發哥粥底海鮮火鍋 (已結業)

九龍灣冇咩打邊爐餐廳，見呢間幾多人食就同朋友試吓，而且係冇限時!呢度有海鮮粥底鍋（非任食）同雞煲（任食）。今次先試雞煲。店員會喺你面前爆香d配料，好夠味，特別嘅係會加牛栢葉落去! 但加湯時要提姐姐加水而唔係加粥底我哋第1次嚟唔知，姐姐加粥底，令我哋食麻辣粥底火鍋火鍋料都多款同新鮮，絕對冇冰痴住食物尤其係蝦，可以叫多幾轉。仲有魷魚鬚都真係成碟鬚!可能呢度海鮮真係正，其他枱都多食海鮮粥底火鍋，下次再嚟要試吓先得。

同老公今日一心去apm打邊爐，但怕收工多人，係openrice 睇公司附近有咩火鍋可以揀，就發現左e間只開夜晚嘅雞煲，又見好評如潮，就試下喇~我地6點20分左右開始食，食到走都唔太多人，環境都唔錯，食物以e個價錢嚟講真係好抵，其他火鍋好少有嘅都可以揀，正。其實最like係姐姐們，佢地態度又好，每一枱都會教你食法，先後次序同用點嘅大細火都會提你，如果係附近放工，可以嚟試下*但舖頭e家未有酒牌，可以自己買入舖，佢地會提供冰筒我o地星期五食, 雞煲HKD198+10（星期五~日）+15（茶介），下次可以試海鮮粥, 好多人叫打邊爐食品主力推薦肥牛，海鮮

係九龍灣揾朋友個時經過景發工業中心附近拎到張20蚊優惠卷，原來附近新開左間火鍋店，咁不如就揾反幾個FD試下啦，反正近排都冇打過邊爐。約左大約7點幾就去啦，大廈出面有一大個招牌寫住 ，好易揾，入到去升降機旁邊門行入去就到。不過招牌係寫住 ，所以大家見到吾好懷疑自己揾錯地方。入到去有2個價錢選擇$258/198，問左阿姐可吾可以一枱用2個價錢，佢又話得，同出面好唔同，難得可以2種選擇，正!!!!! 環境都吾差，地方光猛又舒服，坐位都吾迫。飲品就好似放題咁，自助式自己拎。不過冇酒精飲品，但係我會推介竹蔗水，因為好好飲，叫左幾次，正~~~未食雞煲前，我地先食左個刺身，3種都幾新鮮，帶子係我最愛，大家一定要食。主角雞煲份量十足，個個都食到吾少，味道又正，吾會太喊。食完個煲，阿姐好快手就幫我地轉左個粥底打邊爐。火鍋醬料基本6样都OK不過火鍋材料就有好多選擇，有成58種，一D都唔會悶。我點左多寶魚，墨魚丸，肥牛，滑牛肉，韭菜餃，海沙白(蜆)，蝦，生菜，自家蝦滑，松花皮蛋。。。。。。本人有以下重點推介 1.多寶魚，因為CP值高，街巿買都吾平，依家仼食，又好食。仲要勁新鮮勁滑!2. 海沙白，好甜，又吾