東京築地拉麵 (已結業)

我家夫君講左幾日好想食拉麵，佢係好鍾意食拉麵，佢話過要食雲日本唔同地方既拉麵舖，上個月先去完日本既佢又拉麵引發作，例牌睇附近有咩食既時候就發現左依間野，依間野係地牢架，同埋棟門俾風吹到好重好難推開，星期五既夜晚入到去滿坐，好彩咁岩有人埋單，等左一陣就有位喇，坐底即刻睇餐牌喇黑鬼拉麵;一共有四款，溏心蛋個蛋黄好香，但成個食既時候好咸，個麵底正呀，我係一個好唔鍾意食蛋麵既人黎，例如生麵，伊麵，粗麵，簡水麵係最憎，就算日本咁多款拉麵底我都唔係樣樣岩，但依間個拉麵底係我鍾意食果款，個麵似係即煮既，因為冇發大同唔覺煮過龍既關係，當然我只係食左一啖咁大把喇，麵爽，湯底唔太咸，但佢係黑芝麻油食落都唔夠香青檸冷烏冬;個餐牌幅圖係有好多青檸架，同埋係乾身，冇水架，但黎到係咁既樣囉，面頭有啲木魚絲可以提下味，我係好食得酸既，所以我覺得唔夠酸如果可以酸啲就好喇，不過我老公話已經好酸喇，同埋碗野超細碗囉，超細碗！！！！四條多春魚;好普通，加左檸檬汁都食到腥PS.我不嬲係成條食燒鯛魚;我覺得依個抵食丫，連我老公唔食魚都夾黎食，當然佢係食晒冇骨啲魚柳位喇生薑燒豆腐;冇薑味夠熱但普通，一共有四舊皇牌炸雞;一啲都唔好

遲咗放工睇完戲，原本一早安排要去隔離排隊食火鍋等唔切喇🙈，好肚餓呀就過咗隔離食。為咗滿足我嘅食慾就係咁叫嘢食。呢度個Menu嗰啲菜名⋯⋯咁就俾佢嗰個乜鬼嘢仙境沙律賣相吸引左就叫咗。天氣熱就想食凍野，就叫咗個青檸冷烏冬。想食啲香口野就叫左泡菜餃子雞翼，見到燒菠蘿好開心又叫埋燒菠蘿。朋友仔叫咗個築地牛丼同埋沖繩黑糖竹蔗冰，我就飲芒之戀人。黑糖竹蔗冰普普通通，芒之戀人芒果味唔濃，似落咗芒果糖漿🙄。個沙律嚟咗我O左嘴，圖片只供參考😑食過屋企附近間秋月居沙律之後，呢個簡直唔入流，炸麵嘅size又細，仲要無料嘅🙄啲生果粒粒細粒到呢又少又冇汁。燒菠蘿就冇問題，燒完焦糖化咗好甜無渣。泡菜餃子雞翼雞翼冇乜肉，辣辣地幾香口。築地牛飯份量好少汁幾好味，好快就被朋友食咗都冇影相🙈。青檸冷烏冬比想像中清新，酸酸地幾開胃。用滔庭烏冬好滑口，不過都係好細碟食完都唔飽。不過價錢真係好平，都只係二百幾蚊。環境就牆上面有啲日本生活嘅的話都幾得意，但係去廁所好麻煩，要兜到隔離鋪頭後門入去。