瘋狂小面 (佳德商業大廈)

營業中

休息中

餐廳：瘋狂小面地點：中環士丹利街樓上餐館菜式：川菜餐牌：主打小麵（即係傳統重慶小麵），餐牌基本上就係三款組合既麵餐，麵+飲品 $87麵+飲品+小吃／甜品 $98麵+飲品+小吃+甜品  $109另設加一。飲品同小吃都可以加錢升級。另外可以再加料。麵可以揀乾撈麵或者湯麵，同埋麻度同辣度。自己剔紙落單。瘋狂擔擔面 瘋狂擔擔面用新鮮水麵，餐牌寫明非油炸或掛麵，又真係食得出，好健康。d麵都唔會話太軟身或一pat pat，分量足，加有足量肉醬，好惹味。我叫左BB辣同BB麻，肉醬辣度剛剛好，只係微微麻辣，撈埋青瓜絲，蔥花，脆花生，仲有兩條菜心苗，口感味道都唔錯。番茄牛肉麵 首先飲啖番茄湯，湯底超正，帶有天然番茄甜味，食到番茄肉。番茄配蔥花同香茜好夾！另有5塊超薄切牛肉，非常重滷水味，配番茄湯剛好！仲有兩條菜心苗。我另外加左款料。大排 加$21 另加一呢個價錢有3件大排，肉量唔少，軟骨完全可以食，都有唔少肉食，非常重滷水味。鐘水餃 加$33 另加一鐘水餃一客六件，唔太大隻，整得皮滑餡靚，最正係個汁係少少辣而帶甜味，味道唔錯。熱羅漢果冬瓜茶，烏梅汁 （跟餐） 唔洗加錢飲品有4款，烏梅汁酸酸哋，好開胃。熱

最近一直都好想食辣野，男朋友喺中環番工，見到呢間瘋狂小面，即刻帶我去食辣野，過下辣癮🤣🥰-舖頭好大好舒服😌自己寫點心紙仔落order~如果要加辣要同店員講🤣-今次食左餐牌上面「廚師推介」嘅：瘋狂肥腸面😍啲肥腸真係好肥，好厚肉，有咬口👍🏻而且都好乾淨，口感好軟糯，亦都好入味！面嘅麻辣度，食到好香嘅麻香味，啲面索哂麻辣湯汁🤤🤤-另外，瘋狂牛肉面👍🏻係用左牛𦟌肉，肉同脂肪層比例好靚🥰成舊牛𦟌都香氣十足，好淋但咬落去又唔會散哂，size係一口牛，岩岩好！中間嘅脂肪層係煮到有少少起膠嘅口感！好好食！-鐘水餃🥟好多肉汁，比起普通水餃，肉質比軟實正！加埋啲辣油甜豉油配埋新鮮蒜茸撈埋嘅醬汁，加分加分！！！👍🏻👍🏻🤤成件事都好夾！-柑桔檸檬水🍊可以有效地解一解辣，有啲酸味去平衡番👍🏻好滿足到辣癮！個麻辣唔會維持到好耐，最過癮就係咁🤣正！！！

小有名氣 Bookmark左好耐 終於有機會黎試下食完好非常滿足 好過癮 夠麻夠辣😋走個陣見到原來被評為成都小麵十強 怪唔得咁好食 咁多人幫襯啦😂.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆ .🌟A+B套餐 $83▪️瘋狂牛肉麵 金桔檸檬 (+$6)🌟A+B+C套餐 $93 ▫️酸辣粉 凍檸茶 (+$5) 鐘水餃 (+$32).川味紅燒牛肉麵味道有驚喜‼️湯底濃郁 香氣十足👍🏻👍🏻👍🏻牛肉好入味之餘 筋腩比例適中 口感香軟 唔會太韌.酸辣粉都完全唔失色 幾好食🤤表面滿滿肉碎 份量一啲都唔馬虎～薯粉軟硬適中 夠彈牙.🥟鐘水餃意外地冇咁重口味醬汁充滿芝麻同埋麻油嘅鮮香 味道唔辣 都幾特別 值得一試💗.❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ • ғᴏᴏᴅɪᴇ𓌉◯𓇋 ‎‎‎• ʟɪғᴇsᴛʏʟᴇ⋆♬︎ • ᴛʀᴀᴠᴇʟ*⋆✈︎❞

成日聽中環返工既朋友講有間好食既川味面館，今次一食就愛上，川香十足😋瘋狂擔擔面套餐$93瘋狂擔擔面好多肉沫，青瓜絲同花生🥜加上少許辣油，撈埋一齊十分滋味😋成都老冰粉（凍）+$10有山楂、提子乾、冰粉jelly，消爽解膩又唔會好甜，正！瘋狂肥腸面套餐$93瘋狂肥腸面揀左小辣bb麻，好好食😄特別個日lunch食左所謂酸辣粉關注組第一名調味好重，好咸既情況下，係呢度食到真正好食既麻辣粉面真係治療左個心靈！煎蛋 +$9煎蛋要激讚，煎到金黃色脆邊，但蛋黃仲係流心！😍鐘水餃$32香辣得黎又甜甜地好開胃☺️

在中環的瘋狂小面頗有名氣係十大如都小面之一，呢次專登同朋友一齊嚟朝聖，餐廳裝修充滿中國風，古代瓦仔屋頂加埋特色屏風幾特別。餐廳主打傳統重慶麵食，仲有成都老冰粉麻辣串等等正宗四川菜。✨瘋狂牛肉麵 (白湯)：湯底清清地加蔥花香錦上添花，牛肉🐮是半筋半肉口感鮮嫩且味道相當入味😋✨瘋狂牛肉肥腸麵 (紅湯)：湯底香濃惹味，麻辣若隱若現，麵底的口感有嚼勁沾滿湯底的香濃麻辣，帶一點肥脂的肥腸嫩滑簡直絕配👍🏿✨涼拌青瓜：擁有酸酸鹹鹹風味的青瓜，不會太濃蒜泥味剛好，夠開胃🥒✨鐘水餃：有點似傳統的紅油抄手，味道少辣，配上醬汁一流🥰✨紅棗銀耳湯(凍)：幾時都合適食用的滋補養顏的甜品，好多雪耳好足料，食完麵食加個甜品大滿足🤤

今日係中環食lunch，簡單去左樓上餐館瘋狂小面食返個麵。瘋狂小面走中國風，主打傳統重慶小麵，麵餐有三款組合做三個價錢：麵+飲品=$83麵+飲品+小吃/甜品=$93麵+飲品+小吃+甜品=$103另設加一。飲品同小吃都可以加錢升級。另外可以再加料。麵可以揀乾撈麵或者湯麵，仲可以揀麻度同辣度。實在係太多野揀，自己剔紙就可以。餐廳都有提供缽缽雞、四川冰粉等正宗四川菜。今日叫左兩個$93餐，分別叫左一碗瘋狂擔擔麵同番茄牛肉麵，要小吃唔要甜品。瘋狂擔擔麵我鍾意呢款中式拉麵係有咬口既，而拉麵本身係熱既。瘋狂擔擔麵我叫左走麻同BB辣，調好味既肉碎只係少少辣，味道濃，撈埋啲麵一齊食就正啦，每條麵都沾有醬汁，好夠味。配料除左肉碎，都有兩條菜心、青瓜絲、花生米同青蔥，提供唔同既口感。番茄牛肉麵我都鍾意呢度既番茄牛肉麵。番茄湯底超正，帶有天然番茄甜味，好開胃！牛肉超薄切有5塊，仲有兩條菜心，上面仲加左大量青蔥同香茜增强味道層次。因為係湯麵，所以質感較淋。涼拌木耳 （跟餐）餐牌寫住有兩隻辣椒，真係好辣。木耳份量唔少，仲伴有辣椒。鐘水餃 跟餐加$32 另加一鐘水餃一客六件，細細隻，不過塊皮好滑又夠薄，餡應該係豬

餐廳位於中環商業大廈1樓，雖然位置不太顯眼，但人氣不因此而減少！中式古代裝修，有些瓦片屋頂和中式窗户，古式古香。點餐紙下單，和朋友選了兩個A+B+C+D$103的套餐，價錢比較優惠，而且可以一次過嚐到麵、小食、飲品和甜品。點餐紙上寫著是用新鮮水麵，絕非經油炸或掛麵。第一次聽水麵，所以都很好奇是什麼味道，原來水麵是新鮮製造的麵條，顏色帶點微黃，麵條吃到嘴裏有一種特別的香味。這裏的湯底和食物感覺都非常正宗，喜歡吃辣或是喜歡四川菜的一定大愛💕就算跟我一樣不能吃太辣都可以呀～餐廳可以選辣度和麻度，或是不辣的白湯。還看到非常少有的藤椒湯缽缽雞，外面很少地方可以吃到這些獨特的菜式和味道，有機會要試試！♡瘋狂豌雜麵 🥢必點🥢雖然沒有主食，但口感層次很豐富，不會單調。有香葱、花生、豌豆蓉、菜莆和惹味的肉碎。第一次吃豌豆蓉，平常都不太喜歡吃豌豆，但做成豌豆蓉配其他配料撈起來吃，出乎意料的好吃！♡瘋狂牛肉麵 🥢必點🥢我吃不到太辣，所以叫了bb辣🌶，吃下去感覺是我可以接受到的辣度。非一般平常吃到的辣味湯底，湯底非常香濃，不單單只是辣，還帶點香。有很多芫荽和香葱，吃下帶點清新味道，牛肉味濃郁，肉質軟硬適中。♡

有時候我都喜歡一個人周圍去、一個人行吓街、睇吓嘢、食吓嘢，享受一下自己嘅時間，近年興叫 Me Time 。今日趁放假又無約人，一於 Me Time 一下，先去咗尖沙咀、然後港島半天遊，順便周圍覓食。喜歡食濃味同辣嘅我，今晚決定試吓呢間「瘋狂小面」有幾瘋狂。餐廳位於佳德商業大廈一樓，裝修充滿中國色彩，而且地方寬躺。一人套餐組合有多款自選，主食提供多種干撈面或湯面可選，然後可只配飲品；又可再加配小食或甜品；或者可全選四項，視乎個人喜好及食量選擇。難得放假，當然要瘋狂一下，一於要齊四款組合。麵選了干撈面「瘋狂豌雜面」自選了正常麻和少辣程度；飲品選烏梅汁；小食試吓個「鐘水餃」（加$32）；甜品是「成都老冰粉」。「瘋狂豌雜面」有豌豆蓉及雜䓤姜蒜醬，有辣有麻有花生香，重口味但很正。店舖採用新鮮水麵，果然麵質很靚。餐飲品「烏梅汁」，其實即是酸梅湯，甜甜酸酸，開胃得嚟又有益。小食決定加錢試吓佢個「鐘水餃」，因為覺得個名好得意。水餃皮彈肉饀特別，配埋濃香麻辣汁，一口一粒，好好味！甜品係「成都老冰粉」，入口清甜冰凍，有芝麻花生酒米香。食埋就十分完滿了。順便一提，餐廳有提供「花臉啤酒」，買一送一。另外仲有多

都明中環地區野食係偏貴，但呢間野真係無性價比可言，而且份量偏少，已經係加左小食，分別加左蒸蛋同鐘水餃 ，但食完完全唔飽，因為佢個面真係好細份，不過可能正宗小面真係咁細份 ，加面就要$10蚊，味道正正常常，但對比個價錢，5百幾個like真係overrated ，可能期望越大，失望越大。要左兩個套餐，分別係：豌雜面 + 羅漢果冬瓜茶 + 鐘水餃 (另加$32)燒白面 + 酸梅湯 + 蒸蛋 (另加$18) +冰粉豌雜面比較特別係豌雜面，出面應該比較少見，味道正常，啲豌豆蓉加肉碎撈埋味道唔錯，係幾惹味，但未至於驚艷。燒白面燒白面個湯食落似台灣啲牛肉麵湯，不過係辣版。燒白有6塊，諗身易入口，但非常薄切 。呢個價錢我寧願食台灣牛肉面。小食蒸蛋無特別，係個面多左層肉燥。鐘水餃有6隻，size同味道似魚皮餃，係ok嘅但鐘水餃要另加$32，成set A+B+C變左$125 ($93+$32)，但A+B係$83，姐係話$42先有6隻魚皮餃size嘅鐘水餃，真係好唔抵野飲甜品冰粉正路野，之前係尖沙咀烏蠅館食過都係差唔多。有山楂粒同青提子乾，重有啲酒糟，比較特別。個人覺得要甜品(D)好過小食(C)，因為見到唔

難得準時收工，相約同事到附近的瘋狂小面食返餐，6點來到不用等位，大概7點開始滿座了。 瘋狂碗雜面套餐 $110 瘋狂豌雜面 (鹵蛋 +$9)選擇BB辣，走芫荽, 中式乾撈麵，麵質軟韌彈牙，配料放得認真工整。有軟滑的豌豆蓉、甜美的肉醬、惹味的花生、爽脆的榨菜，另加了鹵蛋作配料，質地略嚴實左少少。麵底有醬汁，撈勻後每條麵都沾滿醬汁，BB辣不太辣麻味香，麻香撲鼻口感豐富，好味道！ 蒸蛋 +$18每日限售15份，我們有幸仲點到，蛋質嫩滑，仲加埋肉燥味道更香。 瘋狂大排面套餐 $125瘋狂大排面同事怕辣照舊揀BB辣走芫荽，味道比乾撈麵辣，但辣度可接受，大排係排骨炆得好淋好入味，肉質鬆又唔會太鞋身。烏梅汁烏梅濃厚酸香，飲落順喉，解辣一流喔。 鐘水餃 +$32醬汁望落橙橙紅紅，心知不妙以為好辣，食落出奇地好味，一啲都唔辣，水餃皮煙韌，肉餡豐富。 成都老冰粉 +$10冰粉啫喱狀夠QQ，味道清甜，面層灑滿黑白芝麻，加了炸花生、提子乾和山楂餅，撈勻冰粉一齊食夠晒層次，值得一試！

超耐無黎瘋狂小面食野。呢間瘋狂小面係位於中環既一間樓上餐館。餐廳走中國風，主打傳統重慶小麵，主要做麵餐，三款組合三個價錢，分別係麵+飲品既$83，麵+飲品+小吃/甜品既$93，同麵+飲品+小吃+甜品既$103，設加一，價錢比大半年前黎略為加左價。另外可以再加料。飲品同小吃都可以加錢升級。麵可以揀乾撈麵或者湯麵，仲可以揀麻度同辣度。實在係太多野揀，自己剔紙就可以。餐廳都有提供缽缽雞、四川冰粉等正宗四川菜。今晚我地每人叫左一個麵餐。瘋狂豌雜麵我鍾意呢款中式拉麵係有咬口既。叫左走辣，味道都好好，拉麵味道調得唔錯，每條麵都沾有醬汁，夠味，而拉麵本身係熱既。配料有滑溜好似薯蓉既豌豆蓉同埋調好味既肉碎，仲有兩條菜心。上面仲加左花生米、青蔥同榨菜等，提供唔同既口感。番茄牛肉麵估唔到四川餐館都有番茄牛肉麵食。番茄湯底超正，帶有天然番茄甜味，好開胃！牛肉超薄切有5塊，都嫩既，仲有兩條菜心，上面仲加左大量青蔥同香茜增强味道層次。涼拌木耳 （跟餐）餐牌寫住有兩隻辣椒，真係好辣。木耳份量唔少，仲伴有辣椒。鐘水餃 跟餐+$32 另加一鐘水餃一客六件，細細隻，不過塊皮好滑又夠薄，餡應該係豬肉碎，食落只係少少辣，其

估唔到呢度樓上有間咁樣嘅四川餐廳，中環地段嚟講價錢算適中，可以叫套餐，包左主菜、飲品、小食同甜品！ 🍴 瘋狂牛肉麵套餐 ($88) + 瘋狂大排面套餐 ($88) 紅湯 ⭐️⭐️⭐️⭐️ 湯底可以揀紅湯同白湯，咁嚟得食四川野當然要食下辣啦，湯底辣辣地唔會好油，好適合香港人口味。牛肉好腍好入味，冇牙都食到！麵質軟硬度啱啱好，份量都算幾多，推介！ 🍴 鐘水餃 (+$32) + 燒椒茄子 (+$32) ⭐️⭐️⭐️⭐️ 鐘水餃一啖食入口，微辣得嚟好開胃，外皮做到好薄，入面d肉做得都幾入味，正啊。茄子就切開細細條，配住辣汁一齊食係好夾！ 🍴 金桔檸檬 (+$6) + 冰糖雪梨汁 (+$6) + 成都老冰粉 ⭐️⭐️⭐️⭐️ 飲品真係必叫，食完辣野再飲d清涼飲品解辣，再加埋清澈透明嘅冰粉，完美配搭！ .............................. 瘋狂小面 地址📍: 中環士丹利街66-72號佳德商業大廈1樓 總評分: 8.2/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️💫 服務👨🏻‍🍳: ⭐️⭐️⭐️⭐️ 衛生🧹: ⭐️⭐️⭐️⭐️ 抵食💰: ⭐️⭐️⭐️⭐️

瘋狂小面 #中環❗️價錢實惠 令人瘋狂嘅四川麵館 ❗️已經係我第二次到訪呢一間四川麵館，講起專食四川麵我就會諗起呢一間😆位於蘭桂坊附近，味道不俗，價錢實惠，套餐包晒麵食、飲品、小食、甜品都唔使$100✨。餐廳環境夠晒大，而且古色古香，用上木枱、紅櫈、面譜等等。食物有香港較為少見嘅四川麵、小食選擇，老闆話要將四川最正宗嘅味道帶嚟香港👍🏻。呢度嘅套餐可以有唔同選擇，分別有1️⃣麵+飲品$78，2️⃣麵+飲品+小食$88，3️⃣麵+飲品+小食+甜品$98。另外可加錢配搭更多小食。見佢$100都唔使，所以嗌咗兩個$98嘅套餐，仲加錢嗌多咗小食😛可以自選唔同嘅辣度同麻度，我哋嗌左BB辣，惹味得來唔會覺得辛苦。1️⃣瘋狂豌雜麵套餐 $982️⃣瘋狂牛肉麵套餐 $98.麵食🍜▪️豌雜麵：係我第一次喺香港見到呢一款四川麵食。係一種拌麵，面頭放滿左軟綿綿嘅豌豆蓉、甜甜地可口嘅肉碎、花生、酸菜，撈埋底下嘅炒雜醬，甜辣麻集於一身，真係幾好食☺️面底用上四川面，望落去彎彎曲曲似即食麵，但較為粗身、入口煙韌似拉麵，掛汁力強！味道: 4.1/5▪️牛肉麵：同樣用上四川麵，但今次係湯麵，口感保留一貫嘅煙韌✨不過可能因為我哋揀咗BB辣，所以湯底就

近年流行食川菜，那川菜館是否只食麻辣火鍋咁簡單，今天早利亞跟友人就來到中環一間樓上舖瘋狂小面，試試四川當地的民間食品，午市多人，特意2點後才到，避開人潮。店子午市有午餐組合： (A) 麵食、(B) 飲品、(C) 小吃 (D) 甜品 ，不同配搭，最低消費 A+B $78，而全套餐A+B+C+D 價錢為$98，另加一服務費。點了兩個瘋狂套餐，所謂小麵，就是四川地道的麵，有著蔥蒜醬醋辣椒調味的麻辣麵，分為乾撈和湯麵，我們各點一份。心中首選瘋狂燒白肉麵，可惜每天限量供應十五份，店員表示開店未到一小時便售罄，可惜，唯有改為同是豬肉的大排麵。因為很想試特別推介的鐘水餃及棒棒雞，我們選擇了加錢升級小食。鐘水餃 造型比一般水餃小巧，皮煙煙靱靱，原來店子特別請麵廠特製的，香滑而豬肉餡料有肉味，雖然紅油望落有點嚇人，但辣味不重，加埋蒜香，味道層次豐富 ，我們吃著一隻接一隻。另一款小食棒棒雞，雞肉片不算多，醬汁味道帶點酸味，原來這是當地正宗味道，蠻特別。店員端上甜點醪糟粉子及成都老冰粉，奇怪，主食都未到，細問下原來當地人地道食法是以此作飲品，用以解辣，因甜味可以紓緩麻辣既感覺，但來到香港後才作甜品，另加飲品

「瘋狂小面」這名真不錯，很多人就想來「瘋狂一下」。這樣以中國成都/重慶的食物、麵食為主，裝修也見滿滿中國風。.麵套餐很多選擇，可跟飲品、小食及甜品。..⭐️瘋狂牛肉面如果你是辣的fans，一要要試試「瘋狂牛肉面」，可自行選辣/麻的程度。辣可以很辣哦！湯底濃郁，牛肉是一粒粒的（有筋，正！），滿滿中國風味的牛肉面。.我不敢挑戰辣，所以選了⭐️蕃茄牛肉麵。雖然也是牛，但切的方法不一樣，這裏的牛肉是一片片的。應該選用了牛𦟌，因為除了瘦肉還見到牛筋。我另加了一個煎蛋，我重新排列，這樣看來像拉麵吧哈哈！.小食方面，點了「棒棒雞」及「鐘水餃」。棒棒雞似口水雞，雞切成一塊塊薄片。鐘水餃的餃子皮比較韌，一口一粒，很有特色。.飲品：烏梅湯（即酸梅湯？）⭐️醪糟粉子非常有中國特色的甜品。有米酒的味，但沒有酒精的成份。當然，這比起其他西式甜品如楊枝甘露、pancake 無那麼吸引，但偶然見到有醪糟粉子，懷舊懷舊一下還是相當滋味的。材料有粉子、枸杞及米飯。.下次再來「瘋狂」吧！