しば

營業中

休息中

契妹閉關大半年，適逢小肥生月，終於來電相約短聚，為契哥歡樂慶生一番。兩個人搵位難度冇咁高，又可以去遠少少，所以就揀咗堅尼地城一家表弟妹推薦咗好幾次嘅日式串燒店「しば」（Shiba）。餐廳離地鐵站不遠，不難找到。木造嘅門面配白色嘅布簾散發著一股和風。不過正門嘅候座區旁擺放咗一袋疑似垃圾嘅大黑色膠袋，難免會令等位嘅貴客感到不安。步入小店，發現四周擺出不少酒瓶及列車照片，估計酒酒與火車均為店主嘅愛好。牆上貼出嘅「一刀兩斷」可能有段故喎。。。用餐大堂右方排出一列以抗疫膠板隔開嘅二至四人合拼式散座。早已訂座嘅二人被安排入座左方圍繞著開放式串燒廚房嘅吧位。面前堆疊出嘅酒盒、模型、火車軌等飾物都佈滿塵埃，直令有鼻敏感問題嘅契妹不停嗦鼻水。其實最簡單嘅解決放法就係「斷捨離」咁啲擺設，地方除咗會見洗啲，清潔工作亦簡易得多，衛生自然可有所改善。桌上除咗有消毒物資、自用餐具及串燒棄置桶之外，每人仲有隻連盒嘅清酒杯，客路明顯飲清酒多。兩頁飲品牌順理成章地以日本清酒項目為主。其中一塊黑板亦寫上半價清酒推介。契妹一向不好酒精類飲品，XO仔唯有獨自暢飲三得利生啤（$88/380ml）。食串燒有度好，就係可以各自各點

經常都講，堅尼地城的餐廳越開越多，而且已經不再局限於粥粉麵店、燒臘枱、港式小炒等等舊社區街坊小店，而是正宗扒房、酒吧式餐廳、甚至高級日本料理，而香港市場佔有率最龐大的兩間連鎖咖啡店也進駐了堅尼地城。原因非常簡單，早十年八載前開始拆卸的舊樓已經重建完成，多了一批高消費能力的外來居民進駐，當中更有不少外籍人士，咖啡店及高級餐廳自然有市場。最近搬回堅尼地城短住一段時間，晚上及週末在附近蹓躂，發現隨街碰上外籍人士之外，電車總站一帶更仿如迷你酒吧街，變化之大，10年前真的難以想像。今晚只有一個人開餐，漫無目的在幾條小街走來走去，無意中發現了「しば」，門面並非以前的堅尼地城的港式日本料理，而是相當正宗的日式居酒屋，一於試試。講返轉頭，究竟20幾30年前「しば」舖位做什麼生意？真的沒有印象。雖然在西環住了30幾年，但以前真的不會逛這些小街，因為印象中只有車房、五金舖、夜冷店等等。看看門口的單張，「しば」隸屬日本料理集團 Keyaki group。集團共有六間日本料理餐廳及一間日本 whisky bar，之前曾經幫襯的「玩具屋」及「風林火山」也是旗下餐廳之一。每間餐廳的主打料理、裝修風格及主題，甚至餐