Angry Oppa Restaurant & Bar (已結業)

我好中意食韓國菜，自從知道尖沙咀金巴利道痛唔少韓國餐廳之後，今日就特登去左呢間憤怒哥哥食番餐😋女朋友話好想食，就嗌左釜山魚糕湯，入面有好多種唔同味道既魚糕😍仲有年糕，湯底都好清甜，食完都飽左三成！呢個泡菜炒豬肉非常惹味，泡菜食得出入味之餘仲係爽口，加埋炒至微燶既豬肉片，下次真係要嗌番碗白飯送菜！😛當中數到我最中意食既就係韓式蒸餃子啦！大大隻好多餡，餡味道絕對同太子某某餃子名店有得揮😎不過要趁熱食，唔係既話皮會凍左硬少少～另外仲嗌左牛肉拉麵同野似，都唔錯架！不過上面講既更正😋遺憾無食到好多人都推薦既OPPA自創pizza系列！但呢個質素都非常值得我再黎試😋 下次一定要食下pizza先！

黎到韓國街附近梗係食韓國菜見佢個名咁得意就睇吓食完會唔會Angry.一坐低見到隔離成班人有個可以自己整pancake好似好過癮但係今次我地得兩個人驚食唔哂冇叫下次多人d一定叫黎食.咁我地兩個人叫左3樣野, pizza,煎餅同一個湯講講個pizza先係呀!無睇錯呀,係pizza大醬五花肉熔岩比薩我真係第一次食韓國pizza😂兩件熱辣辣既pizza仔放係小煎pan上面好可愛咬落去個芝心好香軟仲可以拉絲~個餅皮好脆好香口配五花肉大醬都幾特別感覺好新鮮真係無諗過呢個組合~.韓式醬牛肉韭菜煎餅韓式煎餅最怕係太油佢呢個好多材料煎得都好香脆由上檯到食完都keep到唔會放一陣就腍左牛肉燒得好香好乾身配埋煎餅顯得無咁單調煎餅份量都好足（一開始驚唔夠飽）.最後到個釜山魚糕湯魚糕係我好喜愛既韓國食物梗係叫個魚糕湯試吓佢上檯既時候串埋左一齊好方便兩個人（唔洗慢慢搵😂）除左果兩串入面都有年糕，魚糕同好多洋蔥紅蘿蔔🥕雖然材料好簡單但係味道唔錯湯入面既甜味帶微辣食哂d料會想飲埋個湯.係呀仲有枝酒燒酒飲得多見到有隻桃味米酒應該易入口一枝都有700ml,夠兩個人飲味道有d似桃梳打加米酒唔會太甜亦唔會太勁酒精味

昨晚在尖沙咀諗住搵套戲睇，但沒有啱心水的，所以即興去食韓國菜之後回家。 這裏的oppa大廚是來自釜山的，主打創新口味韓式煎餅。 小店環境以木為主題， 簡潔清新！ 我們點了四款食物，釜山魚糕湯$148 ， 蒜香雞肉熔岩比薩$198， 韓式蒸餃子$48， 韓式煎餃子$58。釜山魚糕湯～ 魚糕湯一向都是我最愛，每次到韓國必吃！ 在香港食韓國菜也不例外， 用洋蔥，紅蘿蔔和白蘿蔔淆製而成的清湯， 配色彩繽紛又大串的魚糕一起吃，正！韓式煎餃子～ 原本我們點韓式大餃子的， 但店員跟我們說大餃子已經賣曬了，轉四隻細餃子給我們！ 煎餃子的餡料用粉絲，豬肉和白菜混合而成，外層金黃脆卜卜，好味！韓式蒸餃子～ 入面嘅餡料和煎餃子的餡料一樣， 一碟三大粒脹卜卜， 可以一試！蒜香雞肉熔岩比薩～ 個人感覺這一個是必食推介， 味道似千島海鮮醬配芝士，芝士有拉絲效果，份量十足！這裏的韓國薄餅做得唔錯，埋單還有兩粒糖送給客人，Oppa夠細心真係甜到漏!

要食韓國菜一定要黎尖沙咀！金巴利道呢間Angry Oppa 一向以韓式Pizza出名，超多好評，今日終於有緣一試。七點左右入座唔算多人，我地臨走果陣就開始多人，建議大家早啲去 Pizza最出名一定要試！佢有得揀成個pizza一樣味，但見我地三人，呢個set六舊岩岩好，所以叫左。你睇佢個樣好似好乾，其實唔係，個包好軟熟 加上邪惡芝士爆晒出黎！啲雞肉又煎得好香！正湯底落左好多胡椒，有啲似中式胡椒豬肚湯既感覺 但濃味得唔係味精果隻。好辣！其實我唔太食得辣，不過食得辣既朋友們話正呢個超超超超超好味！餃子好飽滿，皮好煙韌，推薦 人均$200

以前我與太太都是在這區工作，女兒也是在這區上學，但後來都先後不在這裡上班上學了。今次適逢有事要到這區，舊地重遊，所以就順道在這裡吃晚飯。現在區內以韓式料理最為盛行，韓式料理店舖多得不能勝數，韓式火鍋或燒烤也吃過不少，於是就選了一間較特別的以煎餅作主打的，據聞這是由釜山大廚來港開設的首間始祖韓國煎餅專門店，所以要試一試。訂好位置，辦妥事情就去食晚餐。店舖所在的街道上韓式料理真的很多，就是隔壁相連的都有幾間，某程度上在揀選時亦受其店舖取名特別而吸引。進入店內，地方不大，只有約三十個座位，沒有甚麼特別的裝修，木面小桌的擺位也很擠迫，這樣的店舖不以外觀吸引，仍能在附近眾多競爭下生存，一定是靠食品的質素。店內只有一位年青的女服務員，由櫃面到樓面都是由她處理。店名叫Angry Oppa，意譯為憤怒的男朋友，但卻沒有這樣的感覺。我們進來時客人還不多，但很快就已經坐滿了，都是以年青人居多。我們原先坐的四人座位就變為兩個二人座位了，店內播放著韓流的視像，聲音也很大，加上與鄰座的距離這麼近，實在也難以交談，所以就開始點菜。本來想叫這裡出名的薄餅，但因太太食量小，恐怕我獨力難支，所以退而求其次要了個泡菜海鮮

今天又來到尖沙咀金巴利道， 不用問我們又準備吃韓式大餐。 由街頭行到落街尾 實在有太多唔同嘅韓式餐廳， 很多間都試過了 我們行到接近街尾，看食評那裏有充滿芝士的pizza。門外大大隻招牌店名都用韓國字， 店內裝修時尚簡約，播放著輕快的 k-pop video。 附送的前菜應該是蔥頭 ，醃製得酸酸甜甜很開胃。餐牌亦很精美。飲品類方面看見很多不同特色韓式類酒精飲品。和三五知己來必可暢飲一番。雖然pizza配芝士是 沒有什麼特別， 但对這個芝士pizza仍然有很大期望。 我们選了"大醬五花肉溶岩pizza $198" 。 Pizza來的時候面積唔算話太大，但當切開的時候，我們嘗試拉斷這些芝士絲以製造誇張的拉絲效果， 可惜並不成功，拉到好高都唔斷， 為免太過擾嚷， 用刀來個了斷先。 Pizza 外皮烤得很香脆內裏軟熟, 芝士佈滿所有空隙。 大醬五花腩肉切成薄片， 唔覺膩， 個人覺得和芝士不是最好朋友，但組合几特別，可以一試。韓式醬牛肉煎餅$158地道韓式煎餅也是此店的正宗招牌菜，我們當然要一試。 煎餅香口得嚟餅身軟熟煙韌唔油膩， 香蔥整齊排列 在餅面上， 是韓國䓤嗎?很香甜， 完全唔覺食緊蔥。

早前與友人係尖沙咀行完街後, 友人話想食韓國嘢, 我沒有所謂, 便由佢發辦, 去了Angry Oppa Restaurant & Bar食嘢. 坐下後, 我地點了這裡的人氣食品韓式熔岩芝士大蝦薩批. 對於愛食芝士的我地, 當然不會錯過. 韓式熔岩芝士大蝦薩批上枱, 香味撲鼻. 這個是厚批. 一切開, 已經見到芝士流出, 而且仲可以拉絲. 批身幾香脆, 而在薄餅上全是滿滿芝士. 這個芝士較為厚身, 與平日食的芝士口感有點不同. 食完薄餅, 點一個韓式湯中和一下. 我地選了釜山魚糕湯. 湯裡有兩串各式各樣的魚糕, 仲有蛋和年糕, 材料好豐富. 魚糕味道不錯, 而年糕就煙煙韌韌. 而個湯就帶點辣, 幾醒胃. 最後飲番一杯韓式飲品. 感覺特別完滿.

成日食韓式野都係多數炸雞‧啤酒‧炸雞‧同炸雞，今次找來一間係食韓式煎餅&比薩批的店舖。同韓食控的朋友去食，一定食過番尋味！韓國傳統飲食之中，最具代表性之一的就是煎餅，主要可分為泡菜餅、海鮮蔥餅及三色煎餅等等，數十種不同煎餅，比你慢慢享受！韓式醬牛肉香蔥煎餅 還以為煎餅是細細的煎餅小食，誰不知。。。 原來係大大份的，足足有成十六件！哇~~~ 哇~~~薄餅的厚度剛剛好，一件一件入口，煙煙韌韌，每啖有著香蔥的味道，我呢個香蔥控實愛死了！面層還有牛肉碎粒，切成細細粒，勻入煎餅當中，口感很不錯！沾上拌碟的秘制醬汁，味道更被提升了！泡菜煎餅食韓國菜，點少食泡菜呢~~ 不過我地唔係單食泡菜，點了一個泡菜煎餅。一樣甘大份，這個泡菜煎餅帶有微許的辣度，脆口的泡菜配合煎餅，我地一口又一口入哂口了！釜山魚糕湯這個魚糕湯賣相很不俗，材料又豐富，有魚糕、魚丸、魚片、雞蛋、年糕、大蔥、蘿蔔等等，材料都串在兩枝大竹籤上，很吸引！湯底熱騰騰的，帶有微辣，值得一試！韓式醬牛肉番薯泥比薩批雖然韓式熔岩芝士比薩批看似都很吸引，見個個都點這款，我地就偏偏唔點芝士比薩批，就點牛肉番薯泥比薩批，誰不知上枱時，芝士層也很膨爆，番薯

今晚約左朋友到尖沙咀食晚餐。。。大家都想食韓式野。。行下行下便決定黎呢間餐廳食了。。。看到店外既食物相十分吸收angry oppa...這間餐廳名很有趣餐廳內座位數目都不少。。而且設計得幾有格調。。環境很舒服。。所以是晚我跟朋友都食得傾得好開心。。。店員服務又很好而且有禮貌這客海鮮韭菜煎餅真是十分好味我覺得做得十分出色。。比我一般所食的韓式煎餅更為好味。。因為每一片都十分薄身。。。而且材料十足。。又晶瑩剔透的。。。清楚看到每件煎餅的材料。。有很香很香的韭菜。。仲有少量粒粒海鮮。。。。口感帶點煙韌。。好好味。。而且份量又多。。仲可以沾上點點鹹豉油來食。。味道更好。。這個pizza...真是超邪惡。。。因為芝味十足。。。清楚看到pizza厚厚的。。上面有蕃茄醬。。。上面有煙肉當我們要分pizza時。。。嘩超多芝士呢。。。好像拉極都拉不斷呀我跟朋友都要花點時間才可以把pizza分成一人一件。。。因為實在太多太多芝士了每食一啖pizza時。。都要不斷的拉絲拉絲。。哈哈。。又好玩又好味。。沒想到真是可以咁澎湃可以看到熔岩芝士的威力正。。。芝士又濃。。。而且口感很好而且芝士較為乾身。。不會令人有油

吃了十天伊朗餐，回來先吃車仔麵，再吃意粉、壽司，來到韓國菜，逐一回味。人不多的Angry Oppa，佈置似悠閒的cafe，比一般韓國菜西化。餐牌跟氣氛一樣，都是西韓合璧，有韓國菜不多見的薄餅。溶岩芝士比薩批，超厚的Pizza混合了韓式元素，切開是誇張的芝士。還有大量薯茸的薯泥比薩批。韓式年糕比薩批三款Pizza中最有特色的，必是這款。頗深的鐵鍋子，鍋邊是近似麵包的Pizza邊，跟最經典的Pizza Hut做法，但焗得較佳，熱辣辣，不油膩，鬆軟中有點煙韌。中間是大量焗至溶掉的芝士，切開拉起長長的芝士絲。越拉越高，一直不斷。芝士在口裡咀嚼，慢慢變得煙煙韌韌，陣陣油香。不過，少吃多滋味，始終接受不了韓國菜過份浮誇的芝士。幸而，芝士不厚，下面是炒年糕，中和一下。年糕富嚼勁，幾入味，還有煮腍、吸滿汁的蘿蔔、洋蔥和椰菜絲。橙紅的醬，沒有絲毫的辣，反而偏甜，不夠惹味。釜山魚糕湯兩大串魚糕插在鍋裡，加上湯內的魚蛋，對兩個人而言，份量都幾多。第一件圓柱形的魚糕，特別硬，嚼勁十足。一片片的魚蛋稍軟一點，亦非常有咬口。綠色的丸子似乎有點菠菜味，粉紅色的丸子則吃不出甚麼味，硬是好，但太硬了。湯內的魚蛋較軟身，

係尖沙咀食韓國菜通常都係去婚紗街依一邊咁我今日無意中發現咗一間新開既韓國餐廳 而且名字很特別叫做angry oppa!!!餐廳很光亮，新裝修，相信應該開業不久！兩個人點了一個湯，兩個主食！釜山魚糕湯，睇相都知足料魚肉多。兩大串魚串同朋友一人一條，魚片，魚丸不會煮到太林，剛剛好！同韓國當地食一樣風味另外被這個金色飯盒吸引下，叫了一個韓國傳統金便當！係其他韓國餐廳從來都無見過！金便當食法很特別，首先要把便當蓋好搖動，再搞拌來吃！如果在尖沙咀上班，這絕對是最佳的午餐選擇傳統金便當中有泡菜，小魚，脆肉瓜，午餐肉，蛋蛋等，搞拌後來吃，別有一番風味。很有韓國oma的住家飯的感覺，很溫暖的一個便當另外每次到韓國餐廳我都會必點米水，因為甜甜的，很易入口，百渴不厭朋友就叫左個桃味果肉果汁！餐廳最特別係有fusion菜式，因而吸引不少外國人！所以我都叫左個海鮮薯泥試試薯泥味道甜甜的，加上海鮮味道十分配合。而且在薯泥上滿佈厚厚的芝士，拉到很長也拉不斷超正超好食，必點菜式！食物上菜速度很快，用膳個半小時左右便離開餐廳走到時候看到隔離枱叫了芝士年糕比薩批，好像很好吃，下次一要再來餐廳試試

在 BeautySearch 眼中，金巴利道是一條韓食街，往日有婚紗街之名的金巴利道，如今已不知不覺開設了不少韓食店，不知道，現在是婚紗店還是韓食店在這街道居多呢!?不過，無論怎樣也好，近期來到尖沙咀，每次想吃韓食時，總是第一時間想起此地。早前，在尖沙咀工作的好友就發現這條韓食街，竟然又新開了一家韓食店。 《Angry Oppa Restaurant & Bar》便是金巴利道新開的韓食店。門面用上落地大玻璃及包鋼的設計，雖然簡約，卻令招牌上的韓字更搶眼。 雖然早年 Angry Bird 非常盛行，但店子用上 Angry Oppa...... 豈不是把 Oppa 的分數大打折扣嗎？ 雖不解為何餐廳的名字叫 Angry Oppa，不過，落地大玻璃上張貼了不少吸睛的美食相片，相當吸引，尤其全港首創韓式溶岩芝士比薩批，更即時把我這『芝士控』吸進店內呢！ 店子內的設計同樣簡約，不修邊幅的灰色水泥牆身，搭配簡單的木系餐桌椅子，盡情展現年輕人的率直感覺，令充滿設計玩味的天花吊燈更顯特色。 韓式熔岩芝士比薩批是 BeautySearch 今次前來最大的目的！ 細看 MENU 時發現，比薩批除了原味

假日又是時候帶孩子試新款，這天找到新店，看到店名就很想到此一遊，因為她叫“angry oppa”! 一聽就是吃韓式料理，但為什麼oppa要angry呢？坐下看餐牌就知原因：哈哈，原來是這樣嗎？再來，芝士控的筆者，立即被menu中的一幅圖片吸引，上了菜還真不錯！一夾，芝士就一絲絲被拉起，「相片與實物相符」！入口濃厚芝味，與韓國年糕很相襯！配合餅邊的鬆軟麵包，東西方fusion得恰到好處，畫龍點睛。魚湯主要是各式韓式魚丸煮成，問過店家幾款湯類都有點辣，魚湯屬微辣，連米線小小辣也不能吃的筆者也能喝下，辣味不嗆喉鼻，跟喝下去很暖胃，這季節品嘗一流。便當經濟實惠，一份僅$99.9已飽肚，而且味道好，又夠特色，性價比很高！這次特地選了傳統韓式便當，內有韓國魚肉腸，與平常吃的很不同，非常特別！店員教筆者像調雞尾酒般搖勻飯盒，經筆者實驗後，小貼士是先把太陽蛋反轉，把飯扒鬆，然後搖呀搖，就能拌出很好的效果！香辣的味道不會留在舌頭上，很醒胃好味！再去的話會再點！店內有LCD電視播放韓國組合的MTV，筆者的BB邊看邊跟著跳舞！與店員談著熟絡起來，她拿出了預備發售的香蕉味米酒讓我們試試。韓國米酒出名好味道，筆