K2 Kitchen (已結業)

搬咗office咁耐都未同大口仔食過lunch，今日佢話嚟呢度試吓喎。Set lunch有多款選擇，由$68至$158不等，包精緻小點、沙律或湯、甜品，而每款主菜都可以配菜或有機糙米飯精緻小點芝士無花果餅乾，第一次咁樣食，芝士味香濃，蓋過咗無花果嘅香，如果可以用新鮮無花果粒就好了，但整體都幾好食！雜菌湯有誠意嘅湯，texture較稀，但每一口都充滿菇粒，口感激好，飲完都唔會覺得好膩照燒加拿大牛小排 ($108)賣相幾好，旁邊唔會求其咁放啲雜菜就算，每款菜下面都有一種獨特嘅醬汁，有紅菜頭汁、南瓜汁及豆汁，誠意十足！西蘭花仲切得好有心思，一柱擎天咁！牛小排嘅內層仲keep到少少粉嫩，肉質細嫩，滿口油香，將每一小塊牛小排塞入飯裡面一齊食，真係正到呢！！！！烤羊扒伴虎蝦 ($158)3大件烤羊扒，有手掌咁大嘅虎蝦烤得香氣撲鼻，厚肉多膏；根據大口仔講，羊扒外層脆卜卜，肉質鬆化又juicy，但可以再羶啲都得，我心諗唔好喇呱已經好羶喇喎！唯一問題係煮得熟咗啲，想食嘅朋友記住落單嗰陣要求煮得生啲喇！朱古力mousse 本身見到係朱古力都唔係幾想食，但見佢細細件咁就試吓啦。朱古力味道唔濃，偏甜多啲，軟綿

終於發現觀塘區工廈隱藏高質西餐廳！今晚來到位於巧明街的k2 kitchen 晚飯，位於13層樓高走廊盡頭，位置算是非常隱蔽。於晚上七時左右到達，餐廳幾乎全滿，可見這裡靠食客口碑應陪養到一班穩定客源。 一行兩人各自叫一份晚餐，由前菜、主食到甜品均體會到廚師用心製作食材，每樣食物質素幾乎接近酒店水準，連大碟上的汁醬都經過細心佈置，可算是除了味覺，亦是視覺的一大享受！曾經試過多間觀塘工廈西餐廳，但整體水平的確參差。K2 kitchen 可算是鶴立高群的西餐代表。綜合餐廳環境、服務態度、價錢和食物品質四大評分準則，推介指數有9分（ 10分為滿分）。

今次同朋友黎到呢間係觀塘工業區新開的K2 kitchen食晚飯。餐廳以黑白色為主，簡單又時尚。今餐點了兩份 set dinner，先黎精緻美味的前菜 有自家煙燻三文魚伴血橙、羊奶芝士、火箭菜。最先食個分子泡沫，味道酸酸的好醒胃，同前菜好夾。而三文魚味道唔會太咸，但有好濃煙燻味，而且肉質柔軟嫩滑，果然係自家製，十分有誠意。而羊奶就特別調製過，使羶味減少，令到我呢個超怕羶味的人都接受到。用血橙製作的醬汁，味道酸酸甜甜，好開胃。將三文魚、羊奶芝士、火箭菜，點埋血橙醬汁一齊食，味道同口感就非常豐富。 車打芝士焗美國薯仔及鮮蝦、辣番茄呢個都有分子泡沫，非常有趣的裝飾，而且味道都係酸酸的檸檬味。焗薯外層香脆內軟，芝士夠香夠多，加埋彈牙爽滑的鮮蝦同味道濃郁的辣蕃茄，配撘得非常好，味道非常惹味！熱騰騰又香濃的餐湯， 先有鮮蟹肉粟米茸湯，好勁粟米味而且好清甜，好似食緊粟米咁，蟹肉鮮味，同粟米好夾。 呢個係雜菌湯，味道濃郁，每一口都充滿菌味超正！而且這兩款湯上都有忌廉味的分子泡沫，令湯更加出色。連餐湯上的麵包棒都香脆可口。終於輪到主菜了，只係賣相已經夠晒吸引，而且仲非常好食。 先上厚切