咖啡亭 (已結業)

其實已經第2次黎，都係食第1時段6-8點第一次黎既時候我係第1次食咁新鮮既生蠔，滴檸檬汁落去啲黑色邊會識宿架😱😱今次都唔例外從，啲蠔都係會郁 食左8隻螺同長腳蟹，但下邊面前粗啲果隻好食啲甜啲 生牛肉真係第1次食，本身都好怕有血味同太生但食落完全係第2個感覺，食落唔覺有太生既味道，無血味反而有好大芝士味，前後食左6塊 芝士焗龍蝦係差唔多完之前半個鐘先拎出黎送比人食，每人一隻但好多菇，龍蝦好小肉 甜品最好食係一口焦糖燉蛋 鮮果撻都好食😋😋其實仲有好多其他熟食都好好食羊架，水牛雞翼仲有個刺生既甘蝦真係超級好食，食左7隻可惜無影到相，一定要試呀 至於服務態度就一般般啦，啲男性好似比較有禮貌😅

地下大堂，等上 1 樓，呆。一向對自助餐好鬼抗拒，因為要自己出去搶野食，行出行入，又無人招乎，食物質數又麻麻地，比咁貴又唔係食得多，不如 order 好過啦 ﹗不過今晚係一大班朋友聚會，咁就無所謂。第一次黎，朋友提議一齊黎試試。咖啡亭聽落真係似 coffee shop，所以見到地方不算大，無金壁耀煌，亦唔會有驚訝感覺，裝修樸實大路，環境都幾舒服又空氣流通。因為 20:30 先可以起動，依家仲未夠鐘，大家暫時乖乖地坐定定呆住先啦 ﹗汽水任飲 ﹗久違了的自助餐，我一向都討厭自助餐、放題、任飲任食，見朋友仔生日同推介，一試無妨既 ﹗夠鐘 20:30 正開波 ﹗衝呀 ﹗殺呀 ﹗個個跑晒去輪即開生蠔，成廿幾人排隊，我啋您都傻，食住其他先。行個圈巡視一下，炆羊膝？﹗好香好大好靚啊﹗非常吸引，轉頭返您嗒您 ﹗自助餐羊膝做頭盤應該係唔錯既選擇，哈哈。矣？住係隔離既係泰式炒蟹播，賣相同樣出眾，轉頭搞埋您啦 ﹗白汁焗海鮮，好靚喎 ﹗有青口、大蝦、魷魚、等等。望左幾道菜，我似乎對自助餐既厭惡感開始減低，睇落幾好食呢 ﹗流口水喇 ﹗Round 1，第一碟先黎個炆羊膝，羊膝啖啖肉，我勁愛、好鍾意 ﹗炆得超級入味

今日帶咗我家既倆寶-Mom&Dad嚟試下呢間位於尖沙咀Hotel Panorama 既Cafe Express出名既海鮮dinner buffet. Dinner buffet 有兩個時段俾人客選擇。6:00pm-8:00pm or 8:30pm-10:30pm. 我同mom & dad 揸車於8:15pm到達，酒店設有代客泊車。雖然我book咗8:30pm,但係酒店安排得好，完全唔需要等就可以入座。準時8:30pm開始有得食！non-stop枝樽汽水提供。最值得俾個Like,係源源不絕、新鮮肥美既亞拉斯加長腳蟹腳、即叫即開既生𧐢、小龍蝦、蝦、青口任揀。尤其是嗰d長腳蟹腳，條條腳都啖啖肉，正！！最開心又有我最鐘意食既parma ham with melon 同味道一流既牛油果蟹肉沙律。除此以外，仲有壽司、魚生吧、沙律、熱葷區、有一個即叫即煮既意粉區，同有一個有唔同欵式既甜品區。其實當我食完d海鮮，已經有8成飽。哈哈，埋尾我都係忍唔住食咗d甜品-芝麻糊+酒店每位送既火焰雪糕。總括來講，待應服務態度好，食品質素高。以這樣既價錢+尖沙咀方便地區，真係值得一試。如有指定信用咭或有openri

今日與好朋友聚舊, 估唔到會重返Cafe EXPRESS食晚餐其實短短兩小時時間真係有D緊迫, 服務員收碟速度真的快到無人有~唔知呢D係好事定係壞事呢, 總覺得有D壓迫感。不過, 環境勝在枱數唔多, 樓底又高, 真係一個暢談既好地方;而且生蠔既質素同一年前相比出入唔大, 都係一D優質貨長腳蟹同埋三文魚亦都一樣, 肉質鮮美! 真係食完會再翻食今次唯獨美中不足既係翡翠螺, 好似唔係好新鮮, 有潺! 同埋唔夠時間食埋個甜品~下次有機會一定會再來品嚐多次美食!!!P.S. 酒店設有三小時免費泊車, 車場哥哥明知過了鐘都放我地走, 真係好好人!!!