Cocolo Tokyo Cake Factory (朗豪坊) (已結業)

今日去左朗豪坊shopping 🛍️想搵個地方揭下腳食個甜品 去到B2層見到呢間餅店見有個青森蘋果好吸引啊 就入去坐低買黎試下😋🥠 青森蘋果批 （$38）標明係人氣No.1 全人手製造 份量十足 有好多層既酥皮 一口咬落去酥皮非常鬆化 食完每一層鬆脆酥皮 入面係味道清甜又清新既青森蘋果肉每一啖蘋果蓉都有粒粒嘅蘋果肉 用料十足👍🏻製作相當好認真 食得非常滋味😋 絕對係必食之選🌟🍮 特濃雙層朱古力蛋糕 （$38）標明係🇯🇵日本直送朱古力味超級香濃 感覺有d似慕絲 唔會太甜☕️ 摩卡咖啡 （$32）除左蘋果批 甜品之外 仲有其他唔同飲品 很多選擇摩卡咖啡即製 口感香濃幼滑

$35青森蘋果批🍎 -餡料用來自日本嘅青森蘋果製作！果餡內蘋果大大粒，味道清甜Juice又爽口🫶🏻-酥皮又薄又酥脆，咬落去仲有陣陣嘅牛油香🤤食落去仲係暖笠笠！值得一試！$35特濃雙層鮮奶芝士奶油蛋糕好好食❗️鍾意食芝士嘅朋友仔唔好錯過，佢係一隻兩層嘅芝士蛋糕，食落去有好濃郁嘅芝士味。正！😍😍$30 焦糖堅果奶油蛋糕 聽落去個名好似好甜咁，但食落去一啲都唔會好甜！🤣配搭上堅果一齊食，令口感10分豐富💕 略嫌焦糖味比較淡

今日去咗旺角行街 行行吓行到好攰想坐低食個小tea 就見到呢間 Cocolo Tokyo Cake Factory 又真係有啲掛住日本🇯🇵 所以都即刻入去坐低食件cake😌 喺門口已經見到呢件 人氣no.1青森蘋果批🤩 就知道一定要食呢個啦 然後佢仲有一個蛋糕櫃 有唔同嘅切件蛋糕🍰😋 都有唔少選擇😀 青森蘋果批 $35落咗單之後好快就嚟到 呢個蘋果批上枱嘅時候仲係暖暖地 可能係新鮮出爐冇耐😬 好香好香 切開果下係聽到酥皮係好脆🤩入面有蘋果蓉同埋一粒粒嘅蘋果肉 當然唔少得嘅就係吉士啦 一啖一啖真係好滿足😋 梳乎厘芝士蛋糕 $30係好鬆軟亦都好濕潤嘅芝士蛋糕🍰 芝士味唔會話超重 加埋蛋糕感覺好輕盈 甜度亦都岩岩好😌 呢度係有一個日本風 環境舒適亦都有叉電位 可以俾我哋坐低抖抖😌 佢仲有其他飲品 不過我哋中午飲左野 下次再嚟試下先😬 整體來講 呢間Cocolo Tokyo Cake Factory都真係比到唔小日本既感覺架 特別係個蘋果批 食完就明點解佢係全店人氣😆 會再黎食呀😋

經過朗豪坊地下嗅到陣陣酥皮味，原來係青森蘋果批。店內主要係木系嘅裝修，簡單整潔，有點日本嘅感覺。店內嘅蛋糕類型都唔少，有cheesecake 同蒙布朗蛋糕，今次選擇左青森蘋果批同cheesecake 同我閨蜜係屋企慢慢嘆。包裝好精美，一打開就嗅到酥皮味。青森蘋果批好出名，之前係日本食過一次，念念不忘。店員推介話係日本店整再空運到港。望到酥皮層層分明非常蓬鬆，食落唔油，酥皮香脆鬆化再加埋青森蘋果餡同吉士達奶油，又甜又香。只可惜蘋果批有點細，2個人分享一口就食完，下一次食2個先滿足到我嘅思鄉之情。香橙芝士蛋糕上層係糖漬香橙，甜甜地帶點橙味嘅口甘，cheesecake 有淡淡嘅橙味，餅底都唔算好硬。味道算正常，但唔算突出。相較之下蘋果批更出色。店內仲有好多唔同嘅甜品，下次再同閨蜜試其他野。

今日第一晚恢復晚市堂食 🤩🥳🥳 食完晚餐 梗係要食返個甜品🥐🍰見到門口做緊期間限定優惠 買滿3件蘋果批就會送多一件指定甜品🤤 即刻入去食啦 🍴🍽 終於唔洗外賣糖水/甜品😋😋店舖內有好多款甜品選擇🍰🧁🥧🍮熱批類 除左蘋果批仲有牛角酥而凍餅櫃： 有cheese cake, brownies, 三層忌廉蛋糕, 馬卡龍🍰🤤🤤 件件賣相好吸引🍎青森蘋果批 $35 仲係熱辣辣 聞起上嚟好香玉桂味道😋😋 蘋果批外有一層層酥皮 入口鬆脆🤩 內餡有粒粒的蘋果果肉同吉士醬😋 食落酸酸甜甜 味道好夾🥰🥰 -🍰 日式焙茶蛋糕 $30三層嘅忌廉蛋糕 初頭驚會唔會太邪惡但食落 忌廉冇想像中咁死甜 反而帶有好濃郁嘅焙茶香氣 味道甘香帶有微微的澀味 🥰 中間嘅蛋糕口感鬆軟 濕潤 讚👍🏻-🍽🍴總結 🍽🍴店鋪 以日系簡約風格設計 主用木製桌椅 感覺令人舒服😌 而且每張桌子上都有獨立紙巾 🧻 充電 🔋椅子底亦有藤籃可以存放物品 好貼心💛 岩晒 同閨蜜姊妹一路食甜點 一點傾偈😆

辛苦工作之後想好好獎勵吓自己黎到朗豪坊呢間頗為有名嘅甜品店前嗰排見好多人食佢哋嘅批疫情之前應該都好多人喺度食啱啱出爐嘅批除咗批之外仲有蛋糕㗎~近期仲新增咗宇治抹茶飲品 望落都幾吸引🥰青森蘋果批啱啱整出嚟熱辣辣真係超級好食！雖然食落去好友罪惡感，但一層又一層嘅酥皮啱啱整出嚟熱辣辣又熱又脆，最鍾意食熱辣辣嘅甜品同出面嘅蘋果批可能有啲唔一樣嘅係佢加咗奶黃喺蘋果同酥皮中間有淡淡的奶黃一開始好驚會太甜但完全不會！蘋果批嘅魅力就係又清新又酸甜呢個蘋果批食落有一粒粒嘅新鮮蘋果，唔會太甜加上少少奶黃醬就啱啱好🤤個人覺得酥皮同蘋果嘅比例啱啱好，唔會過多過少~焙茶奶油蛋糕相比較之下可能蛋糕就會普通少少🙈但都係好食的就咁食雙層嘅忌廉好重焙茶味下面夾住蛋糕，食落去唔會太肥膩太有罪惡感奶油幾滑 雖然同蘋果批比普通少少但食下食下不知不覺就食晒了😚.好推介大家平時經過朗豪坊就買一件試吓真心蘋果批出面都要買40至$60 ，但呢個一人份量真係食到少少飽🤣好食又抵食！

日本過江龍蘋果批專門店Cocolo Tokyo Cake Factory自從登陸西貢後先後再於灣仔、元朗及旺角開設分店，雖然已經嘗過多次但經過朗豪坊仍無法抵擋金黃色蘋果批的魅力。朗豪坊店比灣仔店環境更加寬敞舒適，堂食座位更多之餘更貼心地提供叉電線。所有批類食材及蛋糕均標榜由日本直送，本來打算一試藍莓批、檸檬忌廉芝士批底栗蓉批等其他款式，可惜當日只有供應蘋果批。青森蘋果批 ($35) 內餡吉士醬份量比上次更多，與此同時蘋果醬與蘋果粒則相對較少，整體以吉士醬奶香為重，軟滑稠密而趁熱享用更呈流心狀態，酥皮雖然邊位略帶焦黑但口感比上次更加鬆脆分明。紅茶奶油蛋糕 ($28) 佈滿鮮忌廉奶香醇厚，蛋糕鬆軟並帶淡淡茶香。

經過朗豪坊底層見到有間甜品店賣青森蘋果批🥧仲大大隻字寫住「日本直送」🇯🇵即時雙眼發光🤩同朋友買左一件蘋果批同一件蛋糕🍰♡ 青森蘋果批（$35）拎上手有微熱♨️而且有番咁上下重量係一手難以掌握既大小🤲🏻外皮超酥脆 · 而且帶牛油香🧈裡面既蘋果餡同吉士醬分佈平均✨而蘋果餡好清甜🍎蘋果粒仲帶少少爽口感💥但食既時候真係要小心😆外皮太酥脆😗一時唔為意就會搞到全身都係碎包裝紙仲要幾可愛☺️👻♡ 梳乎厘芝士蛋糕 （$28）蛋糕係好輕好軟既質感🍧芝士味唔算係重🧀但成個感覺好舒服就算食哂成個都唔會好滯👻༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ꨄ小小總結：餐廳有提供堂食每張枱仲準備左充電器岩哂行完街想搵地方休息下個人充電抖下之餘手機都充下電

經過朗豪坊底層見到有間甜品店賣青森蘋果批🥧仲大大隻字寫住「日本直送」🇯🇵即時雙眼發光🤩同朋友買左一件蘋果批同一件蛋糕🍰♡ 青森蘋果批（$35）拎上手有微熱♨️而且有番咁上下重量係一手難以掌握既大小🤲🏻外皮超酥脆而且帶牛油香🧈裡面既蘋果餡同吉士醬分佈平均✨而蘋果餡好清甜🍎蘋果粒仲帶少少爽口感💥♡ 梳乎厘芝士蛋糕 （$28）蛋糕係好輕好軟既質感🍧輕輕芝士味🧀成個感覺好舒服食哂成個都唔會好滯👻༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ꨄ小小總結：餐廳有提供堂食每張枱仲準備左充電器岩哂行完街想搵地方休息下個人充電抖下之餘手機都充下電

之前喺灣仔都食過一次呢個蘋果批，覺得個味道好唔錯～經過朗豪坊先知原來呢度有🤣呢排冇晚市堂食，呢個企喺度食都方便，就決定買佢嚟食🤤我去嗰個時間做緊買四送一，其實都幾抵，不過我哋得兩個人，下次先幫襯佢個四送一😆批類方面佢都有鹹有甜，不過我哋都係叫咗個招牌嘅青森蘋果批 ($35)🍎外皮真係好酥脆，好有牛油香但又唔會覺得好heavy，入面嘅蘋果粒好好味，我覺得甜度適中，仲食到少少爽脆蘋果口感🤣另外我哋見佢蛋糕都幾靚，選擇都好多吓，所以叫咗件三層朱古力蛋糕 ($28)🍰呢個價錢都算幾抵，朱古力味好濃，忌廉亦都好軟滑，整體嚟講都好味😚下次再經過再做買四送一我都會買返屋企😋多啲人一齊share🤤

禁堂食後，吃貨們冇左人生好大嘅樂趣。 係放工後， 冇啖好食，一份好嘅甜品絕對係life saver。經過朗豪坊，聞到好想嘅牛油味，跟隨個味搵到呢間日本甜品鋪，原來咁啱佢地嘅蘋果批新鮮出爐。咁就當然買翻件試試。青森蘋果批 $35因為我外賣緣故， 翻到屋企自己拎去焗焗先。 焗完外層酥脆，好重牛油香，成家即刻過黎望望咩名堂。 佢裡面有蘋果粒同吉士醬，份量剛剛好，又唔會太甜。蘋果粒keep住爽嘅口感，令成個批層次豐富。三層抹茶蛋糕 $28見佢有唔同口味嘅蛋糕就整翻件試試。 比起上面個批就掙d, 唔係好夠抹茶味。 不過蛋糕都鬆軟嘅，cream都唔會好膩。佢其實都有得堂食，環境都唔錯，安靜都幾chill。 如果堂食都可以考慮叫杯嘢飲嘆件餅relax下。

之前喺灣仔試過Cocolo嘅青森蘋果批，一直都念念不忘，難得喺旺角開咗分店，今日路經附近，呢期又咁興食apple pie，就買幾個返屋企。原來依家已經發展到有配送服務，做散水餅都唔錯喎！其實呢度除咗有青森蘋果批做主打之外，仲有好多唔同種類嘅甜品，不過今日嚟到已經比較晏，好多都已經售罄。雪櫃內仍有唔同款式嘅蛋糕。連Macarons都有，真係幾吸引。買咗幾件蘋果批返屋企，連包裝盒都一樣咁精美。每件青森蘋果批都會有一張紙包住，方便進食。青森蘋果批係一個千層酥，入面包含着青森蘋果醬，仲有粒粒蘋果肉，非常有咬口，甜度亦適中。老公鍾意食cheesecake，所以我仲買咗一件香橙鮮芝士蛋糕。芝士蛋糕好香滑，充滿芝士香味之餘又唔會覺得太溜，配合微微嘅橙香非常清新。

今日經過旺角朗豪坊, 見開左新既CAKE FACTORY,主打日本直送青森蘋果批,又聞到勁香蘋果批味,咁當然要買反個試試佢。入到去見到個甜品櫃,又忍唔住買多左件抹茶焦糖MOUSSE 蛋糕杯1)青森蘋果批HKD 33青森蘋果批是呢間鋪主打招牌, 強調日本直送。除左青森蘋果批,佢仲有忌廉吉士批, 和風牛肉批。講反個森蘋果批先,佢係熱辣辣香噴噴。就咁睇已然見到佢好多層酥皮, 酥皮入口酥脆,配上清甜既青森蘋果,成個感覺一D 都唔油膩,令你一啖接一啖,絕對係食唔停口,好後悔冇買多一個2)抹茶焦糖慕絲蛋糕杯HKD 25相比之下, 呢個抹茶焦糖慕絲蛋糕杯就冇青森蘋果批咁驚喜。呢個抹茶焦糖慕絲蛋糕杯食落去可以感受到多重口感, 頂層係抹茶蛋糕, 之後就係主角抹茶慕絲, 口感細滑輕盈,但略微甜左一點。

餐廳主打蘋果批，仲有多款甜品，賣相靚之餘，味道亦唔錯。店內有數個座位可以堂食，而外賣既話個盒好cute添。叫左青森蘋果批($33)，焦糖堅果奶油蛋糕($25)。蘋果批新鮮出爐，拎上手熱辣辣。而且好‘聚’手，重量有番咁上下。用上日本青森蘋果，蘋果餡甜而不膩，有蓉有粒，吉士幼滑，一咬d吉士就向外湧出。而酥皮層略脆，個個批都脹卜卜，好得意。蛋糕既焦糖味濃郁，好清楚見到層層蛋糕及cream。面頭鋪有滿滿既堅果粒，增加口感。蛋糕唔會過甜，入口鬆軟，凍食一流。整體，蘋果批飽肚，而蛋糕輕食當tea唔錯，價錢亦親民。拎番屋企食可以熱烘，而堂食就唔驚，因為已經夠熱。

今日同朋友行完街想搵地方坐下 就去左cocolo順便試下蘋果批呢間原來係日本直送，就想黎過下口癮味道清甜粒粒蘋果，裏面仲有creamy既吉士醬，配搭酥香既酥皮 ，口感好治癒，食勁唔膩。然後叫左杯抹茶鮮奶脆脆，奶味重😋但脆脆好快軟，口感一般😗～走既時侯仲叫左個香橙芝士蛋糕🤩非常軟滑 好似食乳酪甘 ，仲有陣清新橙味。食完好滿足～最難得係有甜食店有位坐下，而且當日既姨姨姐姐仲好nice😁打包仲會同我地傾計介紹，估唔到紙袋都靚 送禮用都抵！