汁好惹味食落去啖啖肉另外仲嗌咗個牛舌就普普通通有少少韌

炎炎夏日路經淘大花園，食店琳瑯滿目卻被釜之魂門前的牛舌圖片吸引，再加上外賣檯的一張版（外賣哥哥辛苦了，攞支水飲下先），立時感到人間有愛，無辦法唔幫襯一下。當時已下午三點有多，店內冷冷清清，店員大姐拿來一張久經風雨般的menu及是日手寫餐牌，款式雖多卻不重要，因為目標明確。「麻煩鹽燒牛舌烏冬丫」店員大姐「嗯？牛舌餐只能跟飯丫」我頓時感到萬念俱灰，因為本人是有得坐唔企，有得啜唔咬既烏冬派丫，何況大熱天時鬼有胃口食飯。當我進入腦便秘狀態時，想不到店大姐竟然問「你真係好想食牛舌烏冬？」我豪不猶豫地說出「無錯，有冇辦法？」大姐覆：「要加錢轉晚餐型式，仲有，烏冬唔好配鹽燒牛舌，配古味鹽麴牛舌，鎮店之寶丫」。錢可以解決既問題根本不成問題，大部分店都只會講無喎，唔得喎，呢間先係叫幫緊您嫁ma。鎮店之寶當之無愧，牛舌非厚切，卻能牢牢鎮住肉味，舌邊燒至微焦香脆，肉質豐盈肉味濃郁，細細品嘗更勝大口鯨吞。至於那烏冬，表層軟滑，中心部分保持著彈牙口感，配搭那濃郁的豚骨湯底，到最後可是被我飲到一滴不留。失禮～反觀那杯餐飲凍咖啡，可真是唯一敗筆，那只可稱為咖啡粉水走糖。單純的一杯有丁點咖啡味的水，但由於食物品質太好

今日好難得會去九龍灣淘大個邊整野所以突登搵下有咩食 等埋男友收工過來一齊食飯最後搵左呢間餐廳因為知佢鐘意食鰻魚位置好易搵 路口第一間鋪就係 地方闊落 但個日去就比較少人 入面既座位都好闊落，坐得好舒服😌睇menu有唔少特色野有驚喜男友一見個酸梅汁凍蓄茄就眼發光 最後佢一個人食晒我就叫左黑松露玉子燒 主食叫左極品鰻魚釜飯 同 和牛釜飯鰻魚我一向麻麻 因為好多間整出黎都係覺得腥但呢塊鰻魚又大塊又厚 個鰻魚汁配飯剛剛好 食落無骨無腥味至於個和牛飯 係洋蔥配和牛粒 配黑椒味 好食 😋但鰻魚飯肯定完勝我地其中一個飯就加22蚊追加左前菜salad 麵鼓湯 甜品 再加杯特飲由於兩個飯飯量都大 所以最尾無叫甜品 食唔落下次番去食要試下其他 拉麵 炸物 甜品

淘大美食選擇真係好多，試左好多間餐廳都仲有好多未被發掘出黎。淘大既釜之魂就係其中一間。可能通常行淘大都會行入商場中心餐廳較集中位置搵食，而佢位置係其中一邊入口，好多時都會miss左佢，直到離開時行過先記得見過呢間餐廳。就係因為咁，今次就唔行入中心位而特地去試試呢一間😆【 原條汁煮豬軟骨釜】$88豬軟骨肉身好軟身，煮得好入味！釜飯用日本米，成碗飯都好好味，平時會食淨好多飯既小編都食得晒成大碗飯！！【 古味原麴牛舌釜飯】$98牛舌好香口🤗汁亦好夾好好味，只係略嫌每一塊都好細。整體味度都係不俗！

✨伏到喊！😡九龍灣勁多好評既釜飯🫠✨————————————————————.入到去得兩枱客 有啲唔對路 我當時就應該即走🥹不過見到咁多好評就試下 點知中伏————————————————————🍲麵豉湯 本身一上枱 啲粉係沉澱哂 好心搞勻先俾個客啦開粉既湯 賣相都夠頹 得幾片海帶仔 見到都唔想飲🤢🍖勉強入到口既五花叉燒盛釜飯 $68 （5/10）個叉燒係正常發揮 入到口既 全場唯一食得落既野溏心蛋都冇乜問題 問題在於啲飯 濕到一patpat痴住哂上網google 下釜飯做法 🤔「將米、高湯放進鍋中煮，讓飯粒吸盡高湯鮮味，吃時不要錯過帶焦脆口感的飯焦」我都幾肯定係用水煮 唔係高湯🥲飯完全冇湯既鮮味説好的飯焦 一粒都冇🫠平時電飯煲啲飯好食好多.🍳難食到喊既滑蛋豬扒釜飯 $78 （0/10）見到個賣相都嚇親 😂😂個汁屎水咁既色豬扒淋到😫皮同肉係完全分開蛋同個汁融為一體好噁心 啲紫菜完全係淋唯一好食既可能係洋蔥😣.🍹正常的凍柚子蜜 (餐加$4)🧋冇味的凍華田其實呢啲飲品都只不過係加水沖 應該冇難度啦但個阿華田竟然淡到乜咁 啲水加得太多😧————————————————————📍 釜之魂釜飯專

1415坐低，1418落單，同d好耐無見既同事食飯諗住試下，先黎3個飯，勁濕無味，鰻魚，牛舌，和牛....3樣都唔對板，但普普通通未至於難食，係d飯好濕。跟住1440問佢d串燒幾耐，佢話漏左單，好快有，等到1500，仆佢個街，d串燒又咸又勁重雪味，我埋單同佢講，淨係“唔好意思”，好伏，無下次，千其唔好試

以平民價錢，有咁大碗鰻魚飯黎講算唔錯，鰻魚又大又肥美。另外如果個飯唔夠汁，可以免費添加鰻魚汁👍龍蝦湯稻庭烏冬甜品：髒髒炸香蕉外型幾盞鬼，雖然成舊屎咁😂但仲有胃口食 ， 入邊仲有朱古力，同香蕉好夾。

𝙄 𝙬𝙚𝙣𝙩 𝙖𝙩 𝙖𝙧𝙤𝙪𝙣𝙙 𝟭𝟮:𝟯𝟬,𝙩𝙝𝙚 𝙧𝙚𝙨𝙩𝙖𝙪𝙧𝙖𝙣𝙩 𝙬𝙖𝙨 𝙨𝙥𝙖𝙘𝙞𝙤𝙪𝙨 𝙖𝙣𝙙 𝙘𝙤𝙢𝙛𝙤𝙧𝙩𝙖𝙗𝙡𝙚.𝙏𝙝𝙚𝙧𝙚 𝙬𝙖𝙨 𝙖 𝙨𝙪𝙥𝙚𝙧 𝙜𝙧𝙚𝙖𝙩 𝙫𝙖𝙧𝙞𝙚𝙩𝙮 𝙤𝙧 𝙨𝙚𝙩𝙨 𝙩𝙤 𝙘𝙝𝙤𝙤𝙨𝙚 𝙛𝙧𝙤𝙢,𝙧𝙖𝙣𝙜𝙞𝙣𝙜 𝙛𝙧𝙤𝙢 𝙪𝙣𝙖𝙜𝙞 𝙧𝙞𝙘𝙚 𝙩𝙤 𝙗𝙚𝙚𝙛 𝙧𝙞𝙘𝙚,𝙨𝙚𝙖𝙛𝙤𝙤𝙙 𝙩𝙤 𝙥𝙤𝙧𝙠 𝙗𝙚𝙡𝙡𝙮 𝙖𝙣𝙙 𝙙𝙖𝙞𝙡𝙮 𝙨𝙥𝙚𝙘𝙞𝙖𝙡 𝙚𝙩𝙘.𝙏𝙝𝙚 𝙨𝙞𝙜𝙣𝙖𝙩𝙪𝙧𝙚 𝙙𝙞𝙨𝙝 𝙬𝙖𝙨 𝙩𝙝𝙚 𝙚𝙚𝙡 𝙧𝙞𝙘𝙚 𝙨𝙚𝙩……..𝙄 𝙙𝙚𝙘𝙞𝙙𝙚𝙙 𝙩𝙤 𝙩𝙧𝙮 𝙩𝙝𝙚𝙞𝙧 𝙢𝙤𝙨𝙩 𝙛𝙖𝙢𝙤𝙪𝙨 𝙞𝙩𝙚𝙢……..𝙀𝙚𝙡 𝙧𝙞𝙘𝙚 𝙨𝙚𝙩 $𝟵𝟴𝙍𝙞𝙘𝙚 𝙬𝙖𝙨 𝙥𝙚𝙧𝙛𝙚𝙘𝙩𝙡𝙮 𝙘𝙤𝙤𝙠𝙚𝙙.𝙏𝙝𝙚 𝙩𝙚𝙭𝙩𝙪𝙧𝙚 𝙤𝙛 𝙩𝙝𝙚 𝙚𝙚𝙡 𝙬𝙖𝙨 𝙘𝙧𝙞𝙨𝙥𝙮 𝙤𝙣 𝙩𝙝𝙚 𝙨𝙠𝙞𝙣 𝙖𝙣𝙙 𝙨𝙤𝙛𝙩 𝙞𝙣𝙨𝙞𝙙𝙚.𝙏𝙝𝙚𝙧𝙚 𝙬𝙖𝙨 𝙣𝙤 𝙗𝙤𝙣𝙚 𝙩𝙖𝙨𝙩𝙚𝙙.𝙏𝙝𝙚 𝙨𝙤𝙪𝙥 𝙬𝙖𝙨 𝙣𝙞𝙘𝙚, 𝙬𝙞𝙩𝙝 𝙨𝙚𝙖𝙬𝙚𝙚𝙙 𝙖𝙣𝙙 𝙘𝙖𝙧𝙧𝙤𝙩.𝘽𝙚𝙖𝙣 𝙨𝙥𝙧𝙤𝙪𝙩𝙨 𝙬𝙚𝙧𝙚 𝙩𝙖𝙨𝙩𝙮, 𝙬𝙞𝙩𝙝 𝙘𝙝𝙞𝙡𝙡 𝙨𝙖𝙪

古味鹽麴牛舌盛釜：味道不錯，鹽麴鹹味同牛舌好夾，可惜牛舌太韌，釜飯飯底唔夠香黑松露玉子燒：玉子燒比較甜，冇咩蛋味，只係加咗黑松露醬冇黑松露香味甘露甜薯：番薯炸個有焦香味，寄香甜，可惜唔係即整，放凍哂所以個皮都有啲硬

📍𝕶𝖔𝖜𝖑𝖔𝖔𝖓 𝕭𝖆𝖞 🏫#cyninkowloonbay #eatinkowloonbay▪金魂 💯💯紅酒牛舌魂 💯梅干手羽先 🐥髒髒炸香蕉 🍌-----。-----。-----。-----。-----。-----。-----。-----。-----。-----。-----。-----呢間釜飯大碗兼抵食 食到一半🐰🐻已經飽到上心口🤰🏻梅干手羽係雞翼 外面炸衣酸酸甜甜咁好開胃😚▪

在說它的釜飯之前, 先要欣賞其前線同事的有禮和Attentive, 安排座位及食物上桌相當有效率. 另外, 在前門安排大量蒸餾水給外賣員, 炎炎夏日下是對這些員工的鼓勵, 物輕情義重, 也是這食肆的良心一面.這店主打釜飯, 特別是鰻魚釜飯, 所以我也點了它作我的午餐. 一百元的鰻魚飯定價不是特別進取, 但當然也不算天價. 鰻魚烤得剛好, 外脆內軟, 油香還可以, 略嫌不夠厚身, 吃起來少了一種啖啖肉的豪快感, 細骨偏多, 單以鰻魚而言不算頂級. 蒲燒汁偏甜, 少了些甘香, 但飯身口感實在, 沒有因蒲燒汁令其軟糯甚至是糊化起來, 算是合格.燒芝士年糕兩塊要四十多元, 相比起它的鰻魚飯就偏貴, 味道和口感還算OK. 咬下去外脆內裡煙韌, 有拉絲感, 表面也有烤香, 但以份量和定價而言, 不能說是物有所值呢!Guts Soul is a Japanese restaurant focused on Kamameshi that is Japanese styled kettle rice. The eel rice tasted ok, with the excellent texture

今日黎淘大朝聖donki, 去附近搵下有咩好食經過見到呢間主打釜飯，以試下新野的心態入去試下。環境裝修好日系，以原木色為主，感覺都好乾淨。一場黎到，當然要試下釜飯，我地叫左鰻魚釜飯同埋汁煮豬軟骨稻庭烏冬。鰻魚飯一我地揀左金魂的極鰻魚飯，雖然佢話唔係最厚肉，但黎到的鰻魚厚度一啲都唔薄，鰻魚咬落去外脆內軟，感受到廚師嘅心機啲蛋絲有蛋香味另外啲飯竟然有飯焦，好似煲仔飯咁，有啲驚喜汁煮豬軟骨稻庭烏冬一豬軟骨數量唔小，汁煮入哂味，味道適中，唔會好咸

釜飯係日本人嘅傳統鍋飯🍚由高湯猛火加細火慢煮🪵所以飯會有高湯嘅鮮味同鍋底會有少少飯焦😍👼🏻古味塩麴牛舌盛釜 $98牛舌外表燒得岩岩好有光澤👅表面灑上芝麻和鹽麴食落雖然香口亦唔會好難先咬得開但食落未算好彈牙煙韌🧐勝在份量充足配上燒汁同芝麻再加埋飯食岩岩好😋👅味道:7.5/10🙋🏻‍♂️推薦:7.5/10👼🏻金魂蒲燒釜飯-特 $88鰻魚咬落肥美幾厚身🐟加上表面有好多鰻魚汁食落唔覺腥油脂豐富🤤比較令人失望嘅係個飯飯雖然上面配有蛋絲🍳同少量蔬菜🥬飯量好充足有飯焦😙👅味道:7/10🙋🏻‍♂️推薦:7/10📌又係一間地理位置唔錯嘅餐廳👨‍🍳呢間釜飯專門店可以俾大家暫時解決思「鄉」嘅問題🫡繼續支持良心小店💛

🇯🇵釜之魂行過德福，見到列間食釜飯，好似日式煲仔飯咁，就試下啦Lunch set 有麵豉湯，醃青瓜，飲品🐟金魂$108即係鰻魚飯，鰻魚厚身，冇乜細骨，食落好舒服汁夠多，可以送哂成碗飯🐖五花叉燒盛釜$68望落去叉燒好乾，但食落一啲都唔乾😯叉燒有咬口，份量都唔少，配埋燒汁幾惹味🍚飯粒粒分明飯粒，軟硬適中，食到有落高湯去煮，仲有少少飯焦🥒醃青瓜青瓜粒撈咗啲泡菜味嘅醬汁，幾開胃🥣麵豉湯:正常發揮🥤涷華田 +$3🥤涷柚子蜜 +$32個人埋單$200整體味道ok，座位坐得舒服略嫌鰻魚飯貴左少少🤏🏼📍 九龍灣牛頭角道77號淘大商場三期地下G286-288號舖

星期日中午同男朋友黎午餐，店內冇咩人。我地選左個角落位坐，一嚟會先上咗麵豉湯同埋前菜，係碟辣辣地嘅青瓜粒。我地點左個釜飯金魂，係鰻魚飯黎，入面有好多蛋絲，但冇圖片中嘅蔬菜🥬，味道ok, 個飯太濕，有d飯焦。之後叫左幾個小食，推薦大家食櫻花蝦炸豆腐，一份有兩件，上面有大量櫻花蝦，外脆內滑，口感一流，佢個汁拎嚟撈飯都好正。金菇牛肉串燒一份有2件，有啲燒汁喺面，但係有啲韌，麻麻。飲品叫左熱柚子蜜，吾錯。