Deep Sea Oyster & Steak

營業中

休息中

山林道好多好嘢食😋，呢間餐廳店如其名，蠔同埋牛扒都好好味👍🏻👍🏻我哋叫咗個「深海精選套餐」($438)是日餐湯係松露蘑菇湯，勁香松露味，又夠熱，將香氣散出嚟更吸引雜菜沙律，正常水準，沙律菜新鮮，醬汁開胃🥗餐飲係Deep Sea石榴特飲，唔會過甜，夠氣，都可以👍🏻首先上咗2隻蠔，細隻啲嘅係日本蠔，店員話落咗酸汁調味，望落好細，不過其實佢個蠔殼唔淺，所以都有肉食的👍🏻；大隻嘅係美國蠔，啖啖肉😍😍，兩隻蠔都好有鮮味，有淡淡海水味牛油煎大蝦2隻，好彈牙，好香牛油味，同埋係有蝦膏的😝😝然後係美國安格斯肉眼，好好味呀，牛肉一啲都唔韌，好香牛味同牛脂香🤤另外想講牛肉夾埋灑上去嘅脆脆蒜片食好正😍伴碟嘅薯條同炒蘑菇都好好味👍🏻👍🏻最後我哋另外叫咗個蒜蓉青醬雞肉意粉，同平時食開嘅青醬意粉有少少唔同，呢款係有少少酸味，唔知係咪同油浸蕃茄一齊煮嘅緣故🤔，但係個意粉係好食嘅

星期日係我同老公結婚半年既日子，所以出去食返餐好既。我地叫左深海商務套餐 (二人份量)，再另叫牛油煎帶子、焦糖布丁蛋糕。是日餐湯係黑松露蘑菇忌廉湯，蘑菇味同黑松露味好香，幾好飲。雜菜沙律沙律菜好新鮮，醬汁幾開胃。新鮮靚生蠔分別係日本室津蠔N.1同愛爾蘭Dooviel No蠔。食左日本生蠔先，本身已經調左味，入口非常肥美，隻蠔好厚肉。愛爾蘭蠔落少少檸檬汁，味道好鮮甜，兩隻都好正。迷你刺身拼盤有三文魚、帶子、八爪魚、牡丹蝦，全部都好鮮甜肥美，好好食。煎脆皮鵝肝多士脆身唔𠝹口，鵝肝好香口又肥美，好美味。美國安格斯肉眼肉眼份量好多，重牛味，另外有薯條、翠肉瓜同洋蔥。深海海鮮拉麵拉麵係幼身既，海鮮有蝦、蟹柳，仲有菇、半隻溏心蛋、日本魚糕片、魚丸，十分豐富。無酒精飲品叫左石榴特飲同柚子蜜梳打。牛油煎帶子帶子幾有咬口，牛油味唔算好重。焦糖布丁蛋糕蛋糕細細件，冰感十足，唔會過甜。