冰極餐廳

營業中

休息中

屋企人生日，一個月前已經要打電話預訂海洋公園冰極餐廳。大家記得要預時間先坐海洋列車到餐廳，車程大約6分鐘。入到餐廳，確實是環境舒適，有一個好大嘅企鵝玻璃牆，每張枱之間都有適當的防疫距離，不過我唔係咁贊成要求坐窗邊，因為你除咗口罩食嘢嘅時候，好多人會走埋去你旁邊睇企鵝。因為海洋公園送咗一張八折生日coupon俾壽星。諗住人一世物一世，於是嗌咗雜扒同低碳套餐。雜扒方面，條魚好滑，其他食物就不過不失。低碳套餐方面，意粉OK，甜品一流。雖然每人大約需要$300至350，但係真係坐得好舒服，廁所都好乾淨，我覺得一世人應該去一次。總括來說，呢個價錢係食環境，食物方面真係冇乜特別，如果有生日八折coupon，就簡直Perfect。