綠茵閣 (已結業)

1月好忙好多生日飯聚, 今日同同事去左北角城市酒店綠茵閣, 這間我好多年前來過印象唔太好, 因無野食又好貴, 如果唔喺同事一定要來, 我就希望搵個間, 因openrice有counpon咁就哩試吓, 估唔到幾好, 食物種類都算多, 飲料都多有4種凍飲(藍冰冰有些少酒精, fruitpouch, 橙汁同什果汁), 礶裝啤酒同汽水, 熱飲就咖啡, 奶茶, 檸檬茶, 鐵板燒都有6-8款(帶子, 蝦, 牛肉, 金菇卷, 香腸, 雞翼....), 粥同湯, 魚生都有4款, 卷物壽司..., 熱暈都有10-12種左右, 還有冬陰公粉麵檔, 甜品種類都多, 大家食吓傾吓好快又3個鐘 經過今次都會再來, 但就一定要有68折才ok, 連加1, 每個都要$350左右

北角城市花園酒店嘅綠茵閣，唔喺第一次幫襯，不過，對上一次嚟已經喺2008年年尾嘅事，嗰次喺為咗慶祝太太考試成功大擦一餐，嗰時貪佢平，折咗都喺二百幾蚊一位。不過，時隔5載，今非昔比，依家晌香港一啲旺區，食個自助晚餐，動輒都四、五百啦。雖然綠茵閣閒日星期一至四都要$418，不過，七折後加番一都喺三百幾，計及種類、質素，仍然食得過，況且，Movenpick及Haagen-Dazs雪糕任食，好此道者大可臨尾翻本囉！綠茵閣話大唔大，話細唔細，幾年後再嚟，環境唔喺太大變化，不過，印象中多咗啲即煮專區，稍後慢慢再講。今晚被安排餐廳最後近窗嘅位置，騷擾度細啲，雖然只有街景，但都令人感覺開揚舒服。而且，只有我兩公婆，坐落張4人枱，非常鬆動。跟大多數自助餐比較，款式屬中上，簡單嚟講，餐湯、麵包籃、冷盤、沙律吧、芝士盤、凍海鮮、刺身、壽司、和式小食、烤肉、天婦羅、鐵板燒、燒烤、熱盤、湯麵檔、燒臘、粥品、甜品、生果、自助飲品吧，都一應俱全。老實講，試就試唔得晒咁多嘢，但以觀感嚟選擇，經試過之後，個人認為餐湯、麵包籃、芝士盤、刺身、燒肉、燒烤及甜品依幾大類挺出色，值得稍加留意嘅類別。餐湯．麵包籃．芝士盤大多數自