影片
更多
2015-06-21
3513 瀏覽
韓國菜，以前就只喺知有泡菜、人蔘雞、石頭窩飯……等等，近年韓燒更喺當紅，跟住炸雞、芝士排骨……等等陸續火熱起嚟。從而，年多前晌韓燒店食過一款雪花冰（韓冰），先認識到依款韓式甜點冰品。今次嚟到銅鑼灣Nun唔使食韓燒都可以品嚐到雪花冰嘅滋味 。Nun將雪花冰以「韓式雪奶」命名，除有雪奶外，仲有多款唔同類型甜點，如意大利粉雪糕、雪糕吐司、雪糕窩夫、沙冰、果汁，另外更有數款韓式小食及韓式湯麵，所以，到當一頓正餐都無問題 。單睇餐牌唔知份量又幾大，收銀機前放有幾個甜品模型，不過，想講嘅重點喺+$18可以轉為大份，正常跟大份究竟差幾多，正正第一，二兩個模型就喺一大一正常嘅參考。順便講講，餐廳設有最低消費，4 人為$200，5人為$250 ，如此類推，但始終喺晌銅鑼灣嘅旺區，收費喺唔會平。但因為啲甜品起錶價四十幾蚊，所以，要食過最低消費唔難。店子面積唔太，始終賣甜品翻枱快。但環境幾舒服，一室木系枱櫈配襯白色牆身，摩登有活力，牆上有啲店中甜品嘅掛畫之外，仲掛咗少少盆栽作裝飾，添加幾分田園氣息 。大廳以活動式二人枱為主，入少少有一排吧位，適合一個人。雖然同麵包班同學仔兩支公打正旗號嚟食甜品，不過
Nun將雪花冰以「韓式雪奶」命名，除有雪奶外，仲有多款唔同類型甜點，如意大利粉雪糕、雪糕吐司、雪糕窩夫、沙冰、果汁，另外更有數款韓式小食及韓式湯麵，所以，到當一頓正餐都無問題 。
單睇餐牌唔知份量又幾大，收銀機前放有幾個甜品模型，不過，想講嘅重點喺+$18可以轉為大份，正常跟大份究竟差幾多，正正第一，二兩個模型就喺一大一正常嘅參考。
順便講講，餐廳設有最低消費，4 人為$200，5人為$250 ，如此類推，但始終喺晌銅鑼灣嘅旺區，收費喺唔會平。但因為啲甜品起錶價四十幾蚊，所以，要食過最低消費唔難。
店子面積唔太，始終賣甜品翻枱快。但環境幾舒服，一室木系枱櫈配襯白色牆身，摩登有活力，牆上有啲店中甜品嘅掛畫之外，仲掛咗少少盆栽作裝飾，添加幾分田園氣息 。大廳以活動式二人枱為主，入少少有一排吧位，適合一個人。
雖然同麵包班同學仔兩支公打正旗號嚟食甜品，不過，都想食啲鹹點打底。
韓式窩貼 $42 一客6隻嘅煎窩貼，煎得皮脆金黃，肉饀亦夠緊致多汁，除非你蘸點韓式辣醬，否則跟食一般窩貼又唔會有太大分別。
韓式窩貼
$42
49 瀏覽
0 讚好
0 留言
我哋兩個一心嚟試雪奶，所以，茅頭直指雪奶類甜品。韓式雪奶一共有16款選擇，配搭各有不同。小弟一眼就心儀依款以士多啤梨為主嘅雪奶，因為豔紅吸引。
份量真喺唔講得少，雪奶（我都喺鍾意叫雪花冰多啲）、士多啤梨、雪糕、雪米糍堆到成座山咁大碗，再淋上士多啤梨漿，賣相既立體，又搶眼 。粒士多啤梨雪米糍都幾難搞，因為好軟糯，我哋兩個都想試，搞咗好耐先分得開，但就「肉酸」啲，如果一個人食就無咁麻煩；
韓式雪米糍粉天使雪奶
$68
105 瀏覽
1 讚好
0 留言
中層嘅士多啤梨雪糕，非常大嚿，店家講明採用意大利雪糕，融得有啲快，但就軟滑富奶香；而啲士多啤梨果肉，又大粒，又鮮甜，因稍為雪過嚟，有點點冰感；至於主角啲雪奶，口感非常細滑，亦卒之知道點解佢哋要叫雪奶，因為啲雪奶冰唔喺就咁一般水做嘅刨冰，而喺加咗奶成份嘅刨冰，色澤帶點淡黃，味道則有少少奶味 ；此外，最欣賞佢唔喺就咁得啲雪奶冰，中間加咗層士多啤梨果醬，所以，撈埋融落去嘅雪糕，再加果肉，一啖啖咁食，真喺消暑奇「冰」 。
鋒芒畢露芝士雪奶 $72 同學仔揀嘅雪奶一樣好吸引，有雪奶、芒果果肉、雪糕及芝士蛋糕粒，全都喺小弟喜愛嘅食材組合。
份量十足唔在講，一身金黃，未食已幻想着佢個味道喺點。芒果雪糕非常軟滑，而芒果果肉就更加清甜天然，芝士蛋糕就提供另一種實淨嘅口感，當中嘅芝士味突出，仲要兩者都落得重手；雪奶又點呢？就喺一貫咁柔滑，此外，淋滿芒果漿，加入少許烘杏仁片，讓整道甜品更有層次 。基本上兩款雪奶都夠甜蜜，所以，店家隨雪奶奉送嘅煉奶我就無用武之地。
鋒芒畢露芝士雪奶
$72
81 瀏覽
0 讚好
0 留言
基本上每款甜品都跟指定口味雪糕，但隨個人口味偏好，亦可以+$15轉為較特別嘅比利時雪糕。
雖然一客雪奶要成六、七十蚊，但計及份量，一個份量往往夠兩個人食，不過，人多時就要注意埋個最低消費個問題喇！
張貼
