日嚐

營業中

休息中

呢間小店一直受到紅磡街坊追捧主打日系家庭式慢煮定食 經常滿座´ ▽ ` 套餐原來好豐富 有齊湯品前菜沙律主食茶飲！可以自由配搭 選擇困難症患者慎入啊 哈哈擺盤小巧精緻 即使配菜都見到誠意位(❁´◡`❁)主食有豬牛雞魚類 推薦慢煮黑毛豬肥厚爽嫩 肉味濃郁 伴上肉桂蘋果蓉 清甜不搶戲.銀鱈魚西京燒.白飯一定要追加醬油蛋～生蛋黃是靈魂啊.特別推薦玉子燒！表面燒到有層焦糖咁 內裡軟綿 甜甜地又有濃濃蛋味.紫薯球軟滑唔乾 食到青蘋果粒粒 清甜！.廣島蠔亦肥美鮮甜 必點啊

假日同友人去寶石戲院睇戲，完場後順便係果頭食晚飯，揀了想去好耐的日嚐，晚市時段都幾多人幫襯要排隊，大約等左十分鐘到就有位。店子的門面及內堂裝潢有著日式風格，以木系為主調，設計之中用上傳統壓花玻璃，暗藏港式風格，幾有心思，內堂面積不大，但坐得唔太迫有空間，仲有種溫暖之感。餐牌，全日套餐，等待時已有心水食咩，都係用QR code落單。慢煮美國封門柳，$118，追加醬油蛋 +$8，附送玄米茶及餐湯。封門柳，份量十足，邊位有少許焦香，肉質鬆軟，牛肉味濃郁，沾上清爽辛香的柚子胡椒鹽伴食更美味。稻庭烏冬，昆布木魚湯底，烏冬軟滑，湯底鮮味，配上醬油蛋更美味。青蘋果紫薯球，吸引之一，紫薯味唔漏，微微的青蘋果香有著清爽之感。柚子青瓜漬，微酸口感爽脆。海帶豆腐湯。蜜瓜福餅，跟餐+$4，小小的一個，蜜瓜味淡甜甜地，志在想食甜品。桂花烏龍茶，跟餐+$6。食物味道不俗，同幾抵食，不收加一果下正，服務幾好，下次有機再戰。同場加映，飯戲攻心。

今日黎到黃埔試下呢間日式料理餐廳，個人幾鐘意日本定食既概念🍱一個套餐入面有齊湯、前菜、主食、甜點，在視覺及味覺上都得到大大滿足，有一種圓滿的感覺❤️鴨胸經過慢煮處理，即使係胸肉，肉質亦非常粉嫩。柚子及BBQ醬既混合味道非常夾🤩為鴨胸肉增添濃郁燒烤風味🔥🔥超級推薦必點套餐！❤️❤️美國封門柳牛味超濃，肉質軟淋鮮美，而且用慢煮方式將肉汁完全封住🤩🤩同蘑菇汁口味非常夾。⭐️小插曲：蘑菇汁同KFC既一模一樣😂😂十分推薦必點配菜！❤️❤️由紫薯蓉🍠+青蘋果粒🍏做出的沙拉🥗。紫薯蓉細密，青蘋果為其增添爽脆，淡淡酸甜令整個沙拉口味清新開胃😋😋紅豆蓉🫘煮得好綿☺️☺️紅豆粒入口即化，啖啖豆蓉香，好似食緊濃縮既紅豆沙一樣。不過單食紅豆口味會偏甜，要配上清淡煙靭既白玉去享用就剛剛好啦～餐廳店內偏小，只有4張枱，所以晚市繁忙時間可能要排隊。裝潢以日式設計為主，給客人温馨、平靜的氣氛。待應服務態度良好，而且上菜速度快，整個晚餐體驗非常好☺️🥰

呢間小店主打日式家庭料理，提供8款全日套餐，仲可以自己配搭烏冬/蕎麥麵/飯，同埋兩款季節沙律🥗▪️慢煮美國封門柳🐮｜稻庭烏冬(昆布木魚湯)｜醬油蛋🥚｜青蘋果紫薯球🍏🍠｜和風茄子🍆封門柳約5成熟，食落軟腍，而且牛味濃郁，不過雜菌燒汁比較普通，個味有少少似KFC蘑菇飯個汁。烏冬有咬口，不過因為係放湯，撈埋醬油蛋，變得有啲稀。紫薯味道天然，青蘋果粒增加口感。茄子入味，面頭仲有啲木魚▪️慢煮黑毛豬配肉桂蘋果蓉🐷🍎｜蕎麥麵(冷)｜醬油蛋🥚｜青蘋果紫薯球🍏🍠｜日式大根黑毛豬同樣軟腍，蘋果蓉清甜，但就唔係好食到肉桂味，不過咁樣可能反而更夾。蕎麥麵唔沾蕎麥麵汁，淨係撈醬油蛋，味道更香濃。大根清甜冇渣▪️紅豆白玉(甜品) 🫘🍡白玉軟糯，紅豆蓉綿密，但偏甜少少🤏🏻日嚐📍紅磡明安街10號寶石戲院地下F號舖