Gram Cafe & Pancakes

營業中

休息中

係尖沙咀食完飯後過嚟gram cafe食梳乎厘，我知開左好耐，但我都係第一次食🤭▫️招牌梳乎厘班㦸三層梳乎厘，挺身得黎但好鬆軟，亦帶空氣感，忌廉打得好香滑，加上牛油同蜜糖，味道甜而不膩，如果唔加亦食到本身班㦸自帶既雲呢拿香。比起其他地方食既梳乎厘班㦸，呢間既比較fluffy同好食。▫️雜果朱古力班㦸薄薄一片較實在啲，味道咸咸地，賣相好靚，配有幾款水果：士多啤梨、藍莓、橙、奇異果，好豐富，加埋忌廉、朱古力醬一齊食，有咸有甜既味道都幾特別。呢到地方都算大，坐得幾舒服。Menu都有唔同款式既班㦸揀，下次試下其他先😋

正所謂唔係猛龍唔過江😍來自日本的梳乎厘班戟店，煮法完全跟從日本。✨意大利芝士蛋糕班戟（$118）將班戟同Tiramisu合體🤩佢將三層鹹熱香餅班戟加香滑吉士醬，鋪滿咖啡粉和朱古力粉，擁有多重口感又唔會太甜。✨雜果朱古力班㦸（$108）造型相當之吸引，雜果五顏六色再配上朱古力醬，水果有橙，奇異果，士多啤梨同藍莓，撒上糖霜既熱香餅旁邊有香滑忌廉同煉奶，任由你自己搭配食法，整體感覺好輕盈、健康，生果開胃又清新。環境採用木系裝修，簡簡單單令人坐得舒適👍🏻

來自日本大阪🇯🇵過江龍嘅Gram，嚟咗香港已經有好幾年聽就聽得多，試就第一次試果然咁出名有一定嘅原因😌食住好味軟綿綿嘅Pancake，飲杯茶🫖簡直人生一大樂事🥰.🍴焦糖香蕉班戟🍌💰$98一上枱已經有陣陣嘅焦糖香味😚賣相非常靚仔焦糖香蕉甜脆可口🤪Pancake鬆軟又帶奶香🥛配埋香滑奶油同蜜糖糖漿🍯呢個組合配搭非常好，甜而不膩😆.🍴雜果朱古力班戟🍫💰$108嘩，好多好多水果啊！😍Pancake上鋪滿多款水果🍓🍇🍊再加上朱古力醬、奶油七彩繽紛，打卡一流📸水果嘅酸甜，減低朱古力醬、奶油帶來嘅膩感配埋pancake一齊食，鮮甜清新😋.餐廳裝修主要日系Muji風格以木系色為主色🪵環境舒適，坐得舒服😌好適合過嚟坐低食個下午茶傾吓計好有鬧市中忙裏偷閑嘅感覺🤣下次有機會都想下Gram 最出名嘅Premium Pancake而家又飛唔到，過嚟感受下日式pancake嘅味道都不失為一個好選擇😎.————————————————————

剛巧經過THE ONE, 想食甜品，這間日本過江龍Pancakey店就適合掛念日本家鄉的朋友了裝修風格是田園風，以muji淺色木為主，加上綠色植物，感覺舒服。每日限時限量發售的梳乎厘班戟，我就未有機會食，所以叫其他班戟試試吧！焦糖香蕉班戟 $98焦糖很脆，有3片班戟，如果吃飽飯，想食點甜品，這個很適合，細細片，不會太滯。雜果朱古力班㦸 $108這個給人感覺很開心，有不同的水果，配上朱古力醬，有一粒如雪糕般的忌廉，甜度剛好。餐牌 ：

作為pancake lover 竟然未食過Gram，見平日唔駛等位就一於試吓🥰 可惜錯過疏乎厘班㦸出爐時間(要mark 低時間！)☹️ 照叫其他班㦸止吓癮先🥞雜果朱古力班㦸($108)生果份量唔少，主角班㦸雖則唔係疏乎厘但係都非常鬆軟，特別欣賞佢冇過量baking soda 嗰隻化學味，另外cream 口感幾輕盈，配襯水果班㦸好夾呢🥰🍌焦糖香蕉班戟($98)焦糖香蕉好正好正好正(重要嘢要講三次)，香蕉上面層焦糖入口仲係脆😍 同另一個班㦸一樣，都配上cream，不過焦糖香蕉呢個仲有合桃，估佢唔到~

今次嚟到Gram搵食～呢間日本名牌班戟店進駐香港已有一段日子～久仰大名～一年多冇機會去日本～就來回味一下日本的味道～店面大班戟cushion超可愛！門口的看牌印上不少口味的班戟～吸引眼球餐廳以綠色木色為主～裝潢主要為木色桌椅配上白牆～另外有不少綠色植物作點綴～感覺清新！班戟種類有鹹有甜～價錢大約由$98～$138仲有節日限定款～啱晒貪新鮮又愛打卡嘅女仔雜果朱古力班㦸 （$108）一直屈住喺香港～決定叫個色彩繽紛嘅甜品令自己開心吓班㦸係傳統班戟～口感軟綿～滲出淡淡的蛋香少少的朱古力醬加忌廉伴班㦸，雜果有士多啤梨、藍莓、奇異果同橙～充滿豐富嘅新鮮雜果🍊🍓🥝不知不覺間補充埋身體所需嘅維生素！💪🏻最驚喜係個cream～非常幼滑～亦有微微甜味塗上班戟上立即提升了層次！

睇飲食節目就睇得多，今次到自己試下流漿班㦸。紫薯火山流漿班㦸：侍應送上碟班㦸來時已經見到賣相十分之吸引，仲有介紹下個班㦸點樣食法，隻手一拿起包住班㦸個膠片d漿就爆曬出嚟，兩件厚厚班㦸中間仲有好多紫薯蓉，班㦸整得好鬆軟入口即溶，成碟野滿滿充滿着紫薯好滿足。雜果朱古力班㦸：有三塊班㦸上面鋪滿雜果，色彩繽紛加上小小朱古力醬唔太甜好好味，最重要係佢成個雪糕球嘅忌廉真心好味，唔甜入口即化食多多都得😋😋😋