漁釧 (V Walk)

營業中

休息中

公司附近個新商場 V WALK 都開左有成個幾月，今日收工同同事去 shopping，行到攰攰哋原本諗住走，但經過呢間日本餐廳漁釧，見到有人等緊位喎，吾執輸我地又去等埋一份，哈哈哈間餐廳好 full，但侍應話 bar枱唔使等，梗OK啦，gogogo~因為坐 bar 枱，俾我望到師傅啱啱砌起咗一個 “松葉蟹肉野菜沙律”，賣相超靚，睇見就肚餓，就決定食佢啦真係堅真材實料，勁多蟹肉，好鮮甜，啲菜又夠新鮮同埋吾會水汪汪，麻醬份量落得啱啱好，加埋蟹籽，$98超值, 無得輸我哋另外點咗個主食 “海蝦天婦羅稻庭烏冬”，又係好抵食呀~海蝦天婦羅+野菜天婦羅單點要 $78，但 $88就可以有埋個烏冬 (雖然少咗1隻蝦)可以睇住師傅親手炸啲天婦羅個感覺真係零舍唔同~ 天婦羅炸得好鬆脆，啲粉唔厚，稻庭烏冬好滑，湯底吾太咸兩個人 share 一份烏冬量剛剛好，肚仔仲有少少空間可以裝得落兩個小食 “鐵板香蒜牛柳卷” & “鐵板牛油焗帶子”2碟賣相唔錯，牛柳夠林，醬汁味濃，係D炸蒜有少少苦 ; 帶子都OK大隻，好香牛油味今晚最開心係食到個 “松葉蟹肉野菜沙律”，實在太好味，下次一定要嚟 encore

朋友話約係深水埗食飯原來係南昌站既商場, 一出南昌站就到, 好方便 餐廳係日本居酒屋, 8:00 去到已經FULL哂好彩等左10分鐘左右就有位食物款式都幾多, 有壽司, 小食, 串燒, 煱物, 仲有拉面 叫左四樣野食: 壽司盛14件+鐵火卷($248): 壽司食得出佢用既食材超新鮮, 係近期食過最好味既壽司 唐揚池魚仔($48): 脆卜卜既池魚仔, 好香口! 一條接一條, 食到唔停口, 如果飲酒既朋友, 一定要叫 鐵板香蒜牛柳卷($68): 呢碟好有驚喜, 牛柳卷係鐵板上面煮, 仲要係岩岩熟加埋香蒜, 一定要襯熱食 特盛醬油濃雞白湯拉麵($88): 呢個拉麵有兩個價錢$78同$88, 分別在於少兩塊叉燒! 但一定要叫$88, 因為叉燒實在太好味! 湯係好濃郁既雞湯, 而拉麵係較粗食既麵, 配搭得好出色 呢間居酒屋各方面都好有水準! 已經約左朋友再encore