金華冰廳

營業中

休息中

經過太子金華餐廳就見好多人排隊，這間雞批好好食，外賣兩個做下午茶好大块雞批，價錢合理厚度十足，雞肉粒多配有火腿肉，又香又好味大大個，一個就食到飽啦菠蘿麵包，蛋撻等等都好好味啊

今朝同大食男友去尖沙咀做野, 但未食早餐頭暈暈, 大食男友就車左我去呢間冰廳; 其實呢間冰廳中學時代成日食, 因為食完就去隔離行街, 對上一次食應該都有5年前, 印象中佢既包係好香, 但當時食覺得只係比其他菠蘿包香...事隔數年, 今日再食金華成餐都有驚喜😊;雞批足料皮又脆, 批底咬落夠鬆； 菠蘿包層‘菠蘿’好脆夠薄, 包好鬆軟😋, 大食男友將碟上每一粒 ‘菠蘿’碎都食埋😂; 連碗餐蛋米都有驚喜, 其他茶餐廳既湯底係好似白水無味, 呢到個湯底係夠味而且好大碗(大食男友要幫我食大半碗😅)!最抵讚既仲有, 阿姐見到有位外藉人士攞錯糖槳當辣油, 主動問那位外藉人士要咩同主動攞辣油俾佢👍🏻👍🏻

介紹台灣朋友來尼度開心下午茶☕叫左凍.熱奶茶.凍鴛鴦,覺得奶茶太濃有d苦澀,同侍應阿姨要淡奶來加,阿姨居然比成罐價錢唔平既黑白淡奶隨便我地落!真係好大方啊😍😄點左招牌波蘿油.酥皮蛋塔,菠蘿皮脆甜包中夾住塊凍牛油,咬落嘴度口感香酥.味道甜中帶鹹好滋味!蛋塔皮好鬆化,蛋漿幾厚又有蛋香,其他點左菠蘿豬扒包.西多士.雞批,不愧係知名老店,食物都好有水準！

夜晚六點幾番公司拎野，近排食完金華個墨西哥包後念念不忘，今日經過引唔住又買左個雞批做晚餐。咁夜先買但係拎上手果陣仲係暖暖地上面層酥皮好鬆脆，咸咸地，一路食一路跌出尼。個餡啲雞唔算多，仲有啲火腿，但係食食下竟然食到有塊膠紙整體尼講算係唔錯，如果個餡多啲會更好

一向不太有能力抗拒批、曲奇餅等類香脆食物的誘惑，雖深知製作這類食品牛油和糖等＂邪惡＂成分一定落了不少份量。 這日在太子吃過午飯，想起附近好似好耐無食的金華雞批，哈哈心癮又來了，便走往金華。金華近月在原鋪旁開了新鋪，不過要買外賣菠蘿油，蛋撻和雞批等，還是只在舊店這邊。雞批拿在手中幾'重手'，兼暖笠笠。批裡面的餡料豐富，除了雞肉粒外，有火腿絲，洋蔥和罐頭蘑菇等。批皮上面灑了些芝麻，吃起來很脆又香牛油味。這個雞批味道鹹中帶甜，外皮香脆、內餡濕軟，好食！在外地生活了(十)多年，深深體會到有些味道要地地道道製作才有那個味道和風味。就像這港式雞批，才$8，這地道美味只有在香港才能嚐到，可說是小花費，大滿足呢！

人在太子，個心一定去了金華的菠蘿包，講真去得茶餐廳服務態度預左唔會好好，我之前食親都係菠蘿油加隻太陽蛋，雖然肥，但勁好食!可惜今次，伙記落錯給我，變了菠蘿包加咸牛蛋，真的很失望!之後叫了個雞批，可能已是晚飯時間，雞批不太熱，但很足料!!最後叫了杯熱奶茶!這是我最滿意的!!茶味很香又滑，平時都係叫冰0茶，個日想飲熱嘢，叫了杯熱奶茶，以後去親金華，熱奶茶是必叫的首選!!

最近新聞播出香港許多間老字號茶餐廳/冰室冉冉地停業，所以短時内想試一試不同的老字號食物。這次去了金華冰廳，其實來到這裡也不知道吃什麽。叫了一個豬扒菠蘿包都是因爲聽到後面的客人訂的，而且我也未試過這種吃法。除了包之外也叫了一杯熱寧密。這個午餐不便宜噢！吃的要＄１６，喝的也要＄１６。例牌餐價錢應該差不多把！ 菠蘿包，菠蘿油一般人常常吃的，不過豬扒菠蘿包不是把？其實那一天我很肚餓，所以不能100%說豬扒菠蘿包是很好食，但脆脆、甜甜的包加上咸咸的肉跟一點的蛋黃醬是幾特別的。只能說菠蘿包是金華的招牌菜。一咬菠蘿面就在口中熔下去。走的時候也買了一盒西餅：３個蛋撻；３個雞批外賣總共是＄３６（＄４蛋撻；＄８雞批）雖然吃西餅的時候西餅已經凍了，但是蛋撻還是很香的。好味！雞批皮比較厚，覺得有點“粉”，而且也有點乾、不夠汁。如果下次有機會要試一試奶茶跟墨西哥包。

聽聞金華既菠蘿油紅到聞名海外連CNN都有介紹所以今日特登出旺角就係為左試呢間全香港數一數二既菠蘿油入到去環境真係好嘈好迫排隊亦係店內排感覺更迫不過好彩排左5分鐘就有位首先黎既係雞批因為岩岩出爐所以熱辣辣食落去係辣口既個皮都算香脆但雞肉就少左D同埋皮厚左D不過味道係吾錯既~睇openrice D人話呢度既蛋撻都係名物之一但我就覺得麻麻地因為送到黎已經凍左蛋撻吾夠熱已經失去左最佳品嚐既時機加上蛋撻個穌皮太厚蛋漿亦吾夠香滑呢度既菠蘿油果然係名副其實地好食!穌皮鬆脆,包身夠熱, 而牛油有種好特別既檸檬香味所以食落吾太膩見到差吾多每張台上都會有就知佢有幾出名同好味四個字!! 人間極品!!!!另外, 呢度既雞比都好好食!炸到個皮好脆但入面D肉好入味好香!正阿今次食左甘多肥野真係需要去減肥了

經過呢度好多次，但都無打算入去試，原因只有一個：勁多人！今日好朋友仔話好想試下呢度既嘢食，畢竟起身食第一餐，由於四圍都無哂早餐，呢度都仲可以食菠蘿油，於是決定一試~1pm到達，實在人多到水洩不通，真係估唔到旺到咁既地步！ 不過翻檯既速度都幾快 (可能因為佢地叫客人行入舖等，食完都唔好意思慢坐)，大約5分鐘就坐到一邊卡位~最快到既竟然係例湯同要煮既豬扒飯！ 例湯 - 無乜特別，不過起碼夠熱同都唔少料~洋葱豬扒飯 - 估唔到豬扒咁林，又煎到香口，而洋葱汁好香，撈埋飯食一流~ 呢個推介 菠蘿油同雞批一齊到~菠蘿油 - 新鮮出爐，熱辣辣，塊牛油溶左係個包入面，咬落口皮好鬆脆，好香！ 牛油係anchor既鮮牛油，好香，配埋新鮮出爐既菠蘿包，實在係人間美食！這個必食推介 雞批 - 其實個皮做得好鬆化，好香，好可惜太厚，薄返一半會好好多；至於個餡個人唔鍾意食白汁，所以唔會再食多次~不過呢度最大問題係服務同環境，超嘈、勁逼既環境配上侍應既大聲疾呼，實在有點辛苦~ 再加上侍應太忙，態度實在唔好~

雞批 + 凍奶茶雞批有水準, 好香酥味,雞肉真材實料..只係好似7蚊就食飽, 加杯凍奶茶 奶同茶味各半...真係透心涼環境雖迫,但係好似大家都開開心心好多人都係叫一個下午茶餐, 一齊影下相其實 雞批 真係都okay, 唔想try heavy既波羅油,try this la

抵達旺角, 正在想吃什麼的時候, 剛巧路過此, 看著新鮮麵包出爐, 門口又有人搶購蛋撻等等, 不其然雙腳便吸了進店內. 經常路過此店, 但卻從沒有光顧過~店員馬不停蹄在店內穿插,捧出新鮮出爐包點~ 店裡擠滿人, 心想, “是否好吃得這麼誇呢?!”3點3, 食茶餐~ 可惜茶餐選擇不多, 只有3款, 其中最吸引的個人認為是雞翼加蛋撻, ...其他都是麵食...如是這我們二人均點了這個set. (好像做了一個苯的抉擇)雞翼蛋撻茶餐($22): 兩者均不太特別, 不知是否新鮮出爐的蛋撻已被門口的人群搶購一空, 我們吃的只是有點暖, 沒有太大驚喜, 也沒有anchor 的意慾. 奶茶: 普通,不過不失. 吃罷見同枱對家的雞批好像很吸引, 於是給這店多一個機會, 多來一件雞批作了決~雞批 ($8): 內裡雞肉普通, 但外皮非常鬆化、香趣! 可以再幫襯!有機會會試一下這裡的其他飽點, 但進內用餐, 或許不會了~ 不過值得一讚的是, 如此忙亂的環境, 伙記們態度仍很ok!

去太子攞野，梗係要去金華食菠蘿油啦！好彩去到唔係太多人，等左五分鐘就可以入座蛋撻茶餐：有兩隻雞翼同一件蛋撻，蛋撻食左一啖，雖然唔係熱到燙口，但係酥皮好鬆脆，連唔鐘意酥皮的我都忍唔住食多啖！蛋香好勁！雞批：本來阿姐唔sure有無，好彩有呀！雞批熱辣辣的，牛油皮夠厚，好香牛油味！不過我覺得金鳳的雞批更勝一籌，因為無咁漏～菠蘿油：上次係金鳳實在太差，今次都唔敢期望咁高，但係真係熱辣辣！熱到塊牛油唔到三分鐘就融晒，雖然食唔到冰火交融，但係熱包已經win晒，而且菠蘿包個菠蘿皮好脆，夠甜，真係脆皮呀！好正！齋講個包皮本身都好味過金鳳！凍谷古：因為今朝係昌記飲左奶茶，已經夠左quota，所以先要谷古，不過真係麻麻，雖然大杯，但無乜朱古力味，下次都係要返奶茶雖然係迫，阿姐又惡，但係值得，因為真係好好味！下次一定要再黎！

hehe因為男朋友好鍾意飲奶茶~所以就起openrice搵~搵呀搵就搵到黎啦最近就去左2次..男朋友次次都好BUY一個男WAITER既服務態度..成日都起度話佢一定識MARKETING XDDDD無可否認佢真係幾GAG幾搞笑既..D 客都似乎幾GUR佢呢~第一次去係下午茶時間..叫左個下午茶餐, 有2隻雞翼,一個蛋撻..同埋一杯野飲 另外仲叫左個唔知常餐定快餐, 豬扒飯來的, 都是加杯凍奶茶…豬扒飯不錯嘛..還叫了一個菠蘿油~ 正啊~不過都要等幾耐下..差唔多食哂其他野先有得食~ 不過真係幾好味呢*第2次去就早左D, 唔係下午茶, 如果想食少少野就有D唔知食咩咁..男朋友叫左個麵餐~我叫左個雞批,蛋撻再加杯焉鴦~哈個搞笑既待應原本話6點先有雞批..之後唔知我地真係好彩定佢呃我地話我地好彩..總之都係有雞批食啦~個人覺得個雞批幾好味~不過就唔多雞肉囉,好多洋蔥@@"焉鴦都幾好味喎~ 不過我都係鍾意奶茶多D唧..>U<