水剌韓饍 (已結業)

星期4剛從韓國回港星期5就開始掛住韓國菜喇，於是約左朋友到一家新開的韓國餐廳試一試.....首先講下餐廳環境，餐廳好新好乾淨，座位坐得好舒服，邊慢慢食邊同朋友傾計夠晒free...另外staff服務唔錯，親切，動作亦夠快^^入主題講食物水準喇！首先比佢地嘅前菜嚇一嚇，足足有9碟，喺韓國生活左1年半都好少比甘多小菜，最重要係小菜同韓國味道一樣^^ 特別係泡菜，味道正中，好味！之後我地點左잡채炒粉絲，o係韓國留學o既時候，唔係好多地方可以點一碟炒粉絲食，只係間唔時小菜會有잡채, 所以返到香港特別想食...味道同韓國食o既一樣，正宗！설렁탕牛骨湯, o係韓國最經常食，因為有益養又好味....不過o係韓國都唔係間間都好食，所以我都好想試下佢地煮成點...hm....佢比我平時食開的有加金菇，所以多左鮮味，平時o係韓國係配飯，今次係配麵，本人覺得配麵更夾....군만두係我朋友話要點, 煎得好香，點汁好味....飲品點左我至愛오미자차...一飲就好懷念韓國呢,酸酸甜甜好好味！！所以綜合睇...lee間新開無耐o既韓國餐廳我好滿意，價錢當然無得同韓國比啦，但o係香港算好合理！而且環境，service

真係好多謝甘多位好友每年都特登出外搵間好既餐廳慶祝我生日，一大班人食飯。今年選擇左呢間新開的韓國餐廳，希望會有驚喜。我地叫左呢d野食 :炆牛肋骨 (首選推介係呢個牛肋骨，肉質好「林」，好入味，正!) 蛋包蝦 (呢個餸都幾特別，我未都係出面d韓國餐廳食過，好好味，一d都唔油膩)春川炒辣雞 (有個經常去韓國既朋友，叫我試下呢個雞，韓國好多地方都有得食，但香港就未必，食落甜甜地，跟住有少少辣，入面都有少少年糕，撈飯食相當唔錯。)韓國炒粉絲 (幾個朋友都中意食呢個粉絲，爽口又彈牙)石鍋小八爪魚雜錦伴飯 石鍋牛肉雜錦伴飯 石鍋雞肉雜錦伴飯(石頭鍋飯佢地會問你撈唔撈埋辣醬，我地就揀左要辣醬，入面d配料好豐富，又唔係話好辣，ok好味)辣醬炒年糕(呢碟餸上左之後都好快被人掃清光，年糕軟身，一d都唔硬，同個辣汁好配合)泡菜煎餅(煎餅都好好味，唔會油膩，配料都相當充足，味道好，抵叫)人蔘雞湯(煲湯有好多雞肉係入面，個個人都分到有雞食，湯味道鮮甜。)環境唔錯，又唔會好嘈，仲有個飯後飲品，酸酸地，唔錯，我諗我有下次都會再黎。