冰極餐廳

營業中

休息中

屋企人生日，一個月前已經要打電話預訂海洋公園冰極餐廳。大家記得要預時間先坐海洋列車到餐廳，車程大約6分鐘。入到餐廳，確實是環境舒適，有一個好大嘅企鵝玻璃牆，每張枱之間都有適當的防疫距離，不過我唔係咁贊成要求坐窗邊，因為你除咗口罩食嘢嘅時候，好多人會走埋去你旁邊睇企鵝。因為海洋公園送咗一張八折生日coupon俾壽星。諗住人一世物一世，於是嗌咗雜扒同低碳套餐。雜扒方面，條魚好滑，其他食物就不過不失。低碳套餐方面，意粉OK，甜品一流。雖然每人大約需要$300至350，但係真係坐得好舒服，廁所都好乾淨，我覺得一世人應該去一次。總括來說，呢個價錢係食環境，食物方面真係冇乜特別，如果有生日八折coupon，就簡直Perfect。

每次去海洋公園必選的餐廳原來3點15分開始餵食時間我在餐廳睇到唔想走今次也對坐對住企鵝食飯，好開心呀!一人餐不夠二人食叫了雜扒，鱈魚最好味!4年無去過，原來現在可用App 拎飛，有提示仲有幾多張枱到

之前去親海洋公園都一定食左野先入去因為覺得裡面d野食貴唔捨得食～今次因為男友太易肚餓😂所以選左最近嘅餐廳食～冇影到佢門口😩佢門口真係好特別 成間餐廳都好似係個冰洞裡面咁～配合曬佢個名冰極餐廳😂相信呢到嘅最大特色一定係呢個大玻璃窗～大家坐係任何一個座位都可以睇到小企鵝～小企鵝仲會好得意咁游近個玻璃～帶小朋友黎就一流！❤️事不宜遲即刻搵野塞住男友個胃～因為我唔太餓只係叫左杯奇異果汁飲而男友就叫左個雜扒餐同芒果汁～個價錢真係唔平😅（雖然都預左😂） 兩杯果汁先上～飲得出唔係鮮榨😂但都好飲嘅～男友嘅雜扒黎嚕～份量比我想像中小不過我好鍾意食佢伴碟嘅菜好fresh~男友表示雜扒味道普通～不得不提係佢魚果個黃色汁建議唔好要味道好奇怪😅服務係唔錯～ 又冇限你時間食幾耐好岩玩到好熱好攰入黎休息下😂