鴻記極品雞蛋仔

營業中

休息中

第一次嚟到太安樓朋友話雞蛋仔一定要試 所以嚟咗鴻記食佢即叫即整但整得好快 個皮係脆嘅而且係裏便係超級足料係我食過最足料嘅雞蛋仔足料到好似食緊雞蛋糕咁難怪咁多人推介 必食！

想試左呢間雞蛋仔好耐難得今日有時間終於扚起心肝過海搵食去到已經有幾個人排緊隊等左十零分鐘終於拎到啦未食第一啖已經知道我無黎錯，非常易摵，證明夠脆即叫即整係唔同啲，新鮮滾熱辣一咬落去好鬆脆而且粉唔會過多，最緊要係時間較到岩岩好，唔會好似某啲舖甘整過左龍，搞到硬又乾連平時唔食雞蛋仔既男朋友都食唔停口值得一試再試

記得以前細個果時都係幫襯街邊檔既雞蛋仔, 因為個火侯夠, 但隨住街邊檔買少見少, 好多雞蛋仔檔都入哂舖用哂電子爐. 個味道點都會差少少. 食左咁多間雞蛋仔, 都係呢間最好, 佢係即叫即整, 保証新鮮製造. 所以亦需要等5 - 10分鐘. 整好後又會攤一攤涼先俾你, 保証脆口. 雞蛋仔本身用既粉醬夠蛋香, 而且整既過程落既份量適中, 食落唔會有'食左成團粉' 落肚既感覺. 用黎做下午茶/消夜都一流呀~ 今日揀左下午黎幫襯, 可能因為未放學放工所以人比較少, 平時星期六日, 晚飯時間都會比較多人, 試過有幾次都等左差唔多半個鐘. 呢間舖頭除左有雞蛋仔又點會少得格仔餅, 同一個粉醬但做出黎既口感好唔一樣, 加上佢既醬料真係好好食. 係一間值得推介既小店. 

在西灣河區居住了兩年，真的很少進入太安樓搵食，主要原因是太安樓的風格真的不合我，對那些太安樓的食店也不認同，雖然，有很多食店的確有很多人排隊.......。我自從嘗試過神級雞蛋仔店-筲箕灣的 低調高手，我真的很少去其他的雞蛋仔店，每次想去食雞蛋仔，我也會坐15分鐘的電車到筲箕灣的低調高手去排隊。今晚，突然間心血來潮想食雞蛋仔，又在太安樓附近，又記得 openrice 西灣河區的第四位是鴻記極品雞蛋仔，叫得做極品雞蛋仔，又係OpenRice的第四位，風頭那麼利害，便破例幫襯一下。當晚無乜人排隊，我已經是排第二，叫了雞蛋仔，事頭婆便開始做了，在門口等了十多分鐘才做起.......算！我也體諒即叫即做是需要等😓取了雞蛋仔，便立即試食，雞蛋仔的口感算不錯，能做到外脆內軟，看得出她對做雞蛋仔是有她的心德👍🏻已經比起她的很多同業好很多，但是味道方面就偏淡，本身自己都吃得清淡，但連我都覺得淡就對很多人説是很淡。雞蛋仔是地道街頭甜點，甜點的目的就是能帶給人甜美與開心的感覺，而鴻記雞蛋仔就是欠奉。如果鴻記雞蛋仔不加上及自稱極品二字，我不會帶有期望去試，反而可能會帶給我一些驚喜。無疑吃過後真的沒有達到極品

雞蛋仔 - 終於在香港吃到實心的雞蛋仔！外面鬆脆，內裡鬆軟，仲要是實心的，足料又考功夫，擺耐左食到最後一粒依然外皮鬆脆。有兒時食木頭車雞蛋仔既實在感，當然呢度係電爐，整既係鬆化脆皮的雞蛋糕仔，非常好吃，蛋香味融入蛋糕仔的甜，一粒接一粒不能停口！格仔餅 - 用既蛋漿跟雞蛋仔是一樣，一口咬下非常鬆化，可惜花生醬溝得過稀，真係好稀！雖然混合其他如煉奶的醬料可使整個格仔餅的口感脆而濕潤，但卻蓋過了花生醬配沙糖那濃濃絕配的味道。整體是好吃的，只是缺少了那傳統的風味。

搭車返屋企期間，瞓到隻豬咁，瞓醒嘅時候已經去到太安樓，心諗真係唔好彩。既然咁唔好彩，就走入去搵吓嘢食，諗住試芋圓，點知未開，隔離就係呢間貼滿報道嘅雞蛋仔。食雞蛋仔又好似幾開心喎，就買個試吓先落單後先即刻新鮮製作，超慷慨地將蛋漿倒呀倒直到滿瀉。等咗大概5分鐘後終於出爐了，熟手嘅老闆即刻將雞蛋仔成塊攞出，放喺鐵架上等一等，雞蛋仔就變咗圓拱形，入袋食得了近呢幾年都好少食雞蛋仔，因為唔鍾意入面係空心。但呢個真係好吸引，首先四圍有脆脆嘅蛋片、每粒雞蛋仔嘅外層都好脆，入面實心，外脆內軟綿嘅口感係我最愛啊！而且蛋味香濃但甜度適中，真係好好味😋全因為落錯車 先有機會食到咁好味嘅雞蛋仔😋

住東區的人必知道太安是隱世而公開的平民夜市，各式各樣的平價小吃，主食，甜品可謂應有盡有。雞蛋仔有兩檔，識吃的必吃這檔鴻記雞蛋仔!今天與弟弟和媽媽來到這裡，弟弟雅興來到想吃格仔餅，於是便買來一底格仔餅和雞蛋仔，今晚人流不多，新鮮出爐的格仔餅和雞蛋仔很快便送來我們的手中。格仔餅幾乎就是弟弟獨享，故我也沒有幫它拍照，據他形容，格仔餅質地較為脆身，而他較喜歡鬆軟的，餡料似乎亦有不少。雞蛋仔拿上手熱辣辣的，這種熱度最好吃! 餅邊和外皮十分脆口，蛋味濃郁，特意咬下一半，可見雞蛋仔中間是實心的，真材實料，質地鬆軟，名副其實的外脆內軟，好吃! 兩者都是$16，值得一試!

好日也不會過黎西灣河這一帶, 畢竟要我這個荃灣人由地鐵的一端跑到另一端真太遠。。。今日難得與朋友過來睇 band show, 我這個為食之人, 當然要先 look look openrice的各位兄弟姐妹有何推介吧。太安樓真是一個搵食既好地方,  中式, 西式, 泰式都有。看著看著還是覺得這個雞蛋仔最吸引, 鋪頭掛著醒目的紅色招牌並不難找。他們的雞蛋仔是即叫即做, 落單後要等大概4 分鐘左右, 要食好野真不能心急呢。看著老闆娘熟練的往模具倒入蛋液，不久就傳出引人的烘焙香氣！已然好想食啦但邊有咁快有得食呀，此時老闆娘靈活的把模具一個反轉，再輕刮模具旁溢出的蛋液，驚喜的是她並未有把這些可愛的脆邊刮掉，只是把他們從模具刮起。yeah!!!滿心歡喜的再多等一會，我的雞蛋仔就脫模而出了！老闆娘把佢放在另一邊的鐵架 cool down 一會就終於把佢交到我手上了~~~ 急不及待往嘴送入一顆漲鼓鼓的雞蛋仔。外脆内軟呢 yummy! 而且佢的內涵豐富，食完一底有充分的飽足感，令我有充足的能量在 band show 跳足一晚~~~ haha 鴻記雞蛋仔。期待下一次和你的約會

說起香港口味，相信大家一定會想起街頭小食咖哩魚蛋、碗仔翅、砵仔糕以及雞蛋仔等早早已經深入民生只要一起嘴嚵，就會鎖定這此美味小食，既不會霸著肚子，也能一解口舌之苦。雞蛋仔在香港無處不在，大部份小食檔都會用其自家配方去製作雞蛋仔而製作雞蛋仔的混漿中麵粉、蛋、奶、糖等的比例，以及師傅控制火候的功夫就成了雞蛋仔味道的關鍵。在香港數一數二好吃的，除了那間連鎖式經營的「北x雞蛋仔」（可是價錢也是十分數一數二，而且就是用模具印出來一式一樣的樣品貨）應該就只有大坑的炭爐伯伯雞蛋仔，但現在已成絕響在美食琳璃的太安樓，亦有兩間好食的雞蛋仔一間在一名著名食家大力推廣下，由炭爐變成電爐水準像在十米跳板上跳下來一樣直插水底以前要排一、兩小時的人龍如今變成不用排也沒多少人吃的次貨。因此眾人都轉戰另一間水準不俗的雞蛋仔店，鴻記鴻記店面都張貼了CNN的傳統雞蛋仔報道，老實說傳不傳統我真的不知道但老闆囂張卻真的是囂得起，因為的確常常看到有長長人龍排在店外今天差不多晚上十時多來到，人潮已散，因此即製的雞蛋仔也不用等很久就有得吃。雞蛋仔出爐時，老闆會快速小心將之屈曲並即時用強力風扇稍為風乾，使其極為鬆脆光顧時發現雞蛋仔價錢