Mata Japanese Cuisine

營業中

休息中

長沙灣廣場呢間日本居酒屋有好多幾有創意嘅fusion菜，而且價錢都相對唔貴，朋友推介，所以去試下。兩個人叫咗幾樣野食同兩款cocktail ，好夠飽，每人大約3百蚊鬆啲。⭐前菜每人首先會有兩碟前菜：蘿蔔、中華沙律。⭐雞皮薯片平時食雞皮都係串燒，今次呢個係一大塊雞皮炸到好似薯片咁脆，仲配埋少少七味粉，食落更加惹味。⭐滕椒腸滕椒腸係日本空運返港，食入口時啲汁爆哂出黎，勁香勁正！不過絕對唔可以睇小個辣度，越食越覺得辣。⭐茄子大阪燒呢個大阪燒用咗茄子同蛋代替平時食開嘅粉漿，夠哂有創意，而味道唔輸蝕比平時嘅大阪燒，啲蛋食落仲好滑，醬汁同木魚絲夠哂多。⭐牛油果醬芥茉煙三文魚意粉賣相幾有心思，煙三文魚整到成朵花咁。意粉沾滿牛油果醬，微微帶點芥茉味，所以唔會蓋過牛油果嘅清香。⭐赤呢度嘅cocktail好似飲sake咁上枱。Cocktail用冰水浸住，可以保持佢凍，又唔會破壞個味。呢杯赤幾好飲，好似fruit punch咁，酸酸甜甜，飲開酒的話，會覺得酒味唔濃。⭐橙呢杯就幾清香，有伯爵茶嘅味道。⭐花生酥餐廳最後送咗呢個自家手製嘅花生酥做甜品，食落充滿好濃郁嘅花生味，好似食口花生醬咁濃，而口感亦都非常酥脆

長沙灣廣場好多平民美食，而MATA呢間居酒屋質素好高，但價錢只屬於中常，無論環境同擺盤都好精緻餐廳幾年前做omakase起家，儲落唔少熟客，喺度食嘢仲會送每人一份花生酥，係以前omakase set嘅其中一款甜品，入口即溶極鬆化，佢哋禮盒預訂嘅需求非常大，所以開設工場，順便轉型做日式fusion菜，喺長沙灣廣場服務荔枝角居民雖然我哋今日冇飲酒，但都叫咗啲日式送酒小食，蕃薯 Crème Brûlée都係必食推介！！雞皮薯片 $68用咗雞髀嘅雞皮，大大塊咬落去脆卜卜真係好似薯片咁！柚子胡椒雞頸肉 $58/2串雞頸肉爽口多汁，油香爆棚，柚子胡椒酸酸甜甜，冇平時食開咁辣咁啃，夠fresh幾好👍🏻吉列黑豚肉配小町米飯 $98呢間居酒屋唔止得送酒小食，如果想食飽醫肚一樣好多選擇，有拉麵、丼飯、意粉等等，我哋揀咗吉列黑豚肉，肉質超級鮮嫩，吉列皮入口即溶好酥脆，連埋椰菜絲一齊食，完全唔會覺得油膩蕃薯 Crème Brûlée $68竟然係原個番薯做器皿裝燉蛋🤤 番薯本身已經好香甜、燉蛋奶香、焦糖焦甜，三種甜味各有特色但零違和感！味醂魚乾 $88魚乾鹹鹹甜甜，好好咬可以慢慢食住傾偈真係好啱送酒洋甘菊茶

朋友推介 飲野吹水好地方去開美孚近近地 過去長沙灣搵食為咗佢個飲品而來青色～ Vodka配芥辣青蘋果同菠蘿個味好順口 冰凍好飲食物方面有驚喜怪味枝豆 ～個汁有少少辣 好食到停唔到口大蔥雞肉串 ～雞肉嫩滑配大蔥好香腐乳松阪豬串 ～松阪豬好juicy配腐乳好夾其他野食都ok正常口味環境舒適適合三五知己把酒談心有下次