金祥排骨麵

營業中

休息中

依家過咗嚟港島出差，放工就係大島搵美食，早排去咗金鶴拉麵，而一講到麵，又點會唔提金祥呢!幫襯咗30年了!想當年都無咩人排隊，依家吓吓都成十幾人係門口等位!女友小熊今日係西環出差，所以叫佢放工就去等位先，小熊等到出哂汗，小熊變瘦熊!辛苦哂啦! m( _ _ )m小熊點咗雲吞麵，我就點咗牛腩冬菇，兩個都係幼麵，多蔥多蒜，另外一客炸排骨同炸豆腐.炸豆腐無落調味料，外脆內軟又辣咀，係今次最欣賞嘅小食.炸排骨失色咗，一來凍咗D，二來唔夠 Juicy，但又未至於乾身鞋口，可能擺咗一段時間，外層脆口感差咗DD，但可接受之範圍吧...湯頭味道清甜，再加上蔥花同炸蒜，令清湯更香口，先俾個 Like!雲吞皮唔係薄皮，再加上足料嘅內餡，食3粒已經飽肚!牛腩入味但乾身咗少少，冬菇夠冧炆得入味，相比起30年前冬菇嘅 size 都變細咗，無辦法啦!30年前物價同依家係兩回事了!幼身上海麵比想像中彈牙，份量絕對足夠，我同小熊都食唔哂!一碗麵四十零五十蚊，又飽又好味又平，灣仔返工果頭D餐廳，又貴又唔好食!唉..... 感慨!小熊見到前後兩圍枱，就化身成暴力熊細細聲同我投訴，話見到D食客食完係到吹水玩手機，門口就企哂D

剛剛看到 G鋒介紹，所以晚飯就選擇在此買外賣。原來此處是 HKU 同學的飯堂，很同學食晏還晚餐都再次解決。招牌名叫得做排骨麵，所以一定要試排骨麵。排骨即叫即炸，非常香脆，雖然炸物一定多油，但沒有肥肉，怕肥都唔怕食。再叫雲吞麵，上海海雲吞是菜肉餡，十分足料，皮薄但沒有爛皮，手工精巧。做得上海麵，麵底當然重要，粗幼一致，彈牙有口感。湯底亦不俗，有味但不太鹹，送麵易入口。最重要的是，小店除了有小店風味，亦是黃店，滿載人情味和良知。

話說打算到金祥一試佢既排骨麵講左一年有多，今日總算到來品嚐一下到底有冇朋友講既咁好食 坐位有d迫，快快叫野食!一碗排骨麵、一碗雲吞麵、一個腐皮紫菜卷、一杯酸梅湯呀唔該。排骨麵黎到，睇見個排骨炸得咁靚，口水都流埋!!忍唔住喇 真係好好食呀!仲有呀!!個上海麵同平時食開既都唔同架!!軟綿綿得黎有彈牙既感覺，正!另外，雲吞麵一樣好食，大大隻既雲吞，餡料十足，皮唔會太厚!腐皮紫菜卷，呢兩樣野加埋一齊煮我係第一次食，炸得好香好脆口，讚!酸梅湯，食咁多野，配返杯酸梅湯飲就岩晒喇，開胃呀嘛!總括黎講，金祥排骨麵令我重新愛上炸排骨!!而且價錢超抵食！朋友真係冇介紹錯