影片
更多
2021-03-29
82 瀏覽
放假嘅節目離不開飲飲食食，呢日又再次嚟到佐敦同尖沙咀交界嘅三角位，位置雖然偏離中心少少，但餐廳選擇非常多，而且中伏嘅機率相對低(個人經驗)。今日就去咗「Garden Bar & Restaurant」食晏，佢係一間超靚嘅秘密花園西餐廳🌸🌼🌺。環境方面，餐廳真係超級多打卡位📸，每個角落都放滿花花草草嘅擺設，令你完全有置身喺花園嘅感覺，好靚好靚啊😍。更特別嘅係餐廳用上好濃嘅花味香薰，同裝修襯得絕。不過都係講返食物先，餐廳星期六都有做午市套餐，總共有六款選擇，價錢由$68至$108不等。套餐包沙律同湯，價錢本身已經唔貴，而家仲要做緊「二人同行，一人半價」嘅優惠‼️，咁即係抵上加抵👍！和牛漢堡扒配薯條($108)，呢度賣嘅竟然係淨漢堡扒，而唔係漢堡包🍔，實在太好了！因為我真係冇興趣食麵包。漢堡扒上面鋪咗煎蛋同兩塊芝士，成個組合感覺幾有港式漢堡風味。🐮漢堡扒用上和牛製成，牛味果然非同凡響，而且非常多汁，如果打得再結實少少就無敵。🧀芝士嘅鹹香令到漢堡扒好夠味，再配埋煎蛋食🍳，口感更有層次。伴旁嘅炸薯條🍟份量幾多，炸得幾好食，做到外脆內軟嘅效果。雲高利意大利粉($88)，佢其實即係香蒜白酒蜆肉意粉Sp
放假嘅節目離不開飲飲食食，呢日又再次嚟到佐敦同尖沙咀交界嘅三角位，位置雖然偏離中心少少，但餐廳選擇非常多，而且中伏嘅機率相對低(個人經驗)。今日就去咗「Garden Bar & Restaurant」食晏，佢係一間超靚嘅秘密花園西餐廳🌸🌼🌺。
環境方面，餐廳真係超級多打卡位📸，每個角落都放滿花花草草嘅擺設，令你完全有置身喺花園嘅感覺，好靚好靚啊😍。更特別嘅係餐廳用上好濃嘅花味香薰，同裝修襯得絕。
不過都係講返食物先，餐廳星期六都有做午市套餐，總共有六款選擇，價錢由$68至$108不等。套餐包沙律同湯，價錢本身已經唔貴，而家仲要做緊「二人同行，一人半價」嘅優惠‼️，咁即係抵上加抵👍！
和牛漢堡扒配薯條
$108
2 瀏覽
0 讚好
0 留言
和牛漢堡扒配薯條($108)，呢度賣嘅竟然係淨漢堡扒，而唔係漢堡包🍔，實在太好了！因為我真係冇興趣食麵包。漢堡扒上面鋪咗煎蛋同兩塊芝士，成個組合感覺幾有港式漢堡風味。🐮漢堡扒用上和牛製成，牛味果然非同凡響，而且非常多汁，如果打得再結實少少就無敵。🧀芝士嘅鹹香令到漢堡扒好夠味，再配埋煎蛋食🍳，口感更有層次。伴旁嘅炸薯條🍟份量幾多，炸得幾好食，做到外脆內軟嘅效果。
雲高利意大利粉($88)，佢其實即係香蒜白酒蜆肉意粉Spaghetti alle Vongole🍝。呢碟意粉蒜香味十足，但又唔會過火，所以整體算幾惹味。意粉用上最普通嗰種，不過都煮得幾彈牙，亦易掛汁。蜆肉用料新鮮，大隻肥美，並唔係求其俾啲雪藏貨客人，有誠意。意粉擺盤幾靚，面頭落咗啲菊花碎作點綴，車厘茄亦為菜式加添色彩🍅。
南瓜湯，🎃餐湯用杯上，大大碗，味道濃郁又唔稀，而且抵讚嘅地方係夠晒熱。
檸檬薑油醋沙律，🥗沙律菜就冇乜特別，不過個汁就同平日食開嘅唔同，因為係用上酸度較強嘅檸檬薑油醋🍋，鍾唔鍾意就見仁見智啦。
店員幾友善，喺埋單之際佢為我哋送上印花卡💮，凡惠顧一份正價午餐就可以獲得一個印花，儲夠八個就送一份午餐。如果喺附近返工，其實真係唔難儲。
題外話，餐廳仲提供玩具比客人玩，好似Cafe咁，夜晚玩酒Game就啱哂🍻。無聊事一則，餐牌播住嘅廣東歌歌單完全符合我心意，我忍唔住跟住一齊唱🎤。
總括嚟講，估唔到喺打卡餐廳食晏可以咁平落樓😳，食物味道都幾好吖。有時啲餐廳環境係靚，但就暗藏邋遢，不過呢度唔會，店員落力清潔，四周圍都好乾淨，環境舒服涼快，值得大家嚟朝聖打卡啊🤳！
張貼
