吞POT 雞煲火鍋.住家菜 (已結業)

吞pot 個名幾特別，今日決定吞pot 走去食吞pot雞煲火鍋。上到去揀咗個靚位，享受高居臨下的感覺，另一邊是充滿霓虹燈的街景，飽覽視覺享受。食物方面我們點了辣酒花螺雞煲（小辣），但偏辣故建議bb 辣，還點了自創芝士響鈴，牛骨髓，冰菜，唐生菜和脆肉鯇腩。雞非常嫩滑有口感而且醬汁亦香香辣辣非常上癮。而且不得不提的是自創芝士響鈴，我第一次生吃響鈴是覺得沒問題的，新鮮炸出來的感覺真是非常好，而且夾了一些芝士在當中，真是好吃到不捨得吃。當然亦可以加在堂上吃也可以，加在湯上吃的分別是，一開頭會易入口但aftertaste 沒生吃那麼重。脆肉鯇腩魚油味非常香重，牛骨髓也非常滑，好入口。菜吸了湯後非常香辣過癮。最後吃完捧住個肚離開餐廳，非常滿足。…查看更多

秋風起，又係食雞煲同打邊爐的時候了。今晚一於約埋朋友黎到呢間吞POT 雞煲火鍋.住家菜食餐勁！一入座店員即刻將自選醬料盒送上，先mix左自己喜歡的醬料味道，然後再慢慢點餐。餐廳座位闊落舒適，唔會食到迫迫切切咁。我地兩個人點左呢度的招牌香辣雞煲(半份)，仲要左小辣添，今晚一於決定要辣一辣佢。等左一段時間，雞煲終於上枱了，果然係香辣雞煲，味道聞落香香辣辣，香氣四溢，非常刺激食慾。我唔客氣了，雞肉口感嫩滑而且煮得好入味，食落又香又辣味道濃郁，雖然係小辣，但都辣得好刺激又過癮，而其他配菜都好食。食完雞煲梗係唔好嘥左啲香辣醬汁啦，一於加湯再打埋邊爐。其實食完雞煲都已經有五成飽，所以都唔係點左好多嘢。先有滿滿一碟的頂級安格斯牛小排，牛小排好新鮮，係火鍋到涮幾下就食得，食落牛味香濃帶有香辣的味道，而且油脂豐富，肉質仲好嫩滑，好食。跟住係咩菜都有十分豐盛的菜菜籃。有很多不同種類的菌類及蔬菜，既新鮮又乾淨。同埋有自創爆芝響鈴，新鮮熱辣的自創爆芝響鈴，真係即叫即整仲要即食，比一般普通響鈴還要大，咬落香口又脆卜卜，滿嘴油香，而中間的咸香味濃的芝士吱晒出黎，堅好食，食到停唔到口。食辣雞煲點可以唔叫嘢飲，第一次見有青瓜特飲，梗係要叫黎飲下啦。同預期一樣甜甜地，好香青瓜味，感覺清爽怡人，食雞煲火鍋飲佢真係沒得輸，消熱解辣又清涼，認真一流啊。…查看更多

一早已網上訂枱，今晚同朋友們整完甲，就去食雞煲啦～我地一行三人，叫左唔算太多食物，但樣樣味道都唔錯，食材睇得出新鮮。大滿足的一晚特別推介: 香辣雞煲、牛肋片、冰菜、芝心牛丸…查看更多

妹妹幾星期前吃過後，曾說過如果不怕略貴的話，這店的雞煲值得一試，於是找了一晚上去。閒日上去的好處是，不用等位，雖然人不少，但又未至於高朋滿座，而枱與枱之間有一點距離，在香港的雞煲/火鍋店來說，算頗難得。開始時會有一盤調味料，雖然我見過有些地方有更多選擇，但其實通常會用的，這裡都有，應能滿足絕大部份食客的需要。因為有一位朋友吃辣的程度很低，所以雞煲選了bb辣，最後對很愛辣的我來說當然不辣，但的確頗香。我特別喜雞裡面的洋蔥，可能因為吸盡了鍋中香料的味道，令洋蔥吃下去有本來的微甜外，還有其他香香的味道，結果我在加水變火鍋前，已吃掉大部份的洋蔥，留一點for火鍋湯底的味道，而最後當然是把所有洋蔥都吃得乾乾淨淨。 響鈴是每次吃火鍋必點的食物，這裡除了有平常的響鈴外，也有個芝士響鈴，於是便試試新事物。結果也不錯，中間的芝士也能吃到，不過比平時浸久一點點會較好，令芝士溶得更好。另外一味印象深刻的是魚皮餃，因為吃過一粒後，大家再放下鍋後都很著緊魚皮餃的下落，足以說明大家有多喜歡。而我點了一個青瓜特飲，繼續貫徹品嚐一些較少見的食物 / 飲品的習慣。本身對青瓜也有點好感，而這個特飲也meet到預期目標，清清的青瓜味飲料在吃火鍋時特別能有一種平衡調和的作用，很適合在這種場合出現。…查看更多

今晚豬小姐約左兩位姊妹食晚飯 是晚為慶祝大眼妹嘅生日 而壽星女就揀左尼度烚下烚下 齊來「吞POT」！今晚寒風吹襲 毛毛雨令天氣更冷 打邊爐就最適合不過啦位於彌敦道726號23樓 交通方便易搵 成棟大廈都係食肆一上去見到個大魚缸 好多條好生猛嘅🐟🐠🐡游來游去我地三個揀左個BB辣嘅重慶麻辣雞煲半隻豬小姐近排食得太多雞煲啦 天氣凍嘛哈哈 絕對可以作一下比較吞POT嘅雞煲惹味香濃 即使揀BB辣 舌頭亦有著過癮痲痺感 不過味道方面偏咸 重手左啲雞件頗滑溜入味 件件雞都披上邪惡嘅雞皮 質素算是不錯呀！食完雞雞 當然要叫配料打邊爐啦:)招牌十全大寶丸 名都改得古靈精怪過人丸全部係手打嘅 分別係生拆蟹粉墨魚丸 黑松露墨魚丸 黃金海膽黑墨丸 香煎鵝肝蝦丸同埋芝心牛丸 每款兩粒 一共十粒手打丸好似乒乓波咁大粒 表面亦非常光滑！ 手打丸彈牙就一定架啦 而且每款材料都獨特有新意黃金海膽黑墨丸除左整粒係黑墨汁之外 裏面亦有墨魚細粒去增強彈牙感 內裏海膽帶微甜 幾特別嘅配撘愛「芝」之人一定喜歡尼個芝心牛丸 芝心餡多 一咬爆發 芝士可以話係多得誇張！芝士味流心濃郁只需烚五秒就可以食嘅象拔蚌片口感欠爽口 沒有鮮味 似雪藏貨色鯇魚腩雪白大件 洗得好乾淨 食得好安心 魚腩嫩滑無腥味牛三郎係嘜東東？ 其實就係雪花肥牛 牛肋片同埋牛柳粒！擺盤可觀吸引 三款牛切成不同形狀 長薄片 圓形及粒狀:)牛肉鮮紅紋路有緻 可惜味道就爭啲啦牛味淡淡帶一點嚡口 質素十分普通 牛肋片相對好少少 始終部位脂肪比例較少！為左令腸道健康 點可以唔叫蔬菜食下呀我地叫左薯仔片 同出面比較少見嘅萵荀同冰菜萵荀片砌成花花形狀 口感爽脆天然:)冰菜要天氣凍嘅野時候先有得食架 冰菜表面有層水珠狀嘅粒子 好特別冰菜本身無嘜味道但非常索味同快熟 麻辣味全被滲透稻庭烏冬 芋絲係豬小姐打邊爐必食架啦 走唔甩青瓜特飲好奇怪？其實一啲都唔怪呀 由青瓜汁同梳打水混合而成 感覺清新解渴「吞POT」之夜完畢嚕 同姊妹又講又笑真係開心 POT尼回事 您地話如果每日都可以吞有幾好呢……醒呀！！！唔洗做咩…查看更多