新華茶餐廳

營業中

休息中

下午繼續在長沙灣搵食，是日就想食茶餐廳，所以就黎左呢度啦。大概午飯時間一點多黎到，都立即有位唔駛等~ 內裡係舊式茶餐廳格局，非常有風味而且又唔會覺得好迫，感覺唔太差既。一直以來大家總愛研究鍾意食餅皮定酥皮蛋撻，我既答案永遠都一定係酥皮!!! 一D都唔鍾意食餅皮，見呢度有酥皮蛋撻就叫左個食~ 另外再叫左個常餐，不過食到尾覺得太多，唔係好食得哂，哈哈。呢度既酥皮蛋撻都算唔錯，之前食過有D會有「油益」味，但呢度就無~ 酥皮都算鬆化，不過唔係好夠牛油香，而且我會鍾意再薄少少既酥皮。蛋漿熱辣辣，比例幾好唔會覺得太少，而且又唔太甜，都算幾好食~~~另外茶餐就有火腿奄列加餐包加雪菜肉絲米，奄列勉強都可以，有蛋汁但唔係好多，但都唔算炒到好老的~ 我鍾意佢個餐包呀，又係好夠熱辣辣，好似新鮮出爐咁，咬落去好鬆軟，好味好味~ 雪菜肉絲米.... 係呢一刻唔太諗到講咩好~ 哈~整體服務都OK唔會有任何問題，可能唔係繁忙時間又唔會好趕你走咁，食物ok，可以再黎食過呀。=)

由於我和老公要去長沙灣逛街，所以，我們便到新華茶餐廳去品嚐食物。不知是否公眾假期關係，店內充滿食客，甚至乎閣樓也滿座。老公點了鮮茄燴意粉及熱奶茶，而我則點了午餐，包括奄烈、牛油麵包、雪菜肉絲米及涷奶茶。我們覺得這個鮮茄燴意粉比起旺角的文華冰廳遜色一點。因為番茄略少，而且意粉又沒有被預先炒過，所以味道差一點。至於熱奶茶則不錯，有茶味，而且花奶又多。而我的奄烈則沒有蛋味，可能是蛋槳炒的。牛油餐包也只是普普通通罷了。相反，雪菜肉絲米就幾好味，雪菜味濃之餘又帶點辣，唔錯！最後，輪到涷奶茶啦，有茶味及多奶，但比起熱奶茶則甜些。

OR人人對新華都是有讚無彈，我今次既食評，也只是錦上添花，沒太大意思。但在長記生活了廿幾年的我，不在此留番幾行字，好像又說不過去，就交一篇文章出來吧！兩個人來吃，點了飯餐同埋特餐，大家share食。飯餐的沙爹牛肉飯和凍檸茶，合共三十一蚊。飯端上來時，香氣陣陣，沙爹汁香口，只是少許辣，又帶微甜，十分惹味。牛肉稔身，入味，加上炒過的洋蔥，送飯是一流。大家吃過都讚不絕口，愈食愈開胃。特餐選了雪菜肉絲米及火腿奄列，飲品同樣是要凍檸茶，價值則是廿六蚊。先來的竟是米粉而不是奄列，吃茶記就是這樣不拘小節。雪菜爽脆可口，肉絲也很有味道，米粉幼滑，又是美味。火腿奄列即叫即做，溫度足，既有蛋香，蛋汁豐盈。雞蛋包著一大堆的火腿絲，相當配合。餐飽賣完，只剩下白麵包，也照殺。白麵包去邊，牛油份量不少，可以收貨。呢度既奶茶都幾出色，但當日已飲左兩杯，怕個胃頂唔順，還是不來第三杯了。改飲凍檸茶，茶味濃，檸檬多，夠冰凍，一樣了得。其實蛋撻雞批都好掂，不過胃納有限，惟有下次再來品嚐。